विजया -विजया

पुनवेची रात

चमचम चांदणी रात
पुनवेचा पूर्ण चांद
दुधाळ करी बरसात
पूर्वेचा वारा मंद

सागरतीरी शुभ्र रेत
विसावे नावांची रांग
फेसाळ जल बरसात
विरावे लाटेनं मग

गार वारा

भूपाळी

** वाटचाल **

दिवसभराची वाट-चाल काळवंडली निशा
काळोखातून प्रवास करत उजळली उषा

धडोतीच्या वस्त्राच्या झाल्या चिंध्या कशा?
उब देती चिंध्यांच्या गोधड्या सुबकशा

ज्योत तेवेल .. प्रकाशाची आशा
काजळीच्या काळजीत तेवते निराशा

जीव जन्मतो लादून मृत्युच्या आयुष्या
जाणतो अजाणता आपल्या भविष्या

जळी मीन असा कोरडा कसा?
प्रपंच जाळ्यात मनावर कोराला हाच ठसा

भूपाळी

भाग्यश्री

भाळीची चंद्रकोर अमोल ठेवा
आकाशीच्या चंद्रकोरीस वाटावा हेवा

ग्वाड रुपडं अति देखणं
मनमोराचे थुईथुई नाचणं

यजमान फाकडा ,नथीचा आकडा
व हिरवा चुडा ,जो तो पाही होऊन वाकडा

श्रीदेवी सम मुखकमळ हासरे
जली कमळ डोलणेच विसरे

आगळे काळे मणी, खोप्यावर शेवंतीची वेणी
बकुळीहार, तोडे,वाकी ल्याली ऐसी मोजकीच लेणी

पदर सावरून पाऊलउचली हलके हलके
पण चाळ होती वाचाल अन डोळे बोलके

टेकले बोट हनवटीवर, नवलाने पाही आई
वदे== हे राजसबाळे , स्वयंसिध्दा हो माझे बाई