सुपंथ

नमस्कार मायबोलीकर,

दरवर्षी महिला दिनाच्या निमित्ताने मायबोली-संयुक्ता-सुपंथ परिवारातर्फे गरजू संस्थांसाठी मदत गोळा केली जाते. मायबोलीकरांच्या समृद्ध सामाजिक जाणिवांचे व जबाबदारीच्या भावनेचे या उपक्रमातून उत्कृष्ट दर्शन होत असते.

सामाजिक उपक्रमांत कोणकोणत्या संस्था मदतीसाठी निवडाव्यात ह्याबद्दल नेहमीच पेच असतो. ज्या संस्थेत आपण गोळा केलेली मदत वस्तूरूपात देणगी म्हणून देता येईल अशा संस्था शोधणे, त्यांची काय गरज आहे याचा आढावा घेणे, त्यानुसार आपण करावयाच्या मदतीचे स्वरूप ठरविणे इत्यादी काम संयुक्ताच्या सदस्या दर वर्षी आवडीने व उत्साहाने करतात.

नवीन वर्षाच्या शुभेच्छा आणि नविन वर्षाचे संकल्प सोडत २००९ साल सुरु झालं आणि बघता बघता संपलं देखिल. त्यावेळी म्हणजे जानेवारी २००९ च्या पहिल्या आठवड्यात समविचारी समाजशील मायबोलीकरांनी एकत्र येऊन ’सुपंथ’ ह्या मदत गटाची स्थापना केली (मायबोलीवरचा हा बीबी - ), गेल्या वर्षभरात सुपंथला काय करायचं होतं, काय केलं, कुठपर्यंत मजल मारली ह्याचा थोडक्यात आढावा पुढे ठेवताना आम्हाला कोण आनंद होत आहे.