प्रतिक्रिया देणार्‍यांचे होत असलेले बॅशिंग.

फार फार पूर्वी (म्हणजे जेव्हा हु.हु. या खर्‍या आयडी ने ईथे वावरत?) Happy तेव्हा ईथे प्रतिक्रीया बॅशिंग वगैरे देखिल एकदम दर्जेदार होते.. [जुन्या हितगुज वरील v n c वाचलेत तर ईतके मुद्देसूद, तात्विक, अलंकृत आणि खास मा बो दर्जा राखून असलेले बॅशिंग बघून धन्य व्हायला होईल] >> चांगले-वाईट, चूक- बरोबर बहुतेकांना कळत असते नव्हे कळतेच. मतमतांतरे असायचीच आणि त्यानुसार आपल्या मतांची पाठराखण करणारेही.
वर्षानुवर्षे ईथले चर्चेचे धागे आणि लेखांवर होत आलेले बहुतेक वाद हे वादविवाद न राहता, वाद घालणारेच "स्वतःचा ईगो कुरवाळण्यात धन्यता मानणे, मग लेखाचा विषय आणि त्याच्या आशयाची ऐशीतैशी झाली तरी बेहेत्तर मला त्याच्याशी काही देणेघेणे नाही. माझा मुद्दा, माझे मत सगळ्यात महत्वाचे आहे" असा प्रवास करत आहेत आणि त्याचे परिणाम हीच मानसिकता वाढीस लागण्याकडे होत आहे. 'वी अ‍ॅग्री टू डिसअ‍ॅग्री' वर थांबायला लोक तयार नाहीत, आणि ह्यांना कुठल्याही परिस्थितीत स्वतःचेच क्लोजर हवे आहे.
ठीक आहे, कोणी किती हिरहिरीने मते मांडावीत ह्याचे काही प्रमाण नाही. तुम्ही तुमच्या मतांवर ठाम आहात, ते पटवून देण्याची कारणे देत आहात ईतरांची कारणे समजून घेत नाही आहात.... ईथवरही ठीक आहे वाद विकोपाला जातील आणि नंतर थांबतील. वादाच्या ठिकाणी वाद झाले आहेत, होत आहेत आणि होत राहतीलही.

पण आता मात्रं खाली लिहिले आहे तसा वेगळा, अनिष्टं प्रकार सुरू झाला आहे.

आजकाल मात्र दर्जा सगळीकडेच घसरतोय असे ऐ़कून आहे. >>हो. वर लिहिलेले वाद घालणारे निदान आपल्या मताशी (मत चूक की बरोबर हा मुद्दा नाही) ठाम होते पण आता मुद्दाम स्फोटक, भडकाऊ लिहून वाद कायम ज्वलंत ठेवणे हाच अजेंडा घेवून काही आयडी आले आहेत. प्रत्येक लेख, चर्चा, प्रत्येक विवाद एकाच विषयावर एकाच मुद्द्यावर आणला जाऊन बेमौत मारला जात राहणे हेच प्रत्येक लेखाचे आणि धाग्याचे नशीब झाले आहे.
प्रत्येक लेख आणि धागा काही आयडी त्यावर येताच अजेंडा प्रणित विषय येवून डिरेल होत माती होणार हेच भाग्य घेवून जन्माला येत आहे. हे कमी की काय म्हणून कायम असेच जंक धागे वरती रहावेत ह्या हेतूने दिवसाला अनेक ऊघडल्याही जात आहेत.
मायबोलीच्या 'माझ्यासाठी/ग्रूपमधील/मायबोलीवरील नवीन लेखन' (लास्ट ईन फर्स्ट आऊट) स्टॅक डिझाईन हे असे जंक आणि मुद्दाम वाद पेटवून दिलेले धागे सतत वरती राहण्याला पोषकंच झाले आहे. ईतरांच्या धाग्याचा, चर्चेचा जीव घेत कुठल्याही किंमतीत सतत चर्चेत राहून आपला अजेंडा रेटणार्‍या ह्या आयडींनी मायबोलीचा हा वीकपॉईंट (जो खरंतर चांगले, जास्तं प्रतिसाद मिळालेले धागे सतत वरती रहावेत आणि नव्याने येणार्‍या लोकांना दिसावेत ह्या हेतूने निर्मिलेला मायबोलीचा स्ट्राँगपाँईंट आहे ) एक्स्प्लॉईटच नव्हे अब्यूज करणे आपले मिशन बनवले आहे.
हे आयडी कुठलीही आडकाठी न येता राजरोजस पणे हे मिशन 'मुंह मे राम बगल में छुरा' पावित्र्यात सगळ्यांच्या डोळ्यादेखत राबवत आहेत.

गूगल सर्च मध्ये जर वरती कायम फालतू , वल्गर, स्पॉन्सर्ड, पॉर्न टाईप्स धागे दिसायला लागले तर युजर बेस वैतागणार, तक्रार करणार, आणि शेवटी डिसकनेक्ट होत जाणार तसेच आहे हे सुद्धा.