कबुतरांच्या उच्छादाला आवर कसा घालावा..?

Submitted by DJ. on 13 December, 2018 - 09:45

लहाणपणी सर्वत्र चिमण्यांची चिव-चिव आणि कावळ्यांची काव-काव ऐकु यायची. कधितरी पोपट साद घालायचे. मैनाताई पण थुईथुई बागडताना दिसायच्या. पण या मराठमोळ्या पक्षांनी चिवचिवाट केला अथवा कावकाव केलं म्हणुन कधिही मस्तक उठले नाही.

हल्ली मात्र चिमण्या-कावळे-पोपट लांबुनच दर्शन देउन पसार होतात आणि अत्यंत घाणेरडी अशी परप्रांतीय कबुतरे कितीही हाकलली तरी त्रास द्यायला पुन्हा हजर होत आहेत. सोबत त्यांचे शेकडो सगे-सोयरे आणुन साफ-सफाईचे अगदी ३-१३ वाजवलेत.

गेल्या २-३ महिन्यांपासुन बिल्डिंगची डक्ट, बाल्कनी आणि खिडक्यांच्या ग्रिल्सवर कबुतरांनी उच्छाद मांडला आहे.
त्यांची पिसे, विष्ठा आणि सततची गुटर्रर्रर्र-गु यांमुळे अगदी हैराण झालो आहे.

कबुतरे कायमची हुसकावुन लावण्यासाठी, त्यांचा बंदोबस्त करण्यासाठी, त्यांच्या त्रासातुन सुटका होण्यासाठी काय उपाययोजना करता येतील..?

विषय: 
अवांतर
Groups audience: 
माहिती हवी आहे
Group content visibility: 
Use group defaults
शेअर करा

कदाचित गुर्जी त्यांच्या कबुतर्ड्यांना फुकट परंतू पष्टिक असा भरपूर शिधा खाऊ घालत असावेत त्यामुळे त्यांचा उत्कर्ष होत असावा..!

Submitted by DJ....... on 5 December, 2021 - 22:34

करेक्त्त .. धाग्याचे नाव बदलून पारव्यांच्या उच्छादाला आवर कसा घालावा..? असे करायचे का...

Submitted by च्रप्स on 6 December, 2021 - 09:59

पारवा शब्द कोण वापरतो, किती जणांना माहीत असेल?
बाकीच्यांचे सोडा, त्या पारव्यांना स्वतःला तरी माहीत असेल का?
जा जा जा.. पारवा जा जा जा.. गाणे बोलून बघा.. ढिम्म हलणार नाही तो
दुकानात जाऊन कबुतरजाळीच्या ऐवजी पारवाजाळी आहे का विचारून बघा.. आयुष्यभर या दुकानातून त्या दुकानात फिरतच राहाल..
कंडक्टरला एक पारवाखान्याची तिकीट द्या म्हणा.. घंटी वाजवून तिथूनच बसमधून उतरवेल तुम्हाला..
मोराल ऑफ द स्टोरी - कबुतर हा शब्द वापरूनच चर्चा करणे उत्तम !

Submitted by ऋन्मेऽऽष on 6 December, 2021 - 11:33

पार ssss वा.......
वाऱ्यावर भिरभिर भिर गारवा...
प्रिये...
नभात तू जसा काजवा...

Submitted by च्रप्स on 6 December, 2021 - 20:35

मी इथे लिहिलेलं वाचलं वाटतं कबुतरांनी. आज सकाळपासून घरात घुसू लागलीत. पंख्यावर नाहीतर माळ्यावर जाऊन बसतात.

इथे मळभ आहे त्यामुळे सीडी त्यांना घाबरवत नाहीए.

Submitted by भरत. on 6 December, 2021 - 22:43

जा जा जा.. पारवा जा जा जा.. गाणे बोलून बघा.. ढिम्म हलणार नाही तो
>>> कारण त्या गाण्यात कबुतर आहे पारवा नाही...

Submitted by च्रप्स on 6 December, 2021 - 22:49

Dj त्यांना झोडपतात म्हणून कबुतर त्यांना घाबरत असणार. खिडकीजवळ dj चा फोटो लावला तर फरक पडू शकतो.

Submitted by बोकलत on 6 December, 2021 - 22:54

कारण त्या गाण्यात कबुतर आहे पारवा नाही..
>>>>
अहो त्या गाण्यात असेल कबूतर .. मी म्हणतोय तुमच्या दारात येणाऱ्या पारव्याला पारवा म्हणून हाक मारा. बघा तो ओ देतो का..

Submitted by ऋन्मेऽऽष on 7 December, 2021 - 00:37

मी इथे लिहिलेलं वाचलं वाटतं कबुतरांनी.
>>>>

शक्य आहे हे.. वर्षानुवर्षे पिढ्यानपिढ्या माणसांचे निरोप पोहोचवून उत्सुकतेपोटी ही माणसे एवढे त्यात लिहितात तरी काय हे बघायला कबुतरे वाचायला शिकली असावीत..

Submitted by ऋन्मेऽऽष on 7 December, 2021 - 00:40

मी म्हणतोय तुमच्या दारात येणाऱ्या पारव्याला पारवा म्हणून हाक मारा. बघा तो ओ देतो का..>>> त्याला कबूतर म्हणुन किंबहुना काहिहि नावाने हाक मारल्यास तो ओ देतो काय?\उगाच कायच्या काय लॉजिक

Submitted by aashu29 on 7 December, 2021 - 03:05

दिसला घरात की काठी घेवून झोडपा आणि मेल्यावर जे पुण्य कमवत आहेत अन्न देवून स्वतः ल दानी समजत आहेत खर तर ( देशाच्या संपत्ति चे चोरी करणारे महाभाग) ह्यांच्या घरात मेलेल्या कबुतर ना टाका.
हा उपाय १०० टक्के लागू पडेल

Submitted by Hemant 33 on 7 December, 2021 - 03:32

त्याला कबूतर म्हणुन किंबहुना काहिहि नावाने हाक मारल्यास तो ओ देतो काय?\उगाच कायच्या काय लॉजिक
>>>>>

का नाही?
जुन्या बिल्डींमध्ये आमच्या शेजारी सूझी नावाची कुत्री राहायची. तिला सूझी कम म्हटले की यायची माझ्याकडे. जनावरांना माणसांची भाषा कळते. माणसांनाच जनावरांची कळत नाही. वा समजून घ्यायची नसते म्हणू शकतो. कारण आपण तर माणूस ना. आपल्याला काय गरज.. एक अहंकार नाही म्हटले तरी असतोच आपल्यात..

Submitted by ऋन्मेऽऽष on 7 December, 2021 - 09:55

21.gifरुन्म्या,

आता लय बिल झालं तुझं. काय च्या काय बरळू नकोस लेका. आवर आता.

नायतर माझ्या गल्लीतल्या कुत्र्याचं नाव कबूतर, अन कबूतराचं रुन्म्या ठेवून चांगला बदडून काढीन आता.

बघू माणसाची भाषा कळते का तुला ते.

Submitted by आ.रा.रा. on 7 December, 2021 - 12:09

Pages