#नातीगोती

असलेली कडू गोड नाती
आवर्जून जपायला हवी
झालेल्या नात्यांच्या गुंत्यांची
सोडवणूक करायला हवी...

स्वार्थाच्या या सागरामध्ये
एकेकटे पडलेले सारे
वादळातली आपली बोट
नात्यांच्या मदतीने तरायला हवी...

आई-वडील, भाऊ आणि बहीणी,
रक्ताचे धागे इतर सारे
मित्र, सोबती, सखे सोयरे
घट्ट पकडून ठेवायला हवे...

नात्यांचा आधार मोठा
जुन्या पिढीने अनुभवलेला,
आज घरोघरी एकेक अपत्य
आहे धोका फारच मोठा...

नात्यांची माणसं कमी होणं
हक्काची दारं लुप्त होणं
एकाकी हे जीवन जगणं
प्रयत्नांनी थांबवायला हवं...

आज थोरल्या वाड्यातल्या आज्जीच्या लग्नाचा ५० वा वाढदिवस. आज्जीला काहीकाही गोष्टी आजकाल लक्षात राहत नसल्या तरी आज्जी आजची तारीख विसरायची नाही.

नेहमीसारखी भल्या पहाटे ऊठून, सगळं आवरून आज्जी खोलीत आली. आज कोण जाणे का पण मन हवं तितकं आनंदी नव्हतं.