चुकीच्या नावाने होणारे फॉर्वर्ड्स

ते काही का असेना, वरील विचार असणाऱ्या लोकांनी, असे लोक माहितीत असणाऱ्या लोकांनी मला संपर्क करा.
देणग्या हव्या आहेत.

वेंकटपावनीभानूचंद्रिका हॅ हॅ हॅ

बॉलिवूड च्या कितीतरी गाण्यांचे मीटर चुकले असते...

हॅलो हॅलो बोलके... मेरे आजू बाजू डोलके.
हॅलो हॅलो...तू प्लोअर पें जब है आयी...
दिल मेरा बोले हॅलो हाऊ आर यू...

(खरं तर असे सेम टू सेम शब्द मायकल जॅक्सन आणी त्याच्या नंतर देवाघरी गेलेल्यांचेही होते) >>>

ह.पा. - बहुधा प्रसिद्ध व्यक्ती शेवटच्या घटका मोजत असल्या की मीडीयावाले लेख तयार ठेवतात त्याचबरोबर हॉस्पिटल मधे जाउन हा लेख वाचायला लावतात असे दिसते

तुमच्या पैकी कुणाला हा फॉरवर्ड आला नाही का? मला नक्की शब्द नाही आठवत, पण साधारण असं होतं ते

Morning law college ला मराठीत काय म्हणतील?
प्रातःविधी महाविद्यालय.
हां जेवढं मला आठवतंय तेवढं म्हणजे असं विधान पु. ल. देशपांडे यांनी केलं होतं असं त्या फॉरवर्ड मधे म्हटलं होतं

नंतर अजून एक
नाथमहाराज कि नामदेव महाराजांचा ते नदीवरून अंघोळ करून परत येताना एक यवन त्यांच्या अंगावर थुंकला असं अनेक वेळा झालं पण ते चिडले नाही अशी गोष्ट शिक्षक शाळेत सांगत असतात आणि तात्पर्य विचारतात. सगळी मुलं सहनशीलता वगैरे वगैरे घ्या गप्पा मारतात. पण एकच विद्यार्थी शांत असतो. शिक्षक त्याला विचारतात की तु का शांत आहेस तेव्हा तो बाणेदारपणे उत्तर देतो की मी त्यांच्या जागी असतो तर असं वागणार्‍याला मोकळं सोडलं नसतं, यांव केलं असतं आणि त्यांव केलं असतं वगैरे.

आणि तो बाणेदार विद्यार्थी म्हणजेच
विनायक दामोदर सावरकर

फेसबुकवर हे असले विनोद पुलंच्या नावावर येतात आणि त्याखाली लोक उगाच ' पुल म्हणजे पुल ' ' फक्त पुलच असं बोलू शकतात ' असल्या छापाचे प्रतिसाद देतात >>> +१ टोटली. त्यामुळे अनेकदा असे वाटते की पुलं आवडणार्‍या अनेक लोकांनी त्यांचे अस्सल लेखन नक्की किती वाचले आहे माहीत नाही. बरेच लोक निव्वळ ऐकीव कथाकथनावरच आहेत. वीट येणे, "अहो कसला गांधी!" वगैरेच्या पुढे त्यांना माहीतही नाही. हे थोडे केवळ शहेनशाह, अग्निपथ, हम बघून अमिताभचे फॅन झालेल्यांसारखे आहे.

बरेच लोक निव्वळ ऐकीव कथाकथनावरच आहेत. >>> अगदी.
काल प्रतिलिपीशी भांडण्यात वेळ गेला. रेल्वेस्टेशनवाली कथा कुणीतरी स्वतःच्या नावाने खपवलीय हे समजलं म्हणून बघितलं. आधी पण कुणीतरी सांगितलं म्हणून आता प्रकरण ९ शीर्षकाखाली सारांश दिलाय. ते ही कॉपी पेस्टच.
गंमत म्हणजे नामवंत लेखकांच्या कथा पण तिथे दिल्यात. कुणीच कसं सांगत नाही त्यांना ? वाचन असेल तर लक्षात येईल .

मध्यंतरी कुणीतरी एक फॉरवर्ड पु. लं.च्या काही कोट्या आणि काही ‘मनाचे श्लोक‘ एकत्र करून पाठवला होता. त्यात काहीतरी ऑनलाईन शॉपिंगवरून सुद्धा कोटी(?) होती.

*व. पु .काळे.*
आमचं फार पटतं,
WE ARE VERY CL0SE _

जवळपास ही वाक्यं बऱ्यापैकी खोटारडी आहेत !

माणसाचं दुःख कमी होण्यासाठी
हल्लीच्या तकलादू RELATI0NS चा काहीही उपयोग नाही..

उपयोग का नाही ?
कारण मित्र किंवा नातेवाईक कितीही CL0SE असोत,,,

हल्ली फक्त GET T0GETHER करतात,
शेक हॅन्ड करतात,
आपलं यश सांगतात,
त्याचं आवर्जून प्रदर्शन करतात, पण कोणीही कुणाला आपलं दुःख सांगत नाही,
त्यात मात्र कमीपणा मानतात, स्वत:चं अपयश समजतात..!

खाणे-पिणे, हसणे-खिदळणे
किंवा एखाद्या रेकॉर्डेड गाण्यावर
सर्वांनी मिळून डान्स करणे
हे सुख नाही, हा फक्त सुखाचा आभास निर्माण करण्याचा प्रयास आहे..

याचा अर्थ या गोष्टी करू नयेत असा नाही.

परंतु..
जोपर्यंत माणसं खरं दुःख एकमेकाला सांगणार नाहीत, मनमोकळं रडणार नाहीत,
तोपर्यंत आपल्याला कधीही हलकं वाटणार नाही..!

आजूबाजूला काय दिसतंय.?
चेहरे चिंताग्रस्त आहेत
मुखवटे मात्र हसत असतात.

म्हणून आजकाल माणसं
खूप दुःखी दिसतात.
मग यावर उपाय.. ?
उपाय नक्कीच आहे !

आपल्या दुःखाला कुणी हसणार नाही, माघारी टिंगल टवाळी करणार नाही हा विश्वास आपल्याला निर्माण करावा लागेल.

तरंच आपल्या भेटण्याला काही तरी अर्थ असेल !

हसणे आणि रडणे या क्रिया जोपर्यंत खळखळून होणार नाहीत तोपर्यंत आनंदी किंवा FRESH चेहरे कधीही दिसणार नाहीत !

मनातल्या मनात दुःख कोंडल्यामुळे किंवा भावभावनांचा निचरा न झाल्यामुऴेच रक्त वाहिन्या मध्ये ब्लॉकेजेस होतात,
आणि दिवसेंदिवस आपल्याशी मनापासुन गोड बोलणाऱ्यांची संख्या कमी होत चालली आहे.

*एक लक्षात घ्या -*
*ब्युटी पार्लरमधे गेल्यामुळे चेहरे तेजस्वी होत नसतात..*

*मसाज केल्यामुळे वेदनाही कमी होत नसतात ..*

*चार फोटो काढल्याने सौंदर्य वाढत नाही..*

*इतरांविषयी पाठीमागे वाईट बोलण्याने आपण चारित्र्यसंपन्न असल्याचे सिध्द होत नाही, उलट आपलं खरं रुप बाहेर पडतं...*

पूर्वी आपण एकाद्याकडे पाहुणे होऊन जायचो, जे देतील ते आनंदाने खायचो..
ओसरीवर, बैठकीत, एकत्र झोपायचो..
खळखळून हसायचो..
एकमेकाला दुःख सांगून
गळा काढून मग मन मोकळे रडायचोही..
हुंदक्यांमागे हुंदके यायचे
आणि AUT0MATIC कपालभाती होवून जायची..

कुणीतरी जवळ घ्यायचं,
पाठीवरून हात फिरवायचं,
रडू नको म्हणत म्हणत
घट्ट कवटाळून धरायचं..
खूप मोठा आधार वाटायचा..
हत्तीचं बळ यायचं.
माझ्याबरोबर सगळे आहेत
असं मनापासून वाटायचं..

काळवंडलेले चेहरे
एकदम खुलून जायचे.
चेहरे एकदम FRESH आनंदी
दिसायचे..

मित्रहो
आपल्यालाही तेच करावं लागेल
दुसरं काहीही नाही,
नाहीतर नुसते खोटारडे सुखी चेहरे घेऊन केलेल्या दिखाऊ
Good morning
G00D DAY
ना काहीही अर्थ नाही.!!

*_व पु काळे.*
*संकल्प : आनंदी जीवनाचा !*

हुंदक्यांमागे हुंदके यायचे
आणि AUT0MATIC कपालभाती होवून जायची..
>>>>एपिक

“ हुंदक्यांमागे हुंदके यायचे
आणि AUT0MATIC कपालभाती होवून जायची..”

“ हुंदक्यांमागे हुंदके यायचे
आणि AUT0MATIC कपालभाती होवून जायची..” >>>

वपुंनी नंतर बहुधा इंटरनेट, सोशल नेटवर्क, टिकटॉक, कुबरनेटीस ई वरही असेच लिहीले असेल

त्यांची हुंदक्यानी कपालभाती अन् आपली हसहसुन भ्रस्तिका झाली.

AUT0MATIC कपालभाती

मनातल्या मनात दुःख कोंडल्यामुळे किंवा भावभावनांचा निचरा न झाल्यामुऴेच रक्त वाहिन्या मध्ये ब्लॉकेजेस होतात,
आणि दिवसेंदिवस आपल्याशी मनापासुन गोड बोलणाऱ्यांची संख्या कमी होत चालली आहे. >>> 'आणि' ने जोडलेल्या या दोन वाक्यांचा, 'ती दोन्ही विनोदी आहेत' याव्यतिरिक्त एकमेकांशी काय संबंध आहे?

बरोबर आहे हरचंद पालव तुमचं. आता म्हशी तरी कुठे राहिल्यात म्हणा तशा! पूर्वी कशा, पूर्वेकडून ईशान्येकडे जातानासुद्धा बरोब्बर एसटीसमोर यायच्या. आता त्या म्हशीही गेल्या आणि एसटीचंही काही खरं नाही!

ह.पा., वावे

वपुंच्या पोस्टपेक्षा ह पा आणि वावेंच्या पोस्ट भारी आहेत

*इतरांविषयी पाठीमागे वाईट बोलण्याने आपण चारित्र्यसंपन्न असल्याचे सिध्द होत नाही, उलट आपलं खरं रुप बाहेर पडतं...*>> लोल
खर रुप चारित्र्य संपन्न असेल तर ? ते बाहेर पडल तर ?
वावे, हपा
आमच्याकडे एका वर्षी प्रचंड दोडके लागलेले. नेबरहुडमध्ये देवून सुद्धा संपले नव्हते. एक नुकतीच ओळख झालेले कपल आमच्याकडे आले होते. त्यांना अमेरिका अज्जिब्बात आवडत नव्हती. (पण सिटिझन शिप घेतलेली.) भारतातलेच सगळे ग्रेट, महान, उच्च संस्क्रुती वगैरे चालू होते.
मी तिला म्हटल दोडके तोडू का ताजे. घेवून जाणार का ?
ती त्यावर म्हणाली , " अलिकडचे दोडके वगैरे खाण्याची इच्छाच राहिली नाही. काय पुर्वीचे दोडके असायचे भारतातले.!! इथले दोडके कसले ग!!
आता आपल वय वाढल, (३०च्या असु तेव्हा. ) त्यामुळ चवीतला फरक सोसवत नाही. दोडके भारतातलेच खावेत बाई. नको देवुस इथले. "
मी बरं म्हटल. वाईन कॅलिफोर्नियाची होती. ती तिला ऑफर केली. आणि भारतातली वाईन नाही माझ्याकडे म्हटल. चालते म्हणाली ती.

" काय पुर्वीचे दोडके असायचे भारतातले" - अशी कुंपणावरची माणसं वात आणतात.

सीमा

प्रधान.जी आठवले. आल्यागेल्या सगळ्यांना दुधी!

काय पुर्वीचे दोडके असायचे भारतातले >>> एका अर्थाने भारतातले लाडके व इथले दोडके!

आणि भारतातली वाईन नाही माझ्याकडे म्हटल. चालते म्हणाली ती. >>> हे ही भारी.

फारेंड, अमित या बाफशी रीलेटेड नाही पण हा कॉमेडिअन तुम्ही फॉलो करता का ? Steve Trevino. हा खालचा व्हिडिओ 'वाईफ प्रॉब्लेम' मस्तच आहे पण बाकीचे पण जबरदस्त आहेत. Relatable, Tell me what you want ,The fights इत्यादी एपिसोड एकदम भारी आहेत.

https://www.youtube.com/watch?v=vahoE9zparA

हे कायप्पा वर आलंय...