निसर्गाच्या गप्पा (भाग - ५)

अरे व्वा! पाचव्या भागाबद्दल सर्वांचे अभिनंदन!

जागू, हाच फोटो मला हवा होता.
याला वाघरी म्हणतात आणि वाघाच्या अंगासारखीच फुले येतात.

जागू माझ्या घरा जवळ सिल्व्हर ओक च्या झाडावर अशीच बांडगुळे आहेत. वेला सारखी दिसतात. त्याना पांढरी फुलं येतात. बारके पक्षी त्यात काहीतरी खात असतात.

दिनेशजी हा माझ्या कडचा एक फोटो

जागू....कसलं गोड आहे ते घुबड

सचिन, हा फोटोपण मी वापरणार आहे.
जागू, घुबड आहे म्हणजे उंदीर खाऊन टाकणार ते !

वाघरी >>> याला बांध सुद्धा म्हणतात, खास करुन कलमी आंब्याच्या झाडावर हे वाढतात, ज्या फांदीवर हे वाढ्तात कालांतराने त्या फांदी फळांचे प्रमाण कमी होऊन नंतर कायमचे थांबते आणि ती फांदी सुकुन जाते, हे स्लो पॉयझन सारख काम करत. ( हे माझे निरीक्षण)

ईनमीन तीन, मी आणि प्रज्ञा, नक्की येणार तुमच्याकडे. आमंत्रणाबद्दल धन्यवाद.

शोभा, प्रज्ञा नक्कीच या, आपले स्वागत आहे.

दिनेशदा, अशा वनस्पतींना epiphyte= अधिपादप असा शब्द आहे. पण हा मराठी शब्द जरा समजायला अवघड जाईल का? एपिफाईट त्यामानाने जरा सोपा वाटेल का?
मधे कोकणात आंब्याच्याच झाडावर अशा वनस्पती (ऑर्किड्स) बघितली होती. पण त्यावेळी त्यांना फुलं आलेली नव्हती.
सर्वांचे फोटो मस्त आलेत.
नितीन, त्या ताडाच्या झाडाचे फोटो इथे दिले तर आम्हालाही बघता येतील.

जागू, घुबडं सुंदर!! माझ्या पण मुलींना घुबड खूप आवडतं.

सशा, ऑर्किडचा फोटो सुंदर आलाय.

शांकली एपिफाइट्स वापरेन. अनोखी दुनिया असते त्यांची.

दिनेशदा, त्यांना परोपजीवी वनस्पती म्हणतात का?

वेडा राघू छानच.

राघु आणि पोपट यात फरक काय. ( जरा बावळट प्रश्न आहे) , मला वाटत होत ही दोन्ही समानार्थी नाव आहेत.

प्रज्ञा, परोपजीवी पण नाही म्हणता येणार. ते वेगळंच प्रकरण आहे.
जागू, मधमाशीचा पाठलाग करतानाचे याचे उडणे, अचानक घेतलेली वळणे आणि ती मिळाल्यावर परत त्याच जागी येऊन बसणे.. सगळे बघत बसावे असे असते.

http://www.maayboli.com/node/30957 : ज्यानी अजून पाहिले नाही त्यांच्यासाठी.

आज सुट्टीमुळे घरीच आहे. बागेत बरीच मंडळी भरभरून फुलली आहेत. त्यातली ही काही............ मधे एकदा छाटणी केली होती. आणि काही दिवसातच नवीन पालवी येऊन फुलं फुलली. रानजाई तर बहुतेक ३ महिन्यांनी एकदा फुलतेच फुलते. नि ग वाल्यांसाठी हे फोटो...........

पानाआडून लाजून बघणारं हे पावडर पफ.

आणि ही नाजुका श्वेतांबरा, रानजाई................

फोटो लेकीने काढलेत. मी नाही.

वॉव ! मस्त आहेत फुलं शांकली. रानजाई विशेषच आवडली. हिला सुवास असतो का?

हो, रानजाईला खूप सुवास असतो. विशेषतः संध्याकाळी जास्त असतो.

मग कोणत्या संध्याकाळी येवु?

केव्हाही, मने; आज आलीस तरी चालेल........... (आणि मला मनीमाऊ दोन पायांची! चार पायांची!) आवडते. भिती तर बिल्कूल वाटत नाही.

शांकली, ज्या व्यक्तीने फोटो काढलेत तिला नि.ग. चे सभासद झालेच पाहिजे. आणि प्रत्येक नि.ग. सभासदाला फोटो टाकणे आलेच पाहिजे.. असा नियम करणार आहेत.

ते असो, या पावडर पफ वर कुठले किटक आलेले बघितलेत का ? न्यू झीलंडचे राष्ट्रीय फुल, पोहोतुकावा असेच असते पण त्यावे परागीवहन एक पाल करते !

शांकली, मस्त आहेत फुलं ते पावडरपफचे झाड केवढे आहे नेमके? मस्त फुललेय. रानजाईही मस्त.

घुबडं जाम गोड दिसतायत

ते आंब्यावरचं बांडगूळ चिपळूणला पाहिलं होतं. त्याच्या बंद कळ्या खाली पडायच्या. चिमटीत घेऊन दाबल्या की उलगडायच्या.