निसर्गाच्या गप्पा (भाग ४)

चक्क मला माहित आहे

अग चतुराची एकदम सडसडीत बांधा बहिण

अग चतुराची एकदम सडसडीत बांधा बहिण स्मित>>>>>> चतुर "करिना" तर नव्हे?????:)

आमच्या बागेतही कण्हेरीच्या पानाखाली हे कोष दिसताहेत -

हे एवढे तुकतुकीत कसे?

माझ्या लिंबाच्या झाडावर एक आहे.हिरव्या रंगाचा

जागू, बघते
निकिता,
शशांक, स्टिलचा पाण्याचा जग लटकवल्यासारखा दिसतोय तो कोष.

चतुरसारखीच दिसतेय ती टाचणी मी पाहिलीही असेल पण चतुरच समजले असेन.

शशांक, दुसरा कोष आज उद्याच उघडेल. अगदी सकाळी बघता येईल ते.

माझ्या ऑफिसमध्ये जीमेल, पिकासा ओपन होत नाही. >>>आयटी डिपार्ट्मेंटने ब्लॉक केले असतील.

शशांक, कित्ती छान दिसतायत ते कोष? मला जवळून बघायचेत.

शशांक, कण्हेरीचे झाड विषवल्लीच आहे. बकर्‍या, गायी त्याला अजिबात तोंड लावत नाहीत. ज्या अर्थी हे कोष त्या झाडावर आहेत, त्या अर्थी त्या अळ्या पण त्याच पानांवर पोसल्या असतील. म्हणजे या फुलपाखरांचे पंख विषारी असतील आणि पक्षी, त्यांच्या वाटेला जात नसतील.

तात्पर्य त्या कोषावर लक्ष ठेवणे आणि बाहेर येणार्‍या पाखराचा फोटो काढणे, हि विनंति !

दिनेशदा - हा कोष पानासकट घरात आणून बाटलीत ठेवला तर चालेल का, यातील फुलपाखरु मरणार तर नाही ना १-२ दिवस बाटलीत ठेवले तर ? साधारण सकाळी पाखरु बाहेर येते का केव्हा....?

कसले चमकदार कोष आहेत ते शशांक! यातून बहुतेक चांदीचं पाखरू बाहेर पडणार
जागू, टाचणी हा कीटक मला माहितच नव्हता. आत्ता तुझा फुलपाखरांचा धागा परत बघितला तेंव्हा समजलं.

शशांक फांदीसकटच अलगद तोडता आला तर पहा. साधारण सकाळी ५.३० ते ६ हालचाल सुरु होते.
आता कोषच आहे त्यामूळे बाटलीची गरज नाही. आधाराने फांदी उभी करुन ठेवली तरी चालेल, पण उन्हाची तिरिप येईल अशी जागा पाहिजे.

मी बाटलीत चक्क अळ्याच ठेवायचो. लिंबाची पाने खायला घालायची आणि वर झाकण न ठेवता, झिरझिरीत फडका बांधायचा.

गौरी
चांदीचं फुलपाखरू!!!!!!अगदी माझ्या मनातलं बोललीस!

गौरी,धन्स!!
शोभा, केव्हाही घरी ये.
दिनेशदा, आत्ताच फांदी घरी आणून ठेवते..

नरकासुर? म्हणजे हो कुठले फळ? आय मिन, वापरातले दुसरे कोणते नाव आहे का?

जागू खाजखुजलीची फुले पण छान दिसतात.

नरकासुर? म्हणजे हो कुठले फळ? >>> याला कारेटे असे नाव आहे.

नरकासुर? म्हणजे हो कुठले फळ? आय मिन, वापरातले दुसरे कोणते नाव आहे का?>>
कारेटी म्हणतात त्याला. दिवाळीला सकाळी अभ्यंग स्नान झाल्यावर देव्हर्‍यासमोर किंवा तुळशी समोर उभ राहुन फोडतात. मग त्याची एक बी जिभेला लावायची असते आणी कपाळपट्टीवर लावायची असते. भरपुर कडु असतात ही.

या खाजखुजलीच्या नेमक्या कुठल्या भागाने (पान , फूल, फळ, बिया, खोड) खाज सुटते - मानवी त्वचेला ? खूप अ‍ॅलर्जिक असते का हे? प्राण्यांना पण खाज सुटते का या खाजखुजलीने ?

शशांक, फक्त शेंगेवरच्या कुसानेच खाज सुटते. पण वेलाजवळ गेल्यावर ते अंगावर पडू शकतात.
तरीही ती कुसं औषधी आहेत. मधात घोळून पोटातही घेतात (अर्थात जाणकारांच्या सल्ल्यानेच)
त्यातला बियाही पौष्टिक असतात, त्याना गुजराथी मधे कौचा किंवा कवचबीज म्हणतात. थंडीच्या दिवसात त्याची मिठाई करुन खातात.

हा एक पक्षी मगाशी पहायला मिळाला. (हे प्र.चि. गुगलुन मिळवले आहे.) हा पक्षी कोणता? कधी कधी पहायला मिळतो पण त्याने मला कधीच त्याचा फोटु काढुन दिला नाही.

काय हे गिरी.. हा कोतवाल. इंडियन ड्रोन्गो.

साधना, धन्स

त्याचे काय आहे साधना, अजुन नि.ग. वर शिकाऊ उमेदवार आहे ना, त्यामुळे.