मालिका परीक्षण: स्टार प्लसवरचे महाभारत !! ( दर्जा: * * * * )

अर्जुनाने पण जिंकला की द्रौपदीने तरातरा येऊन अर्जुनाला हार घातला अन दॅट्स इट, लगेच लांबूनच बापाला म्हणाली आग्या दिजिये, अन चालूच पडली तिथून!!>>>>>>>>>> हो हो. मी पण म्हणले कसली घाई लागलीये एवढी.

ती द्रौपदी यज्ञातून आल्यापासूनच लग्नाळलेली आहे. बघावं तेव्हा स्वयंवर, लग्न आणि अर्जुनाचं चित्र बघतेय. दुसरं काय केलंय?

बाकी, अर्जुनाचं नुस्तं चित्र पाहिलेलं असताना या बयेने तो आल्यावर "देखो वो आ गया" टाईप एक्स्प्रेशन दिले होते आणि त्याच्यासोबत लहानाचे मोठे झलेले दुर्योधन दु:शासन मात्र त्यांना ओळखत नाहीत हा अजून एक बॉलीवूडी फंडा.

"देखो वो आ गया" टाईप एक्स्प्रेशन दिले होते >>>

मला त्या शिकंडीनी चा शिखंडी कसा करणार याची फार्फार उत्सुकता आहे.

" हस्तिनापूरके राजपरिवारने आर्यावर्तके राजकुमारीयोंका भस्म करनेका पण ले रख्खा है क्या"

शाब्बास द्रौपदी. अगदी माझ्या मनातले बोललीस!!

निमिषजी धन्यवाद!
बकासुरवध हा प्रसंग बहुदा द्रौपदी स्वयंवराआधी येत असावा. बकासुराला अजून मारलेले कसे दाखवले नाही हे मला पण समजले नाही. बहुतेक पुढे flashback दाखवणार असतील.

कसला बोरिंग प्रकार सुरु आहे! त्या काळात एका पत्नीचे अनेक पती हे आकाश कोसळण्याइतके अधर्मी नव्हते ना?!! . इथे त्या विषयावर किती काथ्याकूट आणि द्रौपदीला ह्युमिलिएट करणे सुरु आहे!

हो, आठवडाभर तेच दळण चालू आहे. वास्तविक तेव्हा पण भीष्म असाच आरडत ओरडत सुटला होता का? सगळा मेलोड्रामा चालू आहे.

दुर्योधनाचा पार बॉलीवूड व्हिलन करून दाखवला आहे. "राज्याभिषेक" झाला म्हणजेच सर्व संपलं का? राजकीय डावपेच, आखणी, फितुरी वगैरे काहीसुद्धा नाही!!! अगदीच बोरींग प्रकार.

साकल्य,
बकासुरवध हा प्रसंग बहुदा द्रौपदी स्वयंवराआधी येत असावा.>>
बकासूरवध हा पांडव अज्ञातवासात असताना आहे. भीम एका गावात आचारी (बल्लव) बनून राहत असतो. त्यावेळी तो गावकऱ्यांना बकासूराच्या त्रासातून मुक्त करण्यासाठी स्वतःच जेवण घेऊन जातो, असे मला वाटते.

४००

त्या कर्णाने छान काम केले, इतका तो शकुनीमामा आणि दुर्योधन आरडाओरडा करत असताना, मस्त संयमी दाखवलाय त्यामुळे सर्व लक्ष ह्या लोकांपेक्षा त्याच्याकडेच होते माझे.

ए हो. द्रौपदी स्वयंवरापासूनच किती ताणाताणी चालली आहे. बोअर होतंय.

बकासूर वध गाळलाच. तेव्हापासूनच काय ती स्वयंवराची घाई झाली होती! उलट ग्राफिक्स वापरून मस्त भाग झाला असता बकासूर वधाचा. महाभारताचे स्वतःचे आधुनिक इन्टरप्रिटेशन करण्याच्या नादात खूपच स्वातंत्र्य घेत आहेत

आधुनिक कसलं डोंबल? भीष्म सगळ्यात वृद्ध असून काल काय लहान पोरासरखा वागत होता. वैताग आला.

आणि हे पाच जण नवरीला घेऊन घरी येइपर्यंत यांच्या आज्यांना आणी चुलत्यांना पाचही जणांनी लग्न केलेलं माहितच नाही? राजे आहेत की जेम्स बॉन्ड? गुप्तहेर काय मासे पकडायला गेले होते का?

आणि आल्याआल्या धडाघडा सांगता येत नाही... की ब्वा आमच्या आयशीला न बघताच "वाटून घ्या पोरांनो" असं म्हटल्यामुळे आम्ही पांचाली शब्दाचा फारच शब्दशः अर्थ घेतला. (ती कुंती कधी पोरांना वैतागून "कस्ली कार्टी आहेर्त, उलथत पण नाहीत एकदाची मसनात जाऊन" वगैरे ओरडली नव्हती का? आणि ओरडली तर पोरांनी तेव्हा पण "माते का आदेश" समजून योग्य ती कार्यवाही केली असती का?")

आल्याआल्या धडाघडा सांगता येत नाही... >> या क्वालिटीमुळेच टीव्हीवर अनेक चॅनल्सवरचे अनेको सिरियल्सचे दळण निर्विघ्नपणे चालू आहे!

पौर्णिमा करेक्ट. सही कहा.

. बरेच दिवसात पाहिले नाहिये ते काही फार चुकले नाही म्हणायचे तर मग.

मला वाटते ख्रिश्चन लोकांनी हे महाभारत पाहिले असावे. महाभारतात जसे भीष्म म्हणेल तो कायदा तसे इथे पोप म्हणेल तो कायदा.

पुढे जॉर्ज वाशिंग्टन, जेफर्सन, मॅडीसन हे दुर्योधन प्रवृत्तीचे लोक आल्यावर त्यांनी अमेरिकेच्या घटनेत लिहीले की पैले धर्म नि सरकार वेगळे वेगळे करा. म्हणजे उगाच एका माणसाने सांगितले ते खरे असे नको. त्यापेक्षा जो जास्त पैसे देईल तो म्हणेल ते खरे! कारण नग्गद पैसा खरा! बाकीचे म्हणजे उगीचच कुणाचे तरी मत!

हे जर पांडवांच्या काळी त्यांना समजले असते, तर त्यांना एव्हढा त्रास सहन करावा लागला नसता. कारण त्यांचे शौर्य अगाध, सगळीकडचे पैसे त्यांनी लुटून आणले असते!
मग एकपत्निव्रत, एकपतिव्रत असले काहीतरी जुनाट नियम मोडून एकदम फ्री फॉर ऑल, लै धम्माल करा लेको! फक्त पैका आणा!!

मला ब्वॉ आता काही कळतच नाही.... दहा-बारा किंवा त्याहुनही कितीतरी जास्त बायका प्लस इतर अंगवस्त्रे ठेवली तरी यांचे धर्म बुडत नाही पण एका बाईने ऑफिशियली काय ते देव, ब्राम्हण, आई-बाप यांच्यासमोर पाच पुरुषांना नवरा मानले तर इतके काय मोठे पाप घडले कि मोठा हाहाकार माजला. द्रोपदी तर उठसुट सुर्याला साकडे घालत असते मी जर पवित्र असेन तर तु असे कर.. तु तसे कर.

त्याकाळी एका स्त्रीने एकाहुन जास्त पुरुषांना पती मानुन विवाहित होणे हे एवढे धर्म बुडल्याची हाकाटी पेटविण्याइतका मोठा इश्यु नव्हता. कदाचित खुप रेअर प्रकार असेल. बहुतेक सिरियलवाले द्रोपदी वस्त्रहरणाची पार्श्वभुमी बनवत आहेत कि दुर्योधन व पार्टी तिला कुरु खानदानकी बहु झाल्यापासुनच पाच भावांशी केलेल्या लग्नाचा इश्यु करुन तिला व तिच्या नवरयांना धर्मभ्रष्ट दाखवत आहेत.

यावरुन डिस्कव्हरीवर बघितलेला एक एपिसोड आठवला. त्यामध्ये अजुनही भारतातील उत्तरेकडील काही भागात पांडव-द्रोपदी परंपरेवरुन एक स्त्री एकाहुन अधिक असलेल्या सख्ख्या भावांबरोबर लग्न करते. त्यात डोक्यावरुन पदर घेतलेली स्त्री, तिच्याहुन कितीतरी मोठे व कितीतरी लहानदेखील असे तिचे नवरे यांचे चित्रीकरण होते.

मी मस्त रात्री उशिरा यु ट्यूबवर बघते. स्लो असेल तर पुढे जाता येतं. मागच्या आठवड्यात एका भागात युधिष्ठिरला खूप डायलॉग होते त्या दिवशी त्याने काम छान केले.

मस्त चालू आहे महाभारत .
फक्त तो अर्जुन आला की मागे म्युझिक लागतं ना, गांडीवधारी अर्जुन काहीतरी... ते लागले की असं वाटते अर्जुन धनुष्य फेकून डान्स करायला लागणार आता..
द्रौपदी नाही आवडते मला.. फारच अर्जुनाच्या प्रेमात वाट्ते..

द्रौपदी मला पण नाही आवडली, अभिनय काही जमत नाही तिला असं मला वाटतं.

हो द्रौपदी जरा माठ आणि कृत्रिम वाटते. आणि किती भयंकर मोठ्ठे डोळे आहेत तिचे!!

त्या अर्जुनाचे नशीब काही चांगलं नाही द्रौपदी आणि सुभद्रा दोघी माठ आणि सो सो आहेत आता उलूपी आणि चित्रांगदा तरी चांगल्या दाखवा.

चित्रांगदाचा रोल चित्रांगदानेच केला पाहीजे.

उलूपी कोण आता? मला नाही आठवते.

उलूपीचा संबंध नागलोकाशी आहे बहुतेक.

पण मग जनमेजय चे पुढे काय होते?
तो नागांचा सूड घ्यायला सर्पयज्ञ करतो.
तसे अंबेने भीष्माचा सूड घेणे हे देवांना बरोबर वाटले नाही.पण जनमेजय पांडवांचा वंशज असल्याने त्याला सर्व माफ.

तर तो यद्न करतो नि त्यात तक्षकाची आहुति द्यायचा प्रयत्न करतो. पण तक्षकाला इंद्राचे रक्षण असते. तर जनमेजयाचे पावरबाज गुरु म्हणतात इंद्राय स्वाहा, तक्षकाय स्वाहा!! प्रसिद्ध वा़क्य आहे.
म्हणजे इंद्रालाहि द्या टाकून आगीत!
इंद्राचे एकेक चाळे आठवता त्याला आधीच टा़कायला पाहिजे आगीत. पण तो आधुनिक काळातील नेहेरूंच्या वंशजांप्रमाणे काही केले तरी पंतप्रधान!
पुढे काय होते माहित नाही.