निसर्गाच्या गप्पा (भाग - १२)

शांकली: लिंक आवडल्याचे सांगितल्या बद्दल धन्स !

सगळ्यांचे फोटो मस्त आहेत. लाल गुलाब झकास. सोनचाफा... आअहाहा.. मित्रानी वाढदिवसाला रोप दिलं होतं गिफ्ट म्हणून. पण इतकं उंच वाढणारं झाड नको होतं मला. फुलं काढणं अवघड होतं ना.. म्हणून. ते बदलून घेतलं नर्सरी मधून. पण तो विक्रेता म्हणाला की ही जरा वेगळी/प्रक्रिया केलेली व्हरायटी आहे. ७-८ फूट पर्यंत च वाढते. तरी मी नहीच घेतलं. मला शक्यतो बोन्साय किंवा जेनेटिकली मॉडिफाईड झाडं घ्यायला आवडत नाही. पण बघायला छान वाटतात बोन्साय.

निग प्रेमीनो ही माझी लिंक पहा मोत्यांची

http://www.maayboli.com/node/40860

माझा नि.ग वर पहिला फोटो. सोसायटीच्या आवारात लावलेली जास्वंदी.

सुंदर जास्वंदी, सुरेख फोटो...

दिपु. सुंदर फोटो आहे.

दिपु. छान फोटो.

मुंबई महानगरपालिका आयोजित वृक्ष, फुल प्रदर्शन शुक्रवार ८ फेब्रुवारी ते रविवार १० फेब्रुवारी दरम्यान वीर जिजामता उद्यानात आहे (राणीच्या बागेत).

आजच स्टेशनजवळ बॅनर पाहिला.

सर्वच फोटो छान. माहीती नेहमीप्रमाणे वाचनीय.

दिनेशदा, पळसाचा सडा उचलावासा वाटला होता. पण माळी फार काळजी घेतात सगळ्या झाडांची आणि पडलेल्या पाला-पाचोळ्याची सुद्धा.

गोरेगावात शेणखत कुठे मिळेल?>>>>> जोगेश्वरी ते बोरिवली मधील बरेचसे गोठे हलवले गेले आहेत. त्यामुळे जरा कठिणच. पण मंदिरा बाहेर गाय घेउन बसणार् या लोकांकडे मिळू शकेल.

(एक प्रश्नः अर्धा र कसा लिहितात / टाईप करतात)

सध्या शिंपी पक्षाचे दर्शन सुरु झाले आहे. ओरडायला लागला कि गळ्याखाली काळी रेघ दिसते. याला स्थिरता अजिबात नाही.
सुर्यपक्षी मात्र गायब झाले आहेत.

सोमवार, ०४/०२/२०१३: लोकसत्ता : कुतुहल सदरः फुकुओकां बद्दल लिहिले होते. त्यांच्या "वन स्ट्रॉ रिव्होल्युशन" पुस्तकाचा मराठी अनुवाद : "काडातून क्रांती" ... असे वाचताना नि.ग.ची आठवण आल्यावाचून रहावत नाही.

सुर्यपक्षी मात्र गायब झाले आहेत. >>>>हे सध्या आमच्या इथे आलेत वाटतंय

घरासमोर शेवग्याचे आणि पिंपळाचे झाड आहे. सध्या शेवग्याला भरपूर फुले लागलीत. तेथे रोज किमान ०८-१० सूर्यपक्ष्यांचा कलकलाट चालु असतो. आज त्यांचे काहि फोटो काढलेत. पिंपळाच्या झाडावरील फळे खायला तांबट, बुलबुल येतात आणि आज तर चक्क व्हाईट ब्रेस्टेड किंगफिशर आला होता. कॅमेरा आणायला घरात पळालो. बाहेर येऊन बघतोय तर चिमण्या कावळ्यांनी कलकलाट करून त्याला हाकलुन दिले.

या सूर्यपक्ष्यांचा आवाज मधुर वाटतो

सुदुपार,
सर्वच फोटो छान ! माहीती देखील वाचनीय..

आज वाचलेली एक बातमी ..
पुण्यातली झाडे मोजण्याचा कार्यक्रम (गेल्या ५-६ वर्षात) पुर्ण झाला, एकुण ३२ लाखाच्या वर झाडांची नोदणी झाली आहे.
यात काही दुर्मिळ झाडे, त्यांची कमी झालेली संख्याही लक्षात आली आहे ,ही चांगली बाब आहे.

एक प्रश्नः अर्धा र कसा लिहितात / टाईप करतात)>>>>>>> र्‍ :शिफ्ट दाबून आर टाईप करा.

येतोय ना मग वसंता.... येतोय ना मग वसंता...
http://www.maayboli.com/node/40875

माझ्या घरासमोरच्या शेवग्याच्या झाडावर पण बरेच पक्षी येतात. त्यापैकी १ मी भारतात बघितला नाही.
पॅराकिट प्रकारातला आहे. काळी चोच, फिक्कट चॉकलेटी रंग, डोक्यावर तुरा आणि लांब शेपटी. आवाज
फारसा करत नाही पण ३/४ जणांचा गट असतो.
याचे उड्डाण फार सुंदर असते पण बसला कि सगळी शान जाते. शेपटीचे ओझे झाल्यासारखा बसतो. बाकीचे
पक्षी झाडावर कोनात बसतात हा बहुदा लंबरूप बसतो ( म्हणून तोल जात असेल.)

आमच्याकडे सकाळी सध्या अंधारून आलेले असते, त्यामूळे फोटो नीट येत नाहीत.

पिंपळाच्या झाडावर भरपूर फळ लागलेली पण वटवाघूळांनी (एकदा त्यांचा डिनर बघत होतो )त्याचा फडशा पाडला. त्यामुळे फार कमी फळं उरली आणि पक्षीही कमी येत आहेत.

हे कोणते झाड?

जागू
गॅलरीत उभा होतो

भरत हे कॅनन बॉल ट्री म्हणजेच आपलं कैलाशपती

जिप्सी
कॅननबॉल= नागकेशर असे विकीने सांगितले.
फुटबॉलएवढी फळे बुंध्याला लटकताहेत.

कॅनन बॉल, कैलाशपती यालाच कुणी नागचाफा पण म्हणतात पण नागकेशर वेगळे ( मसाल्यातले. पांढरे चार पाकळ्यांचे फूल आणि मधे पिवळे धम्मक केसर ) दोन्ही झाडे राणीच्या बागेत आहेत.

ती फळे फुटल्यावर मात्र भयानक दुर्गंधी सुटते

हा राणीबागेतला नागकेशर

जिप्स्या तू पिंपळावर रात्री काय करत होतास ?????????????????????????? वटवाघळांच्या डिनरवर तुझ लक्ष ????????????????>>>>>>>>>>> जागुले काय गं तू! फार हसले बाई!
हा पक्षी कोणता? सध्या संध्याकाळी एक प्रचंड मोठी झुंड कल्कलाट करत कडुलिंब आणि नारळावर बसतात. अर्धा पाऊण तास तरी बसतात. पण काही वेळेला त्यांना कावळे हाकलतात, नाहीतर हे स्वता:च निघून जातात. परिसरात खूप वृक्ष आहेत त्यावर फायनली झोपत असावेत.

या फोटोत दोन साळुंख्याही आहेत.

मानुषी,

तूमच्या नगरला आता नेपतीच्या झाडांना आता फळे लागली असतील ना ? ( हे झाड एरवी हिरव्या खराट्यासारखे दिसते. पाने नसतातच. दिवाळीच्या सुमाराला सुंदर गुलाबी / अबोली रंगाची फुले येतात आणि मग फळे )

हि झाडे कोकणात नाहीत. पुण्यातही दिसली नाहीत. सातारा / कोल्हापूर भागातही नाहीत. या फळांचे लोणचे करतात.

परवा एका लेखात वाचले कि याच झाडांना, राजस्थानात केर म्हणतात. आणि केर / सांगरी चे लोणचे तर राजस्थानात खुप लोकप्रिय आहे. ( सुलेखाने लिहिले होते.) ही माहिती मला नवीन. मी या झाडांची फुले बघितली आहेत, पण फळे नाहीत. ( आणि खाल्ली पण नाहीत.)

दिनेशदा आणि मानुषी,धन्यवाद..

बागेत लावण्यासाठी रोपं आणायला उद्या नर्सरीत जाणार आहे.
सुगंधी फुलं येणारी झाडं हवी .....काही कुंडीत लावायला आणि काही वाफ्यामधे...काही नावं सुचवा बरं..