तांदूळादूधाची खीर (कोकणी पद्धत)

१) तांदूळ धुवून सावलीत थोडा वेळ वाळवून मग कुटून घ्यावा. झीरो नंबरचा बारीक रवा असतो ना तशी कणी काढावी.
२) जाड बुडाचा टोपात, दोन चमचा साजूक तूप घेवून जरासे तापले की, केशराच्या काड्या टाकाव्य मग काजू आणि बेदाणे परतावे, तीन चार मिनिटात काढावे व बाजूल ताटलीत काढून घ्यावे. लपवून ठेवले की बरे नाहितर खीरीला उरत नाही.
३) आता कणी टाकून मंद आचेवर परतायला घ्यावी, गुलाबी रंग येइपर्यंत परतून घ्या.
४) पातळ दूध अलगद ओतून पटकन सतत ढवळत गुठळी न होउ देता दहा मिनिटे परता. नारळाचे पातळ दूध हे इतके असावे की कणीच्या चार पट असावे. आच मंद करून कणी शिजु ध्यावी.
५) गूळ जरासे पाणी टाकून वितळवून गाळोन घ्यावा.
६) मधून मधून , कणी चिकटू नये आणि गुठळी होउ नये म्हणून घोटावी.
७)कणी शिजली की, गूळ घोटावा त्यातच. गूळ एकजीव झाला की घट्ट दूध घालावे, पाचेक मिनीटात आच बंद करावे. वेलची पूड, काजू, बेदाणे आणि गाठ मारलेले हळदीचे पान वरच राहिल असे ठीवून झाकण ठेवावे. त्या वाफेवर हळदीचा पानाचा हलका सुगंध खीरीत शोषला जातो. पानाची गाठ वरच राहिल बघावे. ढवळत राहु नये.
वाढताना, पान देवु नये.
थंदगार खीर अप्रतिम लागते.
ह्याचे वेरीअशन म्हणजे, २:१ प्रमाणात तांदूळ आणि मूगाची डाळ घ्यावी. डाळ तशीच धुवून वाळवून कणी करावी व आधे तूपात परतावी मग तांदूळाची कणी घालावी.