आपले सण - बदलाची गरज

सुमेधाजीनी सांगितलेल्या गोष्टी माझ्या ही सोसायटीला लागु आहेत .. गेले १० दिवस रोज संध्याकाळी ६ ते रात्री ९ लुंगी डान्स नि बद्तमीज दिल अगदी जोरात चालु होतं .. नाचायला येणारी मुलं वय वर्ष ३-१२ !! त्यानंतर ९ पासुन १०:३० पर्यंत विविध कलागुण (त्यात परत असल्याच गाण्यांवर नाच नि किंचाळ्या ) , नाहीतर हिंदी अंताक्षरी ..गणपतीचा काहीही , कुठेही संबंध नाही!

सामान्य वर्गणीदारांनी एक नियमावली/आचारसंहिता (ज्यात डीजे बोलवणार नाही, वाहतुकीला अडथळा आणणार नाही, मिरवणुकीत असंस्कृतपणे नाचणार नाही, इत्यादी अटी असतील) करायची... वर्गणी मागायला येणार्‍या प्रत्येक मंडळांपुढे ती ठेवायची.... यातले सर्व नियम मान्य अस्ल्याचे लेखी देत असाल तर वर्गणी देतो.... नाहीतर माफ करा असा सरळ साधा पर्याय द्यायचा! >>

हे करुन झालयं माझं .. सोसायटी मंडळाच उत्तर - १२ वर्षाचा अध्यक्ष - पब्लिक येतं नाही गाणी लावली नाहीत तर... २५१ द्याच नाहीतर नको तुमची वर्गणी .. मुळ उद्देश सांगितला गणेशोत्सवाचा तर तोंड वाकड केलं ..
कोणीही पालक माझ्या बाजुला आले नाहीत किंवा एकदाही आवाज कमी करा असं म्हणाले नाहीत .. उलटं तेही यातच सामील .. मला कळालचं नाही आजकाल मुलं आईवडीलांच ऐकतात कि आईवडील त्यांच!

चनस, मस्त रिप्लाय

आई वडील मुलांचे ऐकतात, काळाचा महीमा दुसरे काय!

>> 'उत्सव बंद करायला हवेत' असं मी म्हटलंय असं मला वाटत नाही. पोलिसांचा / कायद्याचा धाक, नियम, बंधने- या मलमपट्टीच्या गोष्टी आहेत.
ठीक.

>>मानसिकता ही रूट कॉज आहे. आणि इथे तर 'झुंडीच्या मानसिकतेचा' ही विचार आहे.

येस! मिही हेच म्हणतोय... केदार, लिंबू, व बेफिकीर देखिल तेच म्हणताहेत. पण ईथे एकंदरीत 'त्रासलेले' सूर असल्याने एकंदरीत ऊत्सवच का नको याचीच बरीच कारणे दिली जात आहेत. जेव्हा त्या त्राग्यातून आपण बाहेर येऊ तेव्हा कदाचित 'संतुलित' विचारांच्या देवाण घेवाणीस पोषक वातावरण असेल.. तोपर्यंत मि रोमात.

आमच्या सोसायटीत याच वर्षी ढोलपथक चालू झाले. त्यात बायकांचा पुढाकार.ढोलताशाच्या सरावामुळे महिनाभर अगोदर रोजच विसर्जन मिरवणूकीचा फील यायला लागला. पुण्यात सगळ्याच गणेश मंडळांनी जर स्वतःचे ढोलापथक चालू केले तर शहरात कीती ध्वनी प्रदूषण होईल याचा विचार कुणी केलेला दिसत नाही. सोसायटीच्या चेअरमन ला पत्र लिहिले. परिणामी त्रास विभागुन व्हायला लागला. एकाच भागाऐवजी सराव वेगवेगळ्या भागात व्हायला लागला.
खरतर धर्मनिरपेक्ष राष्ट्रात कुठलेही धार्मिक उत्सव रस्त्यावर नकोत. समुहउन्माद व गुन्हेगारी याचा जवळचा संबंध आहे. लोकांना या धार्मिक उत्सवांच्या नशेत गुंग करायचे म्हणजे लोक आपले प्रश्न विसरतात व राज्य करणे सोपे जाते. दारुड्याला भूक लागली की दारु ऐवजी दारुच द्यायची मग त्याचे शरीर देखील भुकेच्या वेळी अन्नाऐवजी दारुचीच मागणी करु लागते. कुणी अन्न दिले तरी त्याला दारु देणारा अधिक जवळचा वाटतो.
वरच्या माझ्या एका प्रतिक्रियेत दाभोलकरांचे उधृत दिले होते. कुणी त्यावर भाष्य केलेले दिसत नाही. असो...

सुमेधाव्ही, माझा अनुभव. काहीही फरक पडत नाही. तक्रार करणाऱ्यांना एकजात सगळे नंतर त्रास देतात. जे फक्त म्हणतात की त्रास होतो वगैरे ते पोलीस आले की .... घालून बसतात. आपण एकटेच पडतो आणि लोक म्हणतात की काय फक्त ह्यांनाच तेवढा त्रास होतो. आपल्या मुलांना वेगळे पडणे, वा त्यांना खेळताना मुद्दाम छळणे असे उद्योग शिक्षित, उच्चशिक्षित आणि अशिक्षित मंडळी एकत्र येवून करतात. मिरवणे आणि आपण कोणीतरी महान आहोत असे ह्या सर्व मंडळींना सतत वाटत असते. मानसिकताच तशी झाली आहे.

>>हे करुन झालयं माझं ..

कुणा एकट्याच्या वर्गणी देण्या न देण्याने फारसा फरक पडणार नाही हे माहित आहे मला!

ते मी सोसायटीबाहेरच्या मंडळांबद्दल लिहले होते... सोसायटीची एकजूट असेल तर तुमचा त्रागा/नापसंती तुम्ही मंडळांपर्यंत अश्या रितीने पोहोचवू शकता असे मला म्हणायचे होते!

उदाहरणादाखल आमच्या सोसायटीच्या ३ विंग्ज मिळून १८० फ्लॅट्स आहेत.... प्रत्येकी २५०/- जरी पकडले तरी ४५०००/- हा अगदी हसतहसत सोडून देण्यासारखा आकडा नाहिये मंडळांच्या दृष्टीने... आणि असे जर आजुबाजुच्या ३-४ सोसायट्यांनी मिळुन ठरवले तर फरक नक्कीच पडू शकेल!

आता सोसायटीच्या आत चालणार्‍या उत्सवाचाच जर त्रास होत असेल तर समविचारी लोक गोळा करणे आणि धुरा स्वताकडे घेणे हाच पर्याय आहे .... आदर्श संयोजन करुन लोकांना दाखवून देता येईल की उत्सव असाही साजरा करता येतो (अर्थात आता यावर आमच्याकडे कुठला इतका रिकामा वेळ? टाइप्स कारणे असतील तर मग चरफडत बसण्याचा पर्याय आहे)

सिस्टीम को बदलना है तो सिस्टीम मे घुसना तो पडेगाही

हा गणपतीउत्सव झाल्यावर तरी किमान पुढील वर्षभरात विरोध करणार्‍यांची एकजूट करु शकतो का बघायल हवे. जर का १०० लोकांचा जरी दबाव गट निर्माण झाला, तरी ढोल्-पथकाला/जास्तीच्या आवाजाला विरोध करण्यासाठी अश्या वेळेस विरोधात १०० लोक उभे राहिले तर काहीतरी होईल असा आपला भाबडा आशावाद.

स्वरुप .. हो पटतयं पण काही घरगुती दु:खद कारणामुळे काहीच करता नाही आले ..

गेल्या वर्षी वर्गणी बद्द्ल विचारलं सोसायटी चेअरमन यांना पण तेव्हा म्हणाले हा सोसायटीचा नाही .. एक काका मुलांपुरते म्हणुन त्यांचा गणपती खाली आणुन बसवतात .. पण या वर्षी तर सोसायटीच्या नावानेच पावती फाडत होते

मी भाड्याने राहते सोसायटीत नि कामाची वेळ पण सकाळी ८ - रात्री ८ .. समविचारी लोक सोसायटीत आहेत की नाही माहित नाही .. काही ठराविक बायका-पोरं नेहमी हजर असतात फक्त !

सिस्टीम को बदलना है तो सिस्टीम मे घुसना तो पडेगाही >> येस्स जेव्हा वाटतं तेव्हा भाग घेतेच मग कोणीही असो.. ऐकावयला नि ऐकुन घ्यायला तय्यार

सॉरी.. विषयांतर नको

सर्वोच्च( की उच्च) न्यायालयाच्या रात्री दहाच्या डेडलाइनला पारंपारिक वाद्यांची हुलकावणी मिळाली होती म्हणून आता आता ढोल ताशांचे पेव फुटणार का? आमच्याकडेही कित्येक दिवस डोलाचे आवाज कानावर पडत होते. पण त्रास होणार नाही इतके आम्ही त्यापासून लांब होतो, सुदैवाने. त्याचे रहस्य आता कळले.

http://blogs.maharashtratimes.indiatimes.com/changbhala/entry/lalbagcha-...

खालचा मजकुर लिहिताना अशीच एखादी पोस्त असेल असे वाटले नव्हते, पण वाचल्यानन्तर मात्र इथेच "प्रतिसाद" म्हणुन नोन्दवले.

नुकताच गणेशोत्सव पार पडला , आमच्या सोसायटीत सुद्धा झाला ,पण आता बदललेले त्याचे रूप पाहुन आश्चर्य ही वाटले आणि खेद ही वाटला . लहान मुलांच्या group dance किंवा solo dance मध्ये सगळी हिंदी चित्रविचित्र गाणी आणि धांगड धिंगा नाच …. त्या गणरायाने कानावर आणि डोळ्यावर ही हात ठेवले असतिल. आणि इथे आल्याचा त्याला खूप पश्चाताप ही झाला असेल. अगदी खरे कि सांस्कृतिक कार्यक्रम आहे, मुलांच्या अंगभूत कलागुणांना वाव मिळायला हवा, पण म्हणून कशालाही तुम्ही कला गुण समजाल का?
७ /८ वर्षाची असो नाहीतर १ / २ वर्षाची ,सगळी मुले फक्त "lungidance " किंवा battamij dil " असल्याच गाण्यांवर नाचत होती , आणि गाण्यांच्या स्पर्धामध्ये ही काही वेगळे दृश्य नव्हते. का हे असे?
इतर भाषिकांना ही सामाऊन घेत काही चांगले वेगळे उपक्रम ठरवता येत नाहीत का?
खरेतर ही एक छान संधी आहे, त्यांना ह्या गणेशोत्सवाच्या निमित्ताने मराठी संस्कृती आणि तिचे वेगळेपण दाखवण्याची . मग तरी आपण इतका संकुचित आणि झापड लावलेला उत्सव का साजरा करायचा?
त्याचे काही तरी स्वरूप बदलायला नको? नाही म्हणायला, "आपले सण , आपला उत्सव " असा एकच वेगळा कार्यक्रम झाला आणि तो छान ही होता . पण हे म्हणजे फारच अपवादात्मक झाले . असो .
पुण्यात काही गणपती मंडळे खुपच सुंदर आयोजन करतात आणि ते ह्याही वेळेस होतेच. काहीतरी वेगळे आणि काहीतरी चांगले ह्या निमित्ताने सगळ्यांना सुचो आणि ते त्यांनी "share " ही करावे , म्हणून हा लेखनाचा घाट घातला.
आमच्या सोसायटीत ही देवबाप्पा सुबुद्धी देवो ही सदिच्छा !
पुन्हा भेटू .....

इब्लिस+१
ढोल-ताशा पथकं तर नको तितकी झालीएत आजकाल. प्रत्येक मंडळाचं स्वत:चं पथक. अगदी सोसायटीच्या गणपतीचं सुद्धा. मग त्यांच्या महिना-दोन महिने प्रॅक्टिसेस. नुसता आवाज.
यावर्षी मला १० दिवसात, दिवसातनं कुठल्याही वेळी एकही ऑफिशियल कॉल फोनवर घेता आला नाही, इतका आवाज होता. शिवाय महिनाभर आधीपासूनच संध्याकाळी ढोलवाल्यांच्या सरावामुळे तोच प्रॉब्लेम.

पुन्हा रोज विविध गुणदर्शन कार्यक्रम म्हणे. "विविध" म्हणजे नुसती नाचगाणी, अन माइंडलेस स्पर्धा (उदा. "फॅशन शो" अन बॉलिवुडीय नाच). ४-१४ वर्षाच्या पोरांना "प्रॉपर" स्टेप्स शिकवून *लुंगी डान्स अन पिंकी है पैसेवालोंकी सारखे नाच! हे भगवान! गणपतीलाही लाज वाटत असेल ही दुर्दशा बघून.

विसर्जनादिवशी डिजे.. मला डिजे प्रकरण आवडतं खरं म्हणजे, पण उघड्यावर डिजे?? लोकांनी काय घरं साउंडप्रुफ करायची का? डिजे साउंडप्रुफ हॉलच्या आत हवा ना? हार्ट फेल व्हायचं एखाद्याचं..
मला कळत नाही, गुंड-मंत्री-नेते यांची म्ंडळं तर जाउचदे, पण हे आमच्या सोसायटीतल्यासारख्या लोकांना काय कामधंदे नसतात का? मुलांना अभ्यास असतात, (अनेक) नोकरीवाल्यांना घरी येऊन पण फोनवर महत्वाचे क्लायंट कॉल्स असतात, अनेक लोकांना आपल्या घरच्या गणपतीसमोर शांत बसायचं असतं. पण हे सगळं काही शक्य नाही. जाऊदे, पुढच्या वर्षी वर्गणी द्यायची नाही, हे पक्कं ठरवलंय. खरं म्हणजे मी मंडळवाल्यांना कधीच देत नाही, पण यावर्षी म्हणलं जरा चांगले सुशिक्षीत लोकं आहेत आपले सोसायटीवाले. पण निराशा!! असो.

* मला लुंगी डान्स गाणं अतिशय आवडलंय. तो प्रश्न नाही. प्रश्न आहे त्यावर ४-५ वर्षाच्या मुलांनी उटपटांग डान्स करण्याचा अन त्यांच्याकडून करवून घेणार्‍या अन स्वत:ही सोबत नाचणार्‍या महान पालकांचा. अन तसा डान्स करायचा तर गणपतीसमोर कशाला? जा ना डिस्क मध्ये. पण डिस्क/पब म्हणजे संस्कृती बुडते यांची. हिपोक्राईट साले!

>>"आपले सण , आपला उत्सव " असा एकच वेगळा कार्यक्रम झाला

आमच्या सोसायटीत पण हा कार्यक्रम झाला.... आपण एकाच सोसायटीत राहतो की काय्?

नताशा.. +१
मी पण हेच लिहील होतं... आपण सेम सोसायटीत राह्तो का बहुधा सगळ्याच ठिकाणी हेच चित्र आहे ..

नताशा.. स्वरूप आणि चनस +१ >> आमच्या सोसायटीत पण..

बहुतेक सगळ्याच ठिकाणी हेच चित्र आहे..

सोसायटीचे नाव सांगा आधी,,, मग बघू

सगळ्याच सोसायट्यांमधे सध्या हेच चित्र आहे त्यामुळे हा प्रॉब्लेम आता आपल्या सोसायटीचाच झाला आहे. ह्यावर काहीतरी उपाय करायला हवाच आहे. पण कसा? गहन प्रश्न आहे.

हाताबाहेर गेलेल्या परिस्थितीवर कोणता उपाय करणार? ज्याला त्याला आतून हे पटले पाहिजे.तिथेच तर सर्व वानवा आहे. सांगणारा जादा शहाणा ठरतो.

>>सोसायटीचे नाव सांगा आधी,,, मग बघू
हो फक्त नाव वगळून बाकीची चर्चा करत राहिल्यावर काय होते ते बघतोयच आपण "होणार सून... " मध्ये