दिवास्वप्न

दिवास्वप्न

Submitted by डी मृणालिनी on 9 September, 2020 - 06:17

मी त्यादिवशी सहज विचार करत होते ,समजा सध्या जगात चालणाऱ्या गोष्टी उलट्या दिशेने चालू लागल्या तर .... ? म्हणजे लहानांनी मोठ्यांचं ऐकण्याऐवजी मोठे लहानांचं ऐकू लागले तर ...... ? कित्ती छान कल्पना आहे किनई !
मग रोज मम्माला मी दूध देईन . ती मला विनवणी करेल. '' मृणाल ,प्लिज आज दूध नाही घेतलं तर चालेल ? ''
'' अजिबात नाही . चल लवकर गुटुक गुटुक पिऊन टाक ''
''अगं पण मी रोज घेते ना ! आजच्या दिवस नको ना प्लिज ..... ''
'' एवढुशी होतीस ना तेव्हा सगळं ऐकायचीस . तेव्हा किती छान गब्दुल्ली होतीस . आणि आता बघ हाडांचा सापळा नुसता ! ''

विषय: 
शब्दखुणा: 

दिवास्वप्न

Submitted by अनन्त्_यात्री on 17 September, 2017 - 23:38

वस्त्र ढगांचे धुवून सागरी वाळत घालीन व्योमी
धग सूर्याची परिटघडीस्तव येईल माझ्या कामी

कधि चंद्राचा घेउनी चेंडू करेन क्रीडा गगनी
चांदणमेवा थोडा थोडा चाखिन अधुनी मधुनी

प्रकाशवर्षांचे अंतर मी तोडिन प्रकाश वेगे
अंतरिक्ष लंघून संपता कशास येईन मागे?

दिवास्वप्न हे माझे कधितरी येईल का सत्यात?
ठाऊक नाही, पण तोवर मी झोपून पाहीन वाट
Happy

Subscribe to RSS - दिवास्वप्न