निसर्गाच्या गप्पा (भाग २८)

Submitted by जागू-प्राजक्ता-... on 8 October, 2015 - 01:38

नमस्कार
सध्या सोनटक्का, गुलाब, झेंडू अशी फुलझाडं छान बहरली आहेत. पक्षांची घरटी तयार करण्या साठी लगबग चालू आहे. काही पक्षी पिल्लांना घास भरवताना दिसू लागलेत.
पण या बरोबरच एक खंतही आहे. ती म्हणजे अत्यंत कमी झालेला पाऊस.
मी एक कविता लिहिली होती
आहेत तोवर पाहून घ्या
झाडं, रोजच मोजून घ्या
बेरीज शिकता येणार नाही
वजाबाकी शिकून घ्या ....
गंमत म्हणून ठिक आहे असं म्हणायला, पण हे दुर्दैवी चित्र आहे. निसर्गाला तोल राखणं आता कठीण होतय अस वाटतं. दुष्काळ, काही ठिकाणी पूर, भुकंप, ढगफुटी, वाढती उष्णता ही त्याचीच प्रतीकं असावी. आपल्या जवळ जवळ सर्वच कृती निसर्गाला त्रासदायकच आहेत असं वाटत रहातं. अगदी साध्या साध्या रोजच्या गोष्टींमधे हे जाणवतं. प्लॅस्टीकबॅग नको म्हणून कागदी पिशव्या वापराव्या तर त्यासाठीही झाडांचाच जीव जातो. कागद वाचवण्यासाठी ई कम्युनिकेशनचा वापर केला तर त्याच्या वेव्हज मुळे पक्षी डिस्टर्ब होतात. अशी साखळीच सापडत जाते. आपल्या बरोबरच मुलांमधेही निसर्गप्रेम आणि जाण निर्माण व्हावी हे चांगलं आहे. शाळांमधेही पर्यावरणाचा विषय असतो पण मुलांना त्याबद्दल आकर्षण, उत्कंठा, रस वाटण्या ऐवजी त्याना त्याचा त्रासच होताना दिसतो. त्यात लिहावा लागणारा प्रोजेक्ट हा तर निसर्गासाठी फायद्याचा की तोट्याचा? कारण जे मनात रुजायला हवं, ते न होता प्रोजेक्ट खरडायला हजारो मुलं लाखो कागद संपवतात आणि रुजलेल्या झाडांचच नुकसान होतं. असे अनेक विरोधाभास दिसत रहातात. अशा करुया की ही परीस्थिती बदलेल.
असो, निसर्ग म्हटलं की छान, सुंदर असच चित्र उभं रहातं आणि तसच बोलावं लिहावं असं वाटतं. पण वर लिहीलय तीही एक बाजू आहेच.
"निसर्गाच्या गप्पा" या उपक्रमा मुळे बरेच निग प्रेमी एकत्र आले आणि खूपच माहितीची देवाण घेवाण झाली. मुख्य म्हणजे एखादी शंका कोणाला विचारावी हा प्रश्ण सुटला. एखादा प्रश्ण विचारला की जाणकारां कडून लगेच हवी ती माहिती मिळते. याचे असेच शेकडो भाग होवोत आणि निसर्ग प्रेमाचा झरा असाच खळाळत राहो.

वरील मनोगत व फोटो मायबोली निसर्गप्रेमी जो-एस यांच्याकडून.

निसर्गाच्या गप्पा या धाग्याची सुरुवात ५ डिसेंबर २०१० पासून झाली.
मागील धागे.

निसर्गाशी निगडीत काही पुस्तकांची यादी १५ व्या धाग्यापर्यंत पाहता येईल.

विषय:

निसर्ग

शब्दखुणा:

निसर्ग

Groups audience:

घरची बाग

Group content visibility:

Public - accessible to all site users

शेअर करा

सायु, हिरव्या चाफ्यासारखी

सायु,
हिरव्या चाफ्यासारखी वाटताहेत फळं.

Submitted by अदीजो on 27 October, 2015 - 06:45

ती पुत्रंजीवीची फळे आहेत

ती पुत्रंजीवीची फळे आहेत बहुतेक. याच्या माळा लहान मुलांच्या गळ्यात घालतात, दृष्ट लागू नये म्हणून.. आणि म्हणूनच हे नाव.

Submitted by दिनेश. on 27 October, 2015 - 07:06

दा

दा ---------/\---------
तुम्ही सांगताय त्या नावाने सर्च केले तर तेच झाड दिसते आहे ज्याचा मी वर फोटो टाकलाय..

Submitted by सायु on 27 October, 2015 - 07:55

दिनेशदा ग्रेट (as always).

Submitted by अन्जू on 27 October, 2015 - 08:31

खरचं दिनेश दा ग्रेटच आहेत.

Submitted by मनीमोहोर on 27 October, 2015 - 10:23

दिनेश ला डोळे झाकूनही

दिनेश ला डोळे झाकूनही नुस्त्या वासा किंवा आकारावरून पान , बी सुद्धा ओळखू येते बर्का!!!

Submitted by वर्षू. on 27 October, 2015 - 22:06

काटेरी सौंदर्य

Submitted by वर्षू. on 27 October, 2015 - 22:09

वर्षु, फार सुंदर.

Submitted by मनीमोहोर on 27 October, 2015 - 22:13

वर्षु, फार सुंदर.

Submitted by मनीमोहोर on 27 October, 2015 - 22:13

आमच्याकडे एक आबोलीसारखे

आमच्याकडे एक आबोलीसारखे दिसणारे छोटे झाड आहे. एका सोसायटीच्या कुंपणाबाहेर उगवलेले उपटून आणले होते. त्याला आबोलीसारखीच पण निळ्या आकाशी रंगाची फुले येतात. फुलाला चार नाजुक पाकळ्या आहेत. त्यातली एक पाकळी अगदी अविकसित नुसत्या रेघेसारखी. फुलांच्या मंजिर्‍या (तुरे) आबोलीसारखे पण घट्ट चिकटलेले नाहीत. थोडेसे उघडलेले, मोकळे. ही नक्की आबोलीच का असा प्रश्न पडलाय.

Submitted by हीरा on 27 October, 2015 - 22:17

हीरा - ते हे फूल असावे -

हीरा - ते हे फूल असावे - Ecbolium linneanum Family: Acanthaceae (Barleria family)

कृपया गूगलून पहाणे ......

Submitted by पुरंदरे शशांक on 27 October, 2015 - 23:13

येस. ती रान आबोलीच असावी.

येस. ती रान आबोलीच असावी. कदाचित निळी कोरांटी असेल या अंदाजाने ते उपटून आणले होते. एक दोन फुले झाडावर होती ती अगदीच मरगळलेली कारण झुडूप भर रस्त्यावर उगवले होते. पाने कोरांटीसारखी दिसत नव्हतीच पण म्हटले पाहू या घरी नेऊन. घरी निगा राखल्यावर झाड भराभर वाढले. तुरे देखील छान आले. पण फुले मात्र अशक्त ती अशक्तच. मग लक्ष्यात आले की मुळात ती जातीनेच तशी असणार.
खूप धन्यवाद, शशांक.

Submitted by हीरा on 27 October, 2015 - 23:32

सर्व फ़ुलांचे, पक्षी गटगचे,

सर्व फ़ुलांचे, पक्षी गटगचे, इतर पक्ष्यांचे फ़ोटो मस्तच.
जागू, तो पेरू मी घेतला.

Submitted by शोभा१ on 28 October, 2015 - 02:50

दिनेश ला डोळे झाकूनही

दिनेश ला डोळे झाकूनही नुस्त्या वासा किंवा आकारावरून पान , बी सुद्धा ओळखू येते बर्का!!!++++ १००%
हिरा ती आकाशी अबोली माझ्या कडे पण आहे..:)
शशांक जी, क्या बात है! लगेच् शोधुन दिलीत..

हा magpie robin च ना?

Submitted by सायु on 28 October, 2015 - 03:52

कवटी चाफा, ग्राउन्ड फ्लोअर

कवटी चाफा, ग्राउन्ड फ्लोअर ला एका मैत्रीणी राहाते, तीच्या कडचा...

Submitted by सायु on 28 October, 2015 - 04:05

हरभर्‍याचे झाड नाजूक असते

हरभर्‍याचे झाड नाजूक असते बरं...

हीरा, तिला आम्ही निळी अबोली म्हणतो. याचा गजराही छान दिसतो. खरा तर हा रंग थेट निळा नाही त्यात हिरवी झाक असते.

सायु, मैत्रिणीचे झाड आपलेच असते.

Submitted by दिनेश. on 28 October, 2015 - 04:36

आम्ही पण निळी अबोलीच

आम्ही पण निळी अबोलीच म्हणतो.

सायु, कवठी चाफ्याला पण छान असतो वास. फोटो छान आलाय. आमच्याकडे गावाला आहे हा चाफा. ह्याचं नाव किती समर्पक! फुल कवठा सारखचं दिसत अगदी.

Submitted by मनीमोहोर on 28 October, 2015 - 04:39

दा हो हेमा ताई, खुप सुरेख

दा

हो हेमा ताई, खुप सुरेख आकार, सुवास, रंग सारे काही अनोखेच..
मला ह्याचे क्रफ्टेड रोप हवय, नागपूर ला मिळतच नाहिये.. एखाद्या माळ्या़कडुन करुन घेता येईल का?

Submitted by सायु on 28 October, 2015 - 05:11