विहीर

।।विहीर तुडुंब।।
(अलक कथा)

भुकेली, तहानेली
ती त्या अनोळखी गावांत आली.
जवळंच तिला एक जुनी विहीर दिसली.
पाणी पहाण्यासाठी ती आंत डोकावली.
आणि पडली ती तिथेच राहीली.
आता ती विहीर बाराही महिने...
तुडुंब भरलेली असते.
लोक म्हणतात "देव पावला!"

मी मानसी...

आमचं कोकणातलं घर परसभागाशिवाय अपूर्ण आहे. म्हणून चला ... आज मी तुम्हाला आमचं परसदार फिरवून आणते. परसदार म्हणजे नावातच अर्थ दडलेला आहे... घराचा मागचा भाग.

आज पाऊस येईन
रोजच वाटतं
वाट पाह्यता पाह्यता
डोळ्यात पाणी दाटतं

मळ्यातल्या विहरीपरी
मनबीन आटतं
जमिनीतल्या भेगांसंगं
उर महं फाटतं

चिंबओल्या वावराचं
स्वप्न पहा वाटतं
कुटका गिळून पडल्यावर
झोपाच कुठं वाटतं

कर्जाच्या ओझ्यानं
सम्दं गणित हुकतं
घरगुती चिंतायनं
स्मशानगाव पेटतं

कास्तकारी करणं आता
पाप केल्यावानी वाटतं
बैलावानी मलेबी
मरून जा वाटतं
-------------------------------------------