कशाला काय म्हणायचं?

जहांगीर ? काय राव बनवता का आम्हाला?!

चहाच्या टपरीवर पुर्वी चहा आणि कॉफी मिक्स पेय मिळत असे त्याला 'मारामारी' म्हणत.

काहीतरी हिरवा रंग, पिस्ते वगैरे घालावे लागतील त्यात >>
माणिक पैंजण मधे माणिकाचा रंग आणि पैंजण मिसिंग आहे तसंच. तीच मुख्य अट आहे नावं ठेवताना.

आता मारामारी झालीय चाय लाटे
सगळ्या गप्पा भारी...

जहांगिर म्हणजे फोडणीची भाकरी असेल तर फोडणीच्या भाताला अनारकली म्हणूया.

चहाच्या टपरीवर पुर्वी चहा आणि कॉफी मिक्स पेय मिळत असे त्याला 'मारामारी' म्हणत. >>
चव ?

>>> गुलाबजामुनात गुलाब असतात का
सजावटीसाठी पाकळ्या घालतात, पाकातही गुलाबजल घालतात स्वादाला.

>>> जहांगिर म्हणजे फो.पो. असेल तर फोडणीच्या भाताला अनारकली म्हणूया.

नाही म्हणायला पुणेकरांनी फालुद्याला मस्तानी म्हणून रसिकतेचा उच्चांक गाठला आहे म्हणायचा त्यांच्या परीने.

पोहेहार हा पोह्यांचा नसतो.
पोह्यांचं नाव सुवर्णतन्मणी !

अनारकली कनीज होती. फोडणीच्या भाताला नूरजहाँ पुलाव म्हणा.

मारामारी प्रकरण माहिती आहे, बाबा सांगायचे लहानपणी.

एकेक प्रतिसाद

रानभूली .पोळीत लाल तिखट जास्त घातलं तर थोडा लाल माणिक रंग येईल.

पोळीत लाल तिखट जास्त घातलं तर थोडा लाल माणिक रंग येईल. >>> मग फाऊल ना ?

सुवर्णतन्मणीचा पिवळा रंगही फाऊल होईल मग. नुसतं तन्मणी चालेल.

>>> फोडणीच्या भाताला नूरजहाँ पुलाव म्हणा

रुचिरामध्ये अकबर्‍या नावाचा पदार्थ आहे.

सुवर्णतन्मणीचा पिवळा रंगही फाऊल होईल >>

याच न्यायाने पाणीपुरीला चिंचपेटी नाव देता येणार नाही.

हो, चिंचपेटी पेढ्याला वगैरे म्हणावं लागेल.

>>> रुचिरामध्ये अकबर्‍या नावाचा पदार्थ आहे.
हो की काय! कुठल्या शिळ्या पदार्थाला फोडणी दिली आहे?

शिळ्या ब्रेडचाही मनोहर मुरलीधर करतात ना बाकी?

ही एकेक नावं म्हणजे कुणाचे तरी फावल्या वेळचे उद्योग असणार आहेत. जसे आपले चालू आहेत.

नाही. अकबर्‍या अनारशाच्या मार्गाने जाता जाता वळण घेतो. लोणी आणि साखर. थापायच्या ऐवजी गोळी आपटी बाँबसारखी आपटायची. मग तळायची.

>>> थापायच्या ऐवजी गोळी आपटी बाँबसारखी आपटायची. मग तळायची.
अरे देवा!
हा त्या मुळ्याच्या आळसासारखा अनारशाचा कंटाळा झाला म्हणजे!

हा त्या मुळ्याच्या आळसासारखा अनारशाचा कंटाळा >>>

आज काही खरं नाही. बाळसे बल्लवाचार्य काँबो आहे !!

रुचिरामध्ये अकबर्‍या नावाचा पदार्थ आहे.>>>>> बरा होत असेल.
मारामारी, गंगा जमुना संत्री- मोसंब्याच्या रसाला म्हणतात ना?
आपला सुधारस विसरलात मंडळी?.
माझ्या लहान भावाने तेल समजून डोक्याला लावला होता.

मला चहा कॉफी एकत्रला मारामारी म्हणतात हे माहीतेय.

माझ्या लहान भावाने तेल समजून डोक्याला लावला होता. >>> हाहाहा. लावताना चिकटपणा नाही का जाणवला त्याला.

अकबर्‍या, अनारकली, नूरजहॉं, जहांगिर
पाकातली नासकवणी

🤣 🤣 🤣

महान प्रतिसाद आहेत!
आज काम करायला द्याल का नाही!

>>> माझ्या लहान भावाने तेल समजून डोक्याला लावला होता.

कणकेत मऊसरपणा राहण्यासाठी घालतात ते तूप = मोहन.

मोहन म्हणजे व्यक्तीचे नाव हेच माहीत होते तेंव्हा 'कणीक मळताना मोहन घातलेस का' वगैरे ऐकल्यावर लहानपणी डोक्यात काय काय कल्पनाविलास व्हायचा.

एका मिठाईचे नाव लवंगलतिका असे देखील वाचले आहे.