मायबोलीचे मोबाईल अॅप (अँड्रोईड + आयओएस) सर्वांसाठी उपलब्ध आहे.
Submitted by Meghvalli on 26 March, 2024 - 07:40
डोळ्यांत तुझ्या एक स्वप्न आहे
ओठांत तुझ्या माझे गीत आहे
दिसते तू जशी चंद्रकोर नभात
प्रेमात तुझ्या तो ईश्वर ही आहे
डोळे मिटूनी मी चांदणे स्मरतो
चांदण्यात तुझीच ज्योत आहे
कुंद भावनांचा झरा वाहतो एक
स्त्रोत त्याचा तुझ्या हृदयांत आहे
ती रात्र सारी सरली मिठीत तुझ्या
मावळतीस पूर्वेला शुक्र तारा आहे
कोंडला श्वास अवचित, हुंदका फुटला
जाणतो सखे वेळ बिछडण्याची आहे
मंगळवार , २६/०३/२०२४ , ०५:०५ PM
अजय सरदेसाई (मेघ)
Groups audience:
Group content visibility:
Public - accessible to all site users
शेअर करा
नमस्कार, तुम्हाला हा धागा
नमस्कार, तुम्हाला हा धागा आवडेल पहा - गझल परिचय - पार्श्वभूमी, दृष्टिकोन, तंत्र व आशय
हरचंद पालव जी ,
हरचंद पालव जी ,
नमस्कार , धागा शेयर केल्या बद्दल आपला आभारी आहे . मी जरूर वाचीन . गझल हा प्रकार मला समझून घ्यायचा आहे . या लेखाने त्यात माझी मदत होईल . पुनश्च आभार आणि धन्यवाद
अजय सरदेसाई (मेघ )