मराठीच्या मुद्द्यावर राज ठाकरे आणि उद्धव ठाकरे एकत्र येणार का?

तासाही हिंदीच्या मुद्द्यावर सरकारने माघार घेतली असल्याच्या बातम्या आहेत. दुसरं म्हणजे निवडणुका भरपूर लांब आहेत अजून. तो पर्यंत हिंदीचा मुद्दा संपून जाईल.
खरं तर स्वतःच्या अस्तित्वसाठी हे दोघ एकत्र आले तर आले नाहीतर शक्यता वाटत नाही. आणि समजा एकत्र आलेच तर जास्त काय होईल असं वाटत नाही. फक्त मुंबईत राहून प्रत्येक गोष्टीला विरोध करून मत मिळणार नाहीत. ऐन निवडणुकीतही हे दोघे फार फार तर एक दोन सभा घेत असतात. त्यामुळं मुंबई बाहेर समार्थन तर मिळणारच नाही.
त्यामुळे फक्त मीडिया मध्ये थोडी फार हवा होईल प्रत्यक्ष जमिनीवर नाही.

>>खरं तर स्वतःच्या अस्तित्वसाठी हे दोघ एकत्र आले तर आले नाहीतर शक्यता वाटत नाही. आणि समजा एकत्र आलेच तर जास्त काय होईल असं वाटत नाही.<< +१
गेल्या विधानसभेच्या निवडणुकित मनसेचे आमदार शून्य, आणि सेनेला काँग्रेस्/मुस्लिम वोट बँकेच्या कृपेने मतं मिळाली. परंतु मूळात प्रॉब्लेम हा आहे कि दोघांचीहि ठोस अशी भूमिका नाहि, विचार नाहि. दोन्हि पक्ष महाराजांचं नांव घेउन मोठे झाले, पण त्यांना महाराज कधी कळलेच नाहित. महाराजांनी पेटवलेली स्वराज्याची विचाररुपी मशाल, त्यांच्या निवर्तनांनंतर १००+ वर्षं पेटत राहिली. आणि इथे यांनी हातात घेतलेला एकमेव मराठी माणसाचा मुद्दा साफ फेल गेलेला आहे. सेना तर आता उघडपणे गुजरात्यांची लाल करण्यात धन्यता मानत आहे. मुंबईत मराठीचा टक्का घसरतोय हे सांगताना यांना लाज वाटत नाहि, कारण गेली कित्येक वर्षं यांनी अवलंबलेली धोरणं मराठी माणसाच्या उरावर बसणारी आहेत हे एकतर समजण्याची प्रगल्भता यांच्यात न्हवती, किंवा त्याला विरोध करण्याची ताकद..

मुंबई महानगरपालिका हि कॅशकाउ आहे, जिच्या जोरावर सेनेने मंत्रालयाचा सहावा मजला काबिज केला. सेना+मनसेने मुंबई महानगरपालिका जिंकली तर यांना काहितरी भवितव्य आहे, अन्यथा हे दलित पॅन्थरच्या मार्गावर आहेत. कारण सगळी सोंगं आणता येतात, पैशाचं सोंग आणता येत नाहि...

राज ठाकरे यांच्या पक्षाचे अस्तित्व संपलेले आहे. ते छान टिका नक्कल करतात, सभेला गर्दी खेचतात, पण त्यांच्या पक्षाचे लोक निवडून येत नाही. ED, CBI च्या धाकापुढे सहज लोटांगण घालतात तर कधी अचानक सत्तेला आरसा दाखविण्याचे धाडस करतांना दिसतात पण त्यातही सातत्य नाही.

राज आणि उद्धव ठाकरे एकत्र येतील पण ते स्वत: साठी... मराठीसाठी नाहीच.

मुद्दा मराठीचा आता राहिलेला नाही.विधानसभा निवडणूक प्रचारात राजने उद्धववर सडकून टीका केली आहे. कॉन्ग्रेस आणि राष्ट्रवादी या विरोधी पक्षाला सत्तेसाठी जाऊन मिळाल्यावर सरळ सरळ गद्दार म्हटले आहे. आणि मुसलमानांकडून हिंदुत्ववादी असल्याचं प्रमाणपत्र घेण्यावरही टीका झाली. आता दोघेही परदेशात बोलणी करणार अशी वदंता आहे. पहलगाम हत्याकांड झाल्यावर मोदी ताबडतोब परत आलेत सौदीमधून, हे दोघे परत येणार का आणि आपली निष्ठा , हिंदुत्ववादी आहे हे दाखवणार का हा नवीन मुद्दा लक्षात घ्या.

उबाठा सेनेशी युती करण्यास मनसे चे मोठे नेते मनाने तयार नसल्याचे चित्र आहे. उबाठा सेनेने काही अटी घातल्या आहेत.

मुद्दा आणि ठाकरे दोन्ही आता इतिहासजमा झाले आहेत.

मुद्दे मिळत नसतील तर रस्त्यावर उतरा आणि लोकांमध्ये फिरा, त्यांच्याशी बोला. एकेक आयुष्य पुरणार नाही इतके मुद्दे मिळतील. ते करायचे सोडुन ही नाटकेच करायची असतील तर आता तुम्हाला व तुमच्या नाटकांना प्रेक्षक उरले नाहीत हे तरी समजुन घ्या. तेही समजत नसेल तर कमावलेल्या पैश्यांचा उपभोग घेत निमुट पडा. स्वतःचे हसु करुन घेऊ नका.

मधल्या काळात चुका सगळ्यांनीच केल्या आहेत. यांना सुधारायची संधी आहे >>>
हे दोघे आणि त्यांनी केलेल्या चुका आता सुधारण्यापलिकडे गेल्या आहेत! दोघे एकत्र आले तर त्यांना जो काही थोडाफार जनाधार उरलाय तो पण घटेल.

दोघही एकत्र येणार नाहित, ..आले तरी मतदाराला काहिही फरक पडणार नाही...दोघही आलमोस्ट सपलेले पक्ष आहेत...मनसे तर आता मायनस मधे जाइल...दोघही नेतेही धडधडुन राजकारण करणारे नाहित...दोघाकडेही अमाप पैसा आहे...पुढच्या ७ पिढ्या खावुन सपणार नाही इतका...दे हार्डली केअर! राजकारण हा साइड बिझनेस आहे..फक्त रेलिव्हन्स राहावा...ठाकरे पुत्र म्हणून लोकानी आपला उदो उदो करत राहाव म्हणून...नथिन्ग मोअर नथिन्ग लेस!

Yes प्राजक्ता

>>> कारण भाजपला घेऊन सध्या सारेच नाराज आहेत.

सध्या?

मग त्यामुळे शिंदेसाहेब पद सोडणार आहेत का?
=====

'भाजपा को लेकर" या हिंदी विधानाचे 'भाजपला घेऊन' असे तर केले नाहीयेत ना? की तो मास्टरस्ट्रोक आहे?

=====

महाराष्ट्राचा स्वतंत्र पासपोर्ट, व्हिसा आला की मराठीबाबतचे नियम करणे त्या दोघांना जरा सोपे जाईल बहुतेक

मराठीवर प्रेम करण्यापेक्षा शब्दांची अशी नाजायज अफरातफर बंद केली तरी मराठीवर पुष्कळ उपकार होतील.

"नाजायज अफरातफर" व्वा.
भाषा प्रवाही पाहिजे. नाहीतर भाषेचे डबके होईल.
नाहीतर आपण आजही
"श्री चामुंडराये करवियले ।
श्री गंगाराये सुत्ताले करवियले ।"
असेच लिहीत राहिलो असतो.

केकू +१
शब्दांची अशी नाजायज अफरातफर बंद केली तरी मराठीवर पुष्कळ उपकार होतील. >> असं काही नसतं! लोकांना आवडलं तर लोक तसेच शब्द वापरणार आणि तेच रुढ होऊन भाषेत समाविष्ट होणार.

मला वाटते की साजिरा ह्यांचा तो प्रतिसाद ॠच्या तंगड्या खेचण्यासाठी उपरोधिक स्वरूपाचा असणार. ॠच्या धाग्यावर अशा गमती जमती चालतात and I think he enjoys it.

<< माझी बोलीभाषा बंबैया मराठी आहे. >>

------ बंबैया हिंदी माहित आहे पण बंबैया मराठी असा प्रकार आहे हे माहित नव्हते.