जयश्री अंबासकर

"व्हॅलेंटाईन डे" स्पेशल - जॅकेट

Submitted by जयवी -जयश्री अंबासकर on 6 February, 2014 - 03:49

हे "व्हॅलेंटाईन डे" स्पेशल जॅकेट ! दोन खिसे सुद्धा आहेत हं Wink

IMG_5073-001.JPG

ही मागची बाजू

IMG_5074-001.JPG

हा क्लोज-अप

IMG_5071-001.JPG

विषय: 

ओली सांज

Submitted by जयवी -जयश्री अंबासकर on 5 February, 2014 - 06:37

सांज उतरती ओली
का लावुन हुरहुर जाते
मन गाभा-यात कशाचे
काहूर पेटवुन जाते

अर्घ्यातुन पागोळ्यांच्या
सुखसर्वस्वाचे दान
चुकविती बापुडी कौले
कुठल्या जन्मीचे ऋण

संन्यस्त घरांच्या भिंती
निथळती, गळती संथ
गतवैभव स्मरुनी सारे
ढाळती आसवे मंद

काळोखाचा विळखा मग
अधिकच काळा होतो
वाटते निसटले सारे
अन्‌ जीव घाबरा होतो

उदरातुन काळोखाच्या
उमलावा प्रेमपिसारा
स्पर्शातुन उमजत जावा
जगण्याचा अर्थ निराळा

जयश्री अंबासकर

Subscribe to RSS - जयश्री अंबासकर