निसर्गाच्या गप्पा (भाग - १२)

जागू..:स्मित:
बाळ बटाटा!

मानुषी, मी पण कुंडीतच लावलेत बटाटे! आणि ती रोपं, सेम तू टाकलेल्या फोटोंमधल्यांसारखीच दिसताहेत.

दोन्ही डगरीवर पाय ठेवून बसतो. मग तोल जाईल नाहीतर काय !>>>>>>

पक्ष्याच्या ह्या स्टाईलला 'फतकल स्टाईल' म्हणता येइल>>>>>>

मानुषी, तुझा ज्यूसचा आणि अनिल, तुमच्या चिंचांचा फोटो बघून तोंडाला पाणीच सुटलं.

इब्लीस, श्री.चितमपल्लींच्या पुस्तकांमधे कामुन्या/येरुण्या असा फळांचा उल्लेख आहे. त्यांचं वर्णन तुम्ही केलेल्या वर्णनाशी जुळणारं आहे. कदाचित टणटणीची फळंसुद्धा असू शकतील ती (चितमपल्लींनी म्हटलेली). कारण तिची पण जाळीच होते खूप वाढली की. आणि ही फळं मस्त लागतात.

टणटणीवरून आठवलं; मागे एकदा श्री.वाटवेसरांचं एक लेक्चर ऐकण्याचा योग आला होता. त्यांनी सांगितलं, की लहानपणी मित्रांबरोबर घाणेरीची (टणटणीची) फुलं काढून त्यांचा देठ तोंडात धरून त्यातला मध शोषून घ्यायचा उद्योग चालू असताना त्यांच्या असं लक्षात आलं; की सगळ्या फुलांमधे हा मध नाहीये, तर काही फुलं रिकामी(!) आहेत. म्हणजे वनस्पती परागीकरणासाठी, कीटकांनी जास्तीत जास्त फुलांवर भेट देऊन, त्यांतले पराग दुसर्‍या फुलांवर वाहून न्यायला पाहिजे असतील, तर सगळ्या फुलांमधे मधुरस ठेवून चालणार नाही. कीटकांनी त्यासाठी प्रत्येक फुलात शोध घेतला पाहिजे! आणि ही युक्ती त्यांच्या लक्षात येऊ नाही म्हणून फुलांची रचना गोलाकार केली गेली. पहा त्या किती हुशार आहेत!! आणि माणसांना वाटतं वनस्पतींना काही कळत नाही..

हा विचार नंतर त्यांच्या प्रोफेसरशिपमधे एक नविनच प्रोजेक्ट म्हणून साकार झाला; त्यावर त्यांच्या विद्यार्थ्यांनी शोध निबंध प्रसिद्ध केला.

असाच आणखी एक प्रोजेक्ट म्हणजे प्रयोगशाळेत मृद्गंध तयार करण्याचाही! त्या प्रोजेक्टमधे 'हे' (शशांक) सामील होते.

जूस, चिंचा.. मस्त मस्त तोंपासु फोटो
दिनेश दा कडला पक्षी किती गमतीदार दिसतोय.. फतकल मारून बसलेला
धुळवड खेळून झाल्यावर आंघोळ करूनही लावलेला रंग न धुतला गेल्यासारखा रंग आहे त्याचा..

जागु ,सुंदर लालचुटुक रंग आहे फुलाचा..

इथे दरवर्षी नवीन वर्षानिमित्त भरणार्‍या फ्लॉवर मार्केट ला परवाच भेट दिली..

बाकीची टाकतेच ' स्प्लेंडिड क्वांग चौ' सीरीज च्या चौथ्या भागात..

http://www.maayboli.com/node/40953

सॉरी टेकिंग लिबर्टी...

शांकली......वाटवे सरांनी दिलेली माहिती इन्टरेस्टिन्ग!........आणि कोणत्या तरी नामांकित पर्फ्यूम कं.चा एक मृद् गंधाचाही पर्फ्यूम निघाला आहे. असं वाचनात आलं होतं.
वर्षू .........सॉरी काय? लिबर्टी काय? इतकं सुंदर लिहायचं, फोटो डकवायचे आणि वर सॉरी? काय राव?
दिनेशदा पक्षी खरंच वेगळाच आहे. आणि पोझही अगदी फतकलच!

शांकली (बाळ)बटाटा आला की कळव हं...........मीही कळवीन!

नमस्कार. मला घराच्या बाल्कनीत फुलझाडे आणि भाजी लावायची आहे. फुलझाडांमधे गुलाब, झेंडू, एखादे पांढर्‍या फ़ुलाचे झाड आणि दुर्वा लावायचा प्लॅन आहे. सध्या मी फ़क्त तुळस लावली आहे. जरा सेट झाल्यावर फुलांची झाडं आणि मनी प्लॅन्ट, आणि नंतर जमतिल तशा भाज्या लावयचा विचार आहे माझा.
पण आधी कधीही बागकामाचा अनुभव नाहिये.. इतकी सगळी झाडे बाल्कनीत मेन्टेन करता येतील का? बाल्कनी साधारणपणे ७ X ११ आहे. आणि काळजी काय काय घ्यावी लागेल?

जिप्स्या लवकर फोटो टाक. ती सोनसावर कधी एकदा प्रत्यक्ष पाहीन असे झाले आहे. ह्या वर्षीही नाही जमणार. पुढच्या वर्षी बघेन.>>>>जागू, हे घे फोटोज

सुप्रभात,
जागु,वर्षु,जिप्सी
सगळे फोटो छान आलेत !

(जिप्सी कडुन मला फोटोग्राफी शिकण्याची संधी कधी मिळेल याची वाट बघतोय )..

सोनसावर........... आह्हा...किती ब्राईट्ट्,सुरेख ,सोनेरी रंगाची फुलं आहेत.. नावाला साजेलशी
मस्त रे जिप्स्या..

मानुषीचे पक्षी : Rosy Pastor / Rosy Starling / गुलाबी मुनिया.

माद्यांना आकर्षित करण्यासाठी नर पक्षी खूप खातात, त्याचा परिणाम म्हणून मिलनाच्या काळात त्यांचा रंग गुलाबी होतो. Non-breeding सिझनमधे dull - brownish रंगाचे असतात. बी.एन.एच.एस. च्या डॉ.केतकी या गुलाबी रंगाला "wedding gown" म्हणतात.

मधु - मकरंद - ते पक्षी Rosy Pastor / Rosy Starling आहेत ही माहिती बरोबर आहे पण मुनिया प्रकारातील नाहीत, मुनिया वेगळे असतात.

http://natuecocityfarming.blogspot.in/

घरी, छोट्या जागेत फुल पान लावणार्‍यांसाठी

काल महाबळेश्वरला जाउन आले..छान सुंदर होतच्..पण वाईट पण फार वाटल..

वाई पूणे पुर्ण रस्ता एकदम शहरी वाटत होता. कितीतरी बांधकाम चालु होत. मुंबई कशी पसरत पार दुरवर गेलीय. तस पुण पण अक्राळविक्राळ पसरतय..:-(

महाबळेशवर मध्ये मुळ अस स्ट्रॉबेरीच वाण अगदी दुर्मिळ आहे....

जिप्सी,

पवईच कारंज आहे रोडाज च्या कोपर्‍यावरच तिथे केळी सारख झाड आहे (कदाचीत केळिचच असेल). त्याला मस्त फुल आणि फळ येत आहे. जाउन बघ..मला गाडितुन दिसल

शशांक, "The Book of Indian birds" Salim Ali, यात याचे लोकल नाव gulabi myna, tilyar, lal myna, ....असे दिले आहे. मला स्वतःला जास्त माहीत नाही. ३१.०१.२०१० ला उरणला डॉ.केतकींबरोबर एक दिवसाचे पक्षी निरिक्षण केले होते, तेव्हा दिसले होते. त्यात त्यांनी सांगितलेली माहीती.

gulabi myna, हे बरोबरच आहे - याचा उच्चार मैना आहे, "मुनिया" नाही. कृपया तुझी आधीची पोस्ट पहा -
(मानुषीचे पक्षी : Rosy Pastor / Rosy Starling / गुलाबी मुनिया) म्हणजे हे लक्षात येईल. मुनिया हे गुगलून पहा म्हणजे मैना व मुनियातील फरक लक्षात येईल. कृ गै न

मला सांगा ही कसली फुले आहेत? यात जांभळा, पिवळा असे रंग होते अशी माहिती मिळाली. फोटो नीट आलेला नाही. कारण चाल्त्या बसमध्ये काढलाय.

जिप्सी, सोनसावर छानच.
पिवळा टॅबेबुया पण असाच झळाळत्या रंगाचा असतो. कोल्हापूरला महावीर उद्यानात, बेळगावात बरीच झाडे आहेत.
.. वर्षू,, सगळ्यात जास्त आवडला तो चौथा भाग

जागू, शेंगदाण्याप्रमाणेच बटाट्याच्याही खोडाचे भाग जमिनीत शिरतात आणि मग त्यांना बटाटे लागतात.

हा आमच्या विदुषकाचा, जरा बरा फोटो !

जागू, वर्षू, जिप्सी मस्त फोटो !
दिनेशदा, हा पक्षी तुमचा जरा जास्तच लाडका दिसतोय .:फिदी:

दिनेशदा,तुम्हाला एक इमेल पाठवलेय . मिळाली नाही का?

दिनेशदा, विदुषक मस्तच

पवईच कारंज आहे रोडाज च्या कोपर्‍यावरच तिथे केळी सारख झाड आहे (कदाचीत केळिचच असेल). >>>>बघतो जाऊन आज

हि फुले कोणती? पाने साधारण आपल्या सप्तपर्णीसारखी वाटत होती. झाडाची उंची साधारण ८-१० फूट असेल.

पाने

रीठ्यासारखे दिसणारे हे फळ/झाड कुठले?

शोभा, अजून बघायचीय मेल. आमचं आत्ता उजाडलं !

फ्लॉवर मार्केट मधे दिसलेली काही रेअर फळं, फुलं
ही पिवळी फळं आहेत ,' solanum mammosum' च्या झाडाची. बटाटे, टोमॅटो फॅमिलीतले हे झाड आहे. या झाडाचा प्रत्येक भाग विषारी असला तरी चायनीज नववर्षात हे झाड घरी आणणे शुभ समजले जाते. या फळाला पाच टोकं असतात ज्यांना चायनीज लोकं पाच बोटं म्हणतात. जशी एका हाताची पाच बोटे वेगवेगळी असून एकत्र असतात ,तशी पाच पिढ्या घरात एकत्र ,सुखासमाधानाने नांदाव्यात हा संदेश हे झाड देत असते.

हे पिचर प्लांट. हे ही विषारीच असतं. पण चीनी समजुतीप्रमाणे घरी हे प्लांट ठेवल्यास हे प्लांट, गुड लक आणी वैभव आपल्याकडे आकर्षित करून घेऊन या पिचर मधे साठवून ठेवतात.