हैदराबाद गटग - डॉ. कुमार सोबत- ०१ जून २०२५

पाहुण्यांच्या स्वागतासाठी सुब्बलक्ष्मींच्या सुमधूर स्वरातील कौसल्या सुप्रजा हे प्रभातगीत...

https://www.youtube.com/watch?v=R-bwYbOExt8

परवाच आहे नाही का? सर्वांना शुभेच्छा!!

तो पॅलेस पाहिल्यावर एक शंका राहून राहून येतेय मनात कि,
गटगच्या आयोजनात हैदराबादचे निजाम सहभागी असावेत किंवा

निजाम म्हणजे आपले ते हे तर नाहीत?

धन्यवाद मावा !
मित्रहो,
हैदराबादला पोचणारा पाहुण्यांपैकी मी पयला असून आताच एबीड्स भागातील ताजमहाल हॉटेलला आलेलो आहे. आता प्रतीक्षा करतोय मुंबईहून येणाऱ्या त्रिकुटाची.

मज्जा करा
शुभेच्छा

मजा येतेय हा धागा वाचताना. गटग ला शुभेच्छा.

गटग तीन दिवस मिळून तीन अंकी असणार आहे.

हा घ्या पहिल्या अंकातील पहिला प्रवेश :
भायखळा-टोळी आणि हैदराबादी-मावा यांची सुरेख युती अजून काही तासांनी तेलंगणाच्या भूमीत होणार आहे..

आता पाहुण्यांच्या एकमेकांच्या गळाभेटी आणि गप्पांना उधाण आलेले आहे. काही जोड्यांच्या भेटी पहिल्यावहिल्या असल्यामुळे प्रथमदर्शनाचा माहोल काय विचारता ? आ हा हा !

असा हा षड्वृंद धमाल करण्यास सज्ज होत आहे. . .

यापूर्वी संजयना तीनदा तर बाकी सर्वांना एकदा भेटलो आहे. आजच्या पुनर्भेटीतून आमची मैत्री दृढ झाली आहे हेवेसांनल . . .

(गमतीचा भाग म्हणजे संभा आणि वादे यांची व माझी पहिली भेट मिपाकर या नात्याने झाली होती).

>>>>>>तसेच मिनी गटग सुद्धा ३० मे ला होत आहे.
वृत्तांत प्लीज

गोवळकोंडा किल्ला बघून छान दमलो आहोत आणि आत्ताच खोलीवर आलो आहोत. भरपूर फोटो काढले आहेत.
आता दमाने उद्याच हळूहळू वृत्तांत येतील.

अर्रे मस्त मस्त!!! वाट पहातोय.

वृ वाचायला मजा येणारे…

आमची आठवण काढली ना
Please हो म्हणा

हो हो! तुम्हा सर्वांची आठवण काढतच मजा करीत आहोत.
...

मानव व माझी ही पहिलीच भेट. अर्थात गेल्या बऱ्याच वर्षांपासून इथल्या अनेक धाग्यांवर आमचे मैत्र छान जुळलेले आहे. ‘मानव पृथ्वीकर हे माबोवरील एक उत्कृष्ट आणि कल्पक सदस्यनाव आहे ! या नावातून कोणताही वर्गभेद ध्वनीत होत नाही याचे अप्रूप वाटते. म्हणूनच, हे नाव धारण केलेल्या व्यक्तीला आयुष्यात कधी ना कधी भेटायचेच हे मनात केव्हाच ठरले होते. आज तो सुंदर योग आलेला आहे.

वामांचे नियोजन अतिशय उत्तम असून आज किल्ला दर्शनाने त्याची झकास सुरुवात झालेली आहे.

वादे हे पण एक हसरे आणि उमदे व्यक्तिमत्व. त्यांची माझी ही दुसरी भेट. आज किल्ल्याकडे जाताना ते व मी एका रिक्षात होतो. त्यादरम्यान त्यांच्याकडून हैदराबादमधील सांस्कृतिक व सामाजिक जीवनाचा एक धावता आलेख ऐकायला मिळाला.

इथल्या बहुसंख्य दुकानांवरच्या आणि उद्योगांवरच्या पाट्या इंग्लिशमध्ये आहेत. फक्त सरकारी कार्यालय व बँकांवर द्वैभाषिक लिहिलेले आढळते. मुंबईच्या तुलनेत ही अगदी विरुद्ध परिस्थिती म्हणावी लागेल !

एकंदरीत इथे स्थानिक भाषेतील पाट्यांचा बिलकुल आग्रह नाही अशी माहिती मिळाली.

आमची आठवण काढली ना
Please हो म्हणा

हो ना, किल्ली या शब्दाची खुप आठवण येत होतीच!

एखादे वेळी गरज पडली तर असावी म्हणून ॲबिट्सच्याच एका मित्राच्या फ्लॅटची किल्ली मी सोबत नेली होती. गोलकोंडा किल्ला बघत फिरताना आणि इतर प्रवासात ती किल्ली कुठे पडणार तर नाही ना म्हणून मी ती खिशातली किल्ली सारखी चाचपून बघत होतो!

हघ्याहेवेसांन

काल गोवळकोंडा किल्ला पुन्हा नव्याने पाहिला! गाईड घेण्याची कल्पना मांडल्याने किल्ल्याची सविस्तर माहिती आणि अनेक अद्भुत प्रत्यक्षिके आम्हाला बघायला मिळाली त्यासाठी मानवदांचे विशेष आभार

वरील फोटोत डावीकडून अनुक्रमे
वामन राव, मानव पृथ्वीकर, सतीश, ऋतुराज, कुमार१ आणि
..... संजय भावे .
* * *
काल रात्रीची हॉटेलमधील मैफिल जबरदस्त आणि रंगतदार झाली. त्याला गटगचे सातवे सदस्य श्रीगणेशा देखील हजर होते. प्रत्येक माबोकराचा विस्तृत परिचय, गंमतजंमत आणि प्रत्येकाची उलट तपासणी हे या मैफिलचे संस्मरणीय वैशिष्ट्य !

मानव सरांचे दर्शन झाले आज.
बाकी उत्सवमूर्तींपैकी ऋतुराज, कुमार सर आणि संभा सरांना सहज ओळखता आले.
नवीन उत्सवमूर्तींचे रोमातून मंचावर स्वागत.

किल्ला पण बघू द्या हो. उत्सुकता आहे.
गटगच्या ठिकाणी असलेल्या पॅलेस बद्दल सुद्धा उत्सुकता आहे. दोन्हीचे फोटो टाका.

येणार येणार.....
सविस्तर वृत्तान्त येणार.

आमची आठवण काढली ना
Please हो म्हणा Happy>>>>> हो आठवण काढली.

आता तुम्ही कुठे गटग आयोजित करताय...... म्हणजे मला तस यायला

गटगच्या ठिकाणी असलेल्या पॅलेस बद्दल सुद्धा उत्सुकता आहे.>>>> आम्हालाही ती उत्सुकता आहे.

वा!! भारीच!!
मी मिस केले!

मानव सर धन्यवाद.
कुतूहल आहे अर्थात. पॅलेस, किल्ला पहायचा आहे. तुम्हाला सुद्धा पहाता आले. बाकि वेगळं असं कुतूहल नाही. गैस नसणारच.
गटगच्या धागा वर राहतो प्रतिसाद दिल्याने.

छान वृतांत आणि photo.
.
लाल रंग एकदम डोळ्यावर येतोय
रोमातले माबोकर ना red shirt वाले..
(आता कुणीतरी म्हणेल भगवा आहे )
.
वामन राव ह्यांचा photo बघून अपेक्षा आणि वास्तवात फरक असतो ते प्रत्ययास आले.
मला ते शिक्षक असतील आणि ज्येष्ठ नागरिक असतील असे उगाच वाटले होते.
.

मस्त वृत्तांत.. फोटोही मस्त..!

सगळ्यांना फोटोत पाहून छान वाटलं. दिड वर्षापूर्वी हैद्राबादला फिरायला आले होते तेव्हा अगदी शेवटच्या दिवसांपर्यंत मानवना मायबोली मार्फत संपर्क करावा आणि त्यांची भेट घ्यावी असं मनापासून वाटत होतं.. पण फक्त सोशल मिडिया वरच्या ओळखीने त्यांना माझी भेट घ्यावी असं वाटेल की नाही अशी शंका मनात होती त्यामुळे आणि माझ्या जराश्या संकोची स्वभावामुळे मी माघार घेतली. आम्ही नामपल्ली भागात हॉटेलमध्ये राहिलो होतो .. तिथून रेल्वस्टेशन जवळ होते म्हणून..!

गोलकोंडा किल्ल्यावर जिथे उभं राहून तुम्ही सर्वांनी फोटो काढलायं तिथेच मी सुद्धा फोटो काढलायं ..

मानव
अतिशय सुंदर आणि दिलखुलास प्रतिसाद !
....

रोमातले माबोकर ना red shirt वाले
>>> नाही. हे ऋतुराज.
ते आहेत श्री गणेशा. यांचा फोटो अजून इथे आलेला नाही. ते नम्र आणि सोज्वळ व्यक्तिमत्त्वाचे मूर्तिमंत उदाहरण आहे. त्यांचे स्मितहास्य तर प्रेमात पाडणारे आहे
लवकरच ते एखादा साहित्यिक लेख लिहून माबोवरील उद्घाटन करणार आहेत.
.....
आज चार मिनार करून आता सालारजंगमध्ये पाय दुखदुखेपर्यंत जातिवंत कारागिरी बघणे चालू आहे. . .

काल विमानतळावरून हॉटेलकडे 28 किलोमीटरचा पल्ला गाठताना एक गोष्ट अगदी नजरेत भरली. आजूबाजूंनी आणि पुढे असणाऱ्या गाड्यांच्या नोंदणी क्रमांक पाट्या तीन प्रकारच्या नोंदणी क्रमांक दाखवत होत्या.
AP, TS & TG.

AP हे राज्य विभाजनापूर्वीचे आहे हे सहज समजले. परंतु तेलंगणा निर्मितीनंतर T वाल्या दोन प्रकारच्या पाट्या का असाव्यात याचे आश्चर्य वाटले. आधी वाटले की खाजगी आणि सार्वजनिक वाहनांना वेगळा कोड दिला आहे की काय? पण नंतर तसेही नाही हे पण लक्षात आले.

मग दुपारी हा कुतूहलजनक प्रश्न वामनरावांपुढे टाकला आणि या प्रश्नामागचे पक्षीय राजकारण समजून आले.
TRS चे सरकार असताना त्यांनी नवीन राज्याला TS नाव ठरवले. परंतु अलीकडे जेव्हा काँग्रेस सत्तेत आली तेव्हा त्यांना ही अद्याक्षरे म्हणजे जणू TRSचा राजाकीय प्रचार आहे असा साक्षात्कार झाला !
मग काय बदलून टाका ती प्रचारकी अक्षरे आणि त्यांनी TG असे नवे बारसे केले, जे तिथून पुढच्या नव्या वाहनांना लागू झाले.

आता पूर्वीच्या राज्य परिवहन गाड्या सुद्धा TSRTC ऐवजी TGSRTC अशा पाट्या लावून धावत आहेत.

कुमार१ यांना आधीच परिचय होता, दोन वर्षांनी पुन्हा भेटून आनंद वाटला. इतरांना पहिल्यांदाच भेटत होतो. पहिल्याप्रथम मानव भेटले. आम्ही शीव-शेजारी आहोत हे कळल्याने आपलेपणा वाटला. नंतर इतरजण भेटले. दिलखुलास व्यक्तिमत्व संजय, पहिल्या भेटीतच मैत्री जुळलेले सतीश, निर्व्याज, हसतमुख श्रीगणेशा आणि इतरांशी मस्त गप्पाटप्पा झाल्या. ऋतुराजना भेटून तर मला तरुण मुकेश अंबानींना भेटल्यासारखे वाटले!

तरुण मुकेश अंबानी ३ दिवसांची सगळी बिलं अंबानीकडूनच घ्या आता!
मानव कडक शिस्तीचे हेडमास्तर वाटतात. त्यांच्या पोस्ट्सवरून मात्र तसं कधी वाटलं नव्हतं.
सगळ्यांना बघून छान वाटलं..

गोवळकोंड्याचा लाईट अँड साऊंड शो चालू आहे का अजून