हिंदुस्तानी

हिंदुस्तानी

हिंदू आम्ही हिंदुस्तानी, जात पात ना अन्य धर्म
देशावरती प्रेम करावे, ठावे आम्हां एकच कर्म

हिंदू-मुस्लीम ख्रिस्त ईसाई, भिन्न जरी जगण्याच्या रीती
धर्म आमुचा एक सांगतो, करा जगावर अनन्य प्रीती

देव हृदयी एकच असतो, लाख मोलाचा हा सल्ला
ईश्वर म्हणती येशू म्हणती, वा कुणी म्हणती अल्ला

माणसाची माणसाशी असे, माणुसकीची अभंग नाती
दफन करा अग्नीत जाळा, एकच गती एकच माती

रंग-बिरंगी कपडे घालून, दिसशी जरी तू वेगवेगळा
कपडे उतरून शोधून पाही, मानव सर्व समान सगळा