रात्रीस खेळ चाले १

जुने एपिसोड बघण्याची सोय असलेली लिंक मागच्या धाग्यावर दिली होती. ती शोधून हेडर मधे टाकावी ही विनंती. रात्रीचा खेळ चुकलेल्यांना दिवसा बघायची सोय होईल.

कापोचे बरोबर . एपिसोड संपला कि लगेच एपिसोड ची लिंक टाकत जारे कोणीतरी .
तस मी बघतल झी च्या साईटवर

लिंक नको. थोडक्यात अपडेट्स दिले तरी चालतील. पहिल्या धाग्यावर पण रिक्वेस्ट केली होती कुणी ऐकतच नै.

काल एक बघितल का, तो आर्चिस घरात एखादी हरवलेली वस्तु शोधावी कोपर्‍या सांदाडीत, तसा त्या सोंगास शोधत होता.
आणि शेवटी घरभर शोधल्यावर पाठी तो गणेश अश्या अविर्भावात उभा होता की जस काय अर्चिसची मुंडीच आवळणार आता
कालचा संपुर्ण एपिसोड घराच अंगण, अर्चिसचे हेलपाटे आणि उलटी पावलं इथेच फिरत होता.

काय मुर्खाचा बाजार चाल्लाल होता काल. ५ मिनिटाच्या स्टोरी साठी अख्खा एपिसोड घालवला. दाखवलं तर फक्त ते अंगण आणि छायाचि उलटी पाऊले. (आणि नेहमीप्रमाणे त्या बेरी नानांचा आलाप अगली हातवारे करून)…. आणि तो गणेश असा का आलेला त्याच त्यालाच माहित. डोक्यावर पडलेले लोकं कुठचे.

व्य. चि
@झंपी

गणेश आला .. अंगणात नाचला..घरात घुसला..तांब्या पाड्ला ...निघुन गेला.
अर्चिस आत गेला... बाहेर आला.
ठोकळी ने प्रवचन दिले ..वर गेली ..सुस्ल्याक घेउन खाली आली..प्राऊड ममा प्राऊड ममा करत बसली!!
छाया बाहेरून आली..
बाकी सगळे अंगणातच घोळ घालत होते!!!:G

पण ते खेळे नाईकांच्याकडे येतात कसे काय शिमग्याचा खेळ करायला? त्यांना माहित नसत का नाईकांकडे दुखवटा आहे ते? बर बाहेरुन आलेले आहेत अस जरी म्हटल तरी गावात कोणीही सांगितल असत नाईकांकडे जाउ नका म्हणुन..

पण ते खेळे नाईकांच्याकडे येतात कसे काय शिमग्याचा खेळ करायला? त्यांना माहित नसत का नाईकांकडे दुखवटा आहे ते? >>>काय माहीत बै... मुद्दाम पाठवले असेल कोणी ( गुरव किंवा वकिलानी)

त्याने काय होणारे क्लिओपात्रा?

बाहेरुन आले असतील खेळे असही नाही म्हणता येणार कारण कोकणात किंवा इतर कुठल्याही खेडोपाडी कुठलीही बातमी ही त्या गावापुरती मर्यादित रहात नाही, किमान आसपासच्या गावांना नक्कीच माहित असत.. हे माझ्या आत्ता लक्षात आल.

ह्म्म! उगाच असे बरेच सीन्स घुसड्त आहेत.. आणि पुढच्या भागात कोणतेच एक्सप्लेनेशन ही नै देतः

आपल्याला पडलेले प्र्श्न निदान ठोशा बै ला तरी पडले पाहीजेत कि नै? तीच करणरे ना उकल..

कालचा भाग म्हणजे प्रेक्षकांना मूर्ख करण्याचा प्रकार. घरात तीन तीन अगडबंब भाऊ आहेत. त्यातील दत्तोबा तर जमीन प्रश्नावरून गावातील एकमेव वकील आणि वजन असलेला माणूस याच्या अंगावर त्वेषाने जाताना आदल्या दिवशी दाखविला होता....आजारी असला तरी माधवराव ब-यापैकी तब्येतीचा आहे....आणि त्या तिस-या अभिरामाबाबत काय बोलावे ? "माझं लग्न कर की गं आई....!" म्हणून सकाळसंध्याकाळ भोकांड पसरून, डोळे वटारत बुलेटवरून फ़िरणारा वाघोबा....तिघेही बघत उभे आहेत मूढासारखे आणि तो १७-१८ वर्षाचा पोरगा धाडसाने आत चाललाय. निदान त्या अभिरामाने तरी म्हणावे त्याला, "थांब अर्चिस मीही येतो तुझ्याबरोबर..." ~ घर या तिघांचे आणि एक सोंगाड्या आत लपून बसलाय...त्याला बाहेर काढायला यांची हिंमत होत नाही. अजिबात पटला नाही हा नामर्दाचा प्रकार.

त्यापेक्षा निलिमाचे अभिनंदन करावे लागेल....सुषमाचे घरातील स्थान काहीही असू दे, पण एक मुलगी एकटी वर आहे, तिला खाली आपल्यात घेऊन यायला हवे ही जाणीव आहे निलिमाला आणि ते कामही ती स्वत:च करते.

पण सगळ्यांना एकदम वर जायला काय धाड भरली होती. एकट्या आर्चिस ला पाठवुन ओट्यावर गोंधळ घालत बसले ते.

पण सगळ्यांना एकदम वर जायला काय धाड भरली होती. एकट्या आर्चिस ला पाठवुन ओट्यावर गोंधळ घालत बसले ते.>> +१.. तेच ना किमान अर्चिस सोबत तरी कोणीतरी जायला हवं होतं. एकट्यानेच जायचं असा नियम आहे का? नंतर पण अभि जायला निघाला तर दत्ता म्हणे मी जातय.. दोघे एकदम जाऊ शकत नायत काय.

तो गणेश होता ते कळल्यावर दत्तीने गणेशाक कोणीतरी आणा म्हणून भोकाड पसरलंन... स्वतःच जायच नाही का त्याच्या पाठीमागे धावत. भेटला असता की लगेच. ज्या स्पीडने गणोबा चालत गेला आणि त्याच्यानंतर अर्चिसला त्याला शोधायला बाहेर पडायला लागलेला वेळ यांचा विचार केला तर गणोबा देविकाच्या गावात अभिरामाच्या रस्त्याने पोहोचला असेल. आता अर्चिस कुठल्या रस्त्याने जातो त्यावर गणोबा भेटणार की नाही ते ठरेल.

अरे पण त्या आर्चिसने पण किती वेळ लावला सांगायला तो गणेश आहे म्हणुन. दोन तीनदा विचारल्यावर सांगतो.

निधी

मामा अहो ते सगळे आत गेले असते शोधायला त्या सोंगाला तर बाहेर बसुन तोंड वेंगाडायला दुसर्‍या सोंगांना आणाव लागलं असत ना?
पण त्या निलिमाने, सुसल्याची काळजी वाटुन तिला खाली घेऊन येण्याच्या पराक्रमाला, आर्चिस आय यम प्राऊद ऑफ यु अस चार चारदा म्हणुन गालबोट लावलन.
आर्चिस पण घरात वॉक घेत असल्यासारखा घरभर फिरत होता नुसता.

मला कालचा एपिसोड लई इनोदी वाटला. एक तर ते सोंग घरात जाताना कोणी अडवलं नाही. बरं तो माणूस आहे, भूत नाही. तो आत गेला तर त्याला बाहेर काढायला घरात जायला कोण तयार नाही. माधव तर इतका भित्री भागुबाई आहे. बायको आणि मुलगा वर जात आहेत हे बघून पण शुंभासारखा खाली उभा राहिला. चुल्लूभर पानीमें डूब मरो. नाहीतरी पाण्यापासून भीती असल्याने बुडून मरायला चुल्लूभर पाणी पण पुरेल त्याला. :रागः तो आर्चिस माणूस शोधत होता का मांजर. त्या माईच्या एव्हढ्याशा खोलीत किती वेळ शोधत होता. अरे माणूस दिसेल ना समोर. काय एकेक माठ आहेत. त्यातून त्या नानांचा क्लोजअप दाखवून वैताग आणतात. तरी बर त्यांची आकाशवाणी काल झाली नाही.

गणेश बाहेर आला तेव्हा सोंग उतरवलं होतं तेव्हा कोणी त्याला ना अडवलं ना ओळखलं. आधी दत्ता जात होता तर सरिताने आरडाओरडा केला आणि मग नंतर कोणीतरी वर जा म्हणाली. छाया आत आली तेव्हा तिला कोणी अडवलं नाही. तिनेही आर्चिस कुठे गेला आणि तुम्ही इथे खाली करताय असं विचारलं नाही. शेवटी आर्चिससोबत कोणी गेलं नाही. अगदी माधवसुध्दा. गणेश काही ठेवायला आला होता का काय घेऊन गेला देव जाणे.

ते पाय आर्चिस किंवा गणेश दोघांपैकी एकाचे घरातून बाहेर येतानाचे असतील. नानांच्या खोलीत पाणी सांडलं होतं तेव्हाचे. छायाचे पाय उठलेच नसतील. ह्यांची उगाचच टरकली आहे. आता निलीमा ह्याला scientific explanation आहे असं मोघम म्हणाली ना तर ते स्पष्टीकरण ती देईपर्यंत तिला विहिरीत टांगून ठेवली पाहिजे. नुसती बोलाचीच कढी आणि बोलाचा भात.

काल टिकरमध्ये दाखवत होते 'एक अनोळखी चेहेरा घेऊन येणार नव्या संकटाची चाहूल' - रात्रीस खेळ चाले रात्री १०:३० वाजता. आता कोण पात्र येणार आहे?

रश्मी.. धन्स

>>काल निलीमा बरी दिसत होती. मागे केस बांधल्यामुळे.
+१

आजकाल प्रत्येक एपिसोडच्या शेवटी काहीतरी सनसनाटी दाखवायचं असं त्यांनी ठरव्लं आहे. आधी विहिरीतला एको झाला, मग दत्ता आणि माधव चकव्यात अडकले. आज छाया आल्यावर उमटलेली उलटी पावलं दाखवयची होती. त्यासाठी सगळे घराबाहेर असणं आवश्यक. म्हणून हा फालतू घोळ घातला असावा असं वाटतं.

ते खेळे जेव्हा शिमग्याचा खेळ करत होते तेव्हा त्यांच्यात गणेश दिसला का कोणाला मलातर नाही दिसला. तो अचानकच कुठुनतरी उगवला असे वाटले.

होता गणेश त्यांच्यात पण त्याचा क्लोजअप नव्हता. पुढ्यातच फरशी हातात धरून नाचत होता.

ते खेळे जेव्हा शिमग्याचा खेळ करत होते तेव्हा त्यांच्यात गणेश दिसला का कोणाला>> मला दिसला होता. मी माझ्या आईला म्हटलंही होतं गणेश आहे त्यात. सगळ्यांचा closeup दाखवत होते पण त्याचा दाखवत नव्हते.

मला तर त्या नाचणार्यांमधे एक देविका सारखी पण वाटली !:;)

=)) =))
खि: खि: गण्या समोरुन गेला तरी दत्तीला कळलं नाही, उलट तिच दुसर्‍यांना इचारत होती- हा कोण आहे?

रावी. ती एकच होती त्यात 'गोमू' म्हणतत त्या पात्राक. आता देविकाचा पेटनेम गोमू ठेवायस हवा.

गण्या समोरुन गेला तरी दत्तीला कळलं नाही, उलट तिच दुसर्‍यांना इचारत होती- हा कोण आहे? >> खालमानेन गेलो तो, त्यात त्वांड रंगवलेला, आणि काळोख कसां वळखतील मा त्याका.

काय मलिकेचे नाव आहे हेहेहेहे.....

गण्या चा नाच छान होता !! अधुन मधुन तो चोरासारखे घराकडे लुक्स पण देतोय.
https://www.youtube.com/watch?v=OUFCMCMfB7k ईथे बघाच.
आणि गण्या ऑल राऊंडर आहे वाटतं गुढ विदया , सोंगे, नाच सगळे येते त्याला!