पीपली लाइव्ह आणि सिंपली सुसाईड.

from esakal.com -
पीपली (लाइव्ह) > आपल्या कोडगेपणाच्या कानाखाली काढलेला आवाज -
http://72.78.249.107/esakal/20100814/5039280691352829503.htm

प्रसारमाध्यमंही या बातमीकडे trpसाठी बघतात. चिनुक्स, एक्झ्याक्टली!!! आणि कशावरून हा विरोधसुद्धा trp साठीच नसेल? पोस्टर्स जाळणारे खरंच शेतकरी होते का? हेही पाहायला हवे...
reverse psychology च्या तत्वानुसार 'हे पाहू नका' म्हटले की सगळे मुद्दाम 'ते' पाहतात. बंद दरवाजाकडे बोट दाखवून 'हा दरवाजा कधीच उघडू नका' म्हटले की त्या दरवाजाआड काय आहे, हे पाहण्याची उत्सुकता शिगेला पोहोचते. असंच काहीसं ह्या चित्रपटाच्या बाबतीतही घडवून आणलं जात असावं.
" माय नेम इज खान" च्या वेळी शाहरुख खान ला अमेरिकेतील विमानतळावर चौकाशीसाठी थोपवून होते. तो केवळ "खान" आहे, म्हणून त्याला दहशतवादी समजून त्याला असा त्रास देण्यात आला असा त्याचा आरोप होता. नंतर समजलं, असाच डिट्टो सीन त्याच्या चित्रपटातही आहे...पब्लिसिटीसाठी लोक कुठल्याही थराला जाऊ शकतात ह्याची अनेक उदाहरणे आहेत.
असो, लोकांनी केलेला विरोध हा असाच एक स्टंट आहे की चुकीचा संदेश पोहोचलेल्या लोकांचा चुकीचा प्रतिसाद आहे की खरेच ह्या चित्रपटात शेतकर्‍यांच्या आत्महत्येची टर उडवली आहे हे पाहण्याची मला तरी आता जाम उत्सुकता लागली आहे.
पण तरीही आतले मन मला हेच सांगते आहे, की हा चित्रपट आमीर खानचा असल्यामुळे आणि त्याने आजपर्यंत बनवलेल्या चित्रपटांमध्ये कायम चांगलाच संदेश दिलेला असल्यामुळे हाही चित्रपट त्याला अपवाद असणार नाही...

मी चित्रपट पाहिला आहे.

मुटेसाहेब, तुम्हाला मी अगदी परिपक्व आणि संयत विचारांची व्यक्ती समजतो. त्यामुळे मी तुम्हाला मनापासुन सांगतो की तुम्ही हा चित्रपट पहाच.

माझ्या बुद्धीला जितका चित्रपट समजला त्यातून हा चित्रपट शेतकर्‍यांच्या बाजूनेच बनवलेला आहे अशी माझी खात्री पटली आहे. चित्रपट संपल्यावर चित्रपटातल्या ब्लॅक हुमरने कितीही हसवले असले तरी एकंदरितच शेतकर्याची परवड पाहून मन सुन्न होते. हे या चित्रपटाचे यशच म्हणावे लागेल.

ता.क. - मी आमीर खान नामक अभिनेत्याचा पंखा नाही त्यामूळे माझे मत पूर्वग्रहदूशीत नसावे..बहुतेक!

सुशिक्षित-सुसंस्कृत समाजाच्या विकृत विचारांपेक्षा असभ्य रानटी मावो/नक्षलवांद्यासारख्यांची सहानुभुती त्याला जवळची वाटली तर.......????????
मुटेजी,
अहो,चित्रपट कोणत्याही विषयावरचा असो, या मिडीयावाल्यांना आणि सिनेमावाल्यांना त्यातुन मिळणार्‍या टीआरपी आणि कलेक्शन याशिवाय बाकी गोष्टींचा ते गंभीरपणे किती विचार करतात हे आता वेळोवेळी सिद्ध झालंच आहे ....
या सारख्या आणि सरकारकडुन इतर वेळी झालेल्या शेतकर्‍यांप्रती अक्षम्य दुर्लक्षामुळे यापुढे तर मावो/ नक्षलवांद्यासारख्या अनेक इतर संघटना आता निर्माण व्हायला वेळ लागणार नाही ...त्याची सुरुवात तर कधीच झाली आहे, कारण देशात इतर प्रत्येक घटक/वर्ग हा आज संकुचित होत चाललाय.

मुटे सर, तुमची तगमग आणि चिडचिड मी नक्की समजू शकतो.
इथे आम्ही सगळे शेतकर्‍यांच्या आत्महत्यांच्या बातम्या वाचून तुमच्यापेक्षा जास्त नसलो तरी तुमच्या इतके नक्की व्यथित होतो, दु:खी होतो. या बाबतीत माझ्याही भावना तीव्र आहेत. पण चित्रपट पाहून आलेल्यांच्या प्रतिक्रिया वाचून असे वाटते की काही मत बनवण्याअगोदर तो चित्रपट पहावा, आणि मग मत बनवावे.

वर अश्विनी के यांची पोस्ट विचारप्रवृत्त करणारी ठरावी. त्या म्हणतात "आपल्याकडे सगळ्याच ठिकाणी भरकटवणारे खूप लोक असतात आणि त्यांचे अंधानुकरण करणारेही खूप असतात. आधीच भयानक परिस्थितीने हळवे झालेले मन, अशावेळेस जाळपोळीला उद्युक्त करणे सोपे असते. त्यांच्या मनस्थितीचा गैरफायदाही घेतला जाऊ शकतो वैयक्तिक स्वार्थासाठी."

तेव्हा मुटे सर, तुम्ही नक्की चित्रपट बघावा आणि मग लिहावे अशी पुन्हा एकदा कळकळीची विनंती.

विदर्भात आमीरखानचे पोस्टर्स ज्या शेतकर्‍यांनी जाळलेत, त्यांचे अभिनंदन.
चित्रपट न पाहताच पोस्टर्स जाळण्याएवढा शेतकरी रिकामटेकडा असावा, असे मला वाटत नाही.

>> मान्य . अहो पण , गंगाधरजी , ते शेतकरी होते का नक्की ?

आणि चित्रपटाला विरोध करायच म्हणाला तर आमच्या सान्गलीत "जोधा अकबर " विरुद्ध ते झाल होत , ९९.९९ % सांगलीकराना जोधा कोण आणि अकबर कोण माहीत नसताना (आणि त्याची पर्वाही नसताना) !!!
त्याचे कर्ते - करवते आणि त्यामागचे हेतू फार वेगळे असतात हो !

शेतकर्‍यांच्या आत्महत्यांपेक्षा आमीरवरचे प्रेम अधिक महत्वाचे ठरू नये
>>>
याचा काय संबंध इथे? त्यात आमीर खानाने अभिनय केलेला नसून त्याची फक्त निर्मिती आहे. तुमच्या सार्‍याच लिखाणाला काहीही शेंडाबुड्खा नाही. साप समजून भुई धोपटत आहात. या अशा बाफांनी चांगल्या सिनेमाबद्दल चूकीचा संदेश जनतेत जाऊ नये आणि हा चित्रपट जास्तीत जास्त लोकांनी पाहून त्यामागची तळमळ आणि समस्येचं गांभीर्य समजावून घ्यायला हवं खरं तर. पण इतक्या लोकांनी सांगूनही तुमचे टुमणे तुम्ही लावूनच धरले आहे.

त्या मुटेंच्या शेवटच्या पोस्टमध्ये मुदा नसलेली व्यर्थ आणि अस्थानीची आदळआपट दिसतेच आहे आणि त्यावरून त्यांना यापुढे कितीही लोकांनी कितीही समजावून सांगितले तरी फायदा नाही- असेही दिसते आहे. तेव्हा लोकहो, आता सोडा त्यांना.

डोंबल मनाचे दरवाजे सताड उघडे.
झोपेचं सोंग घेतलेल्याला जागं करता येत नाही हेच खरं.

>>त्या मुटेंच्या शेवटच्या पोस्टमध्ये मुदा नसलेली व्यर्थ आणि अस्थानीची आदळआपट दिसतेच आहे आणि त्यावरून त्यांना यापुढे कितीही लोकांनी कितीही समजावून सांगितले तरी फायदा नाही- असेही दिसते आहे. तेव्हा लोकहो, आता सोडा त्यांना.<<
साजिराने म्हणलेलं हेच खरं.

बाकी अशी अ‍ॅन्टी पब्लिसिटी पण चित्रपटाच्या व्यावसायिक यशासाठी चांगली मानली जाते. तेव्हा न बघताच एखाद्या सिनेमात काय आहे ते ठरवून झोडत सुटायचे याबद्दलची कंत्राटे पण निघालेली असू शकतात.

मुटेजी लिंक ऐवजी तो लेख किती बोलका आहे असे वाटत नाही का ??

आपल्या कोडगेपणाच्या कानाखाली काढलेला आवाज
अनुषा रिझवी दिग्दर्शित आणि आमीर खान निर्मित "पीपली (लाइव्ह)' हा नवा हिंदी चित्रपट म्हणजे आपल्या सगळ्यांच्या कोडगेपणाच्या कानाखाली काढलेला एक सणसणीत आवाज आहे. या "आपल्या'मध्ये सगळा देश आला. या देशातलं केंद्र सरकार आलं, राज्य सरकारं आली, प्रसारमाध्यमं आली, नोकरशाही आली, पोलिस दल आलं... सगळेच! गेल्या वीस वर्षांत, विशेषतः आपली अर्थव्यवस्था खुली झाल्यानंतर हा देश कमालीचा बदलला. इथं भौतिक सुखांची गंगा अवतरली. वर्षानुवर्षं दुष्काळी असलेल्या गावात अचानक हापशाला पाणी लागावं आणि त्यातले चार थेंब मुखी घालण्यासाठी त्या गावातल्या लोकांमध्ये मारामाऱ्या व्हाव्यात, तशी ही सुखं आपण आपसांतच भांडून ओरबाडू लागलो. मात्र, हा बदल देशातल्या सगळ्याच लोकांबाबत झाला नाही. फक्त महानगरांपुरता, बड्या शहरांपुरता झाला. देशातला एक मोठा वर्ग अद्याप तुटपुंज्या कमाईवर, शेतीच्या बेभरवशी उत्पन्नावर जगतो आहे याचा जणू सगळ्यांना सोयीस्कर विसरच पडला. खुल्या अर्थव्यवस्थेत सगळ्याच गोष्टी "बाजार' ठरवत असल्यानं आपण आपलं जगणं, आपली जीवनशैली, आपले आयुष्याचे प्राधान्यक्रम हे सगळं सगळं बाजाराच्या हवाली केलं. आपण विचार करेनासे झालो. आपल्याच काही देशबांधवांविषयी आपण आपल्या संवेदना विसरून गेलो. सुखलोलुपतेची परिसीमा गाठली आणि त्यातून अंगी एक कोडगेपणा आला. या कोडगेपणाच्या कानाखाली "खण्ण' आवाज काढणारा "पीपली लाइव्ह' हा चित्रपट आहे. तो प्रत्येक सच्च्या भारतीयाने पाहायलाच हवा.

माझ्या मनाचे दरवाजे सताड उघडे आहे.
>>> खरंच???

तुम्हीच एक सांगा, तुम्ही चित्रपट बघणार आहात की नाही. मगच पुढचं बोलता येईल.

मुटे साहेब, तुमची शेतकर्‍यांविषयीची तळमळ आम्हाला नक्किच कळते आहे, परंतु हा सिनेमा एक ब्लॅक कॉमेडी आहे. त्याला आपल्याला त्या द्रुष्टीकोनातुनच पहावे लागेल. त्याला आपण नेहेमीच्या सिनेमाचे निकष लावू शकत नाही. ब्लॅक कॉमेडी मधे आपल्याला आशय समजून न घेता त्यावर टिपणी करता येणार नाही. सर्वच ब्लॅक कॉमेडी सिनेमा/नाटक इ. मधे हे लागू पडते.

बारिशकर, त्यासाठी त्यांनी तो सिनेमा बघावा लागेल. इथे सगळे तेच सांगतायत त्यांना की सिनेमामधे काय आहे याच्या नुसत्या कल्पना करून घेत आदळआपट करण्यापेक्षा सिनेमा बघा आणि मग बोला.
पण पालथ्या घड्यावरून पाणी.

मुटे, वरती तुम्ही 'खेळकरपणानं' हा शब्द बोल्ड केला आहे. त्याचसोबत, त्याच्याचपुढल्या 'उपहासाच्या माध्यमातून दिग्दर्शिकेनं आपल्या बोथट झालेल्या संवेदनेला गदगदून हलविण्याचं काम केलं आहे' या शब्दांना पण बोल्ड करून बघा. शिवाय त्या वाक्यावर जरा विचारही करा.

माणूस गंभीर आणि जड चर्चा आणि लिखाणातून होतो, त्यापेक्षा जास्त उपहासाचे फटके बसून 'विचार करायला' प्रवृत्त होतो- हे तुम्हाला समजत नसेल, तर तुम्हाला __/\__.

खरंय साजीरा, त्यांच्या पुढच्याच पोस्ट वरुन ते स्पष्ट झालंय. ना त्यांना चित्रपट बघायचाय, ना त्यांचा विचार बदलायचाय, ना कोणाच म्हणणं समजुन घ्यायचय. इसकाळ मधल्या लेखातले कुठ्चेतरी दोन शब्द ठळक करुन काय होणार आहे? तेव्हा लोकहो सोडा त्यांना जाउ द्या.

तुम्ही चित्रपट पहा आणी मग त्या बद्दल बोला.

डोंबल मनाचे दरवाजे सताड उघडे >> चला, आता मी म्हणतो हे. पुढे बोला. आणि आता तर सिनेमा बघूच नका..!

>>हेच वाक्य तुम्ही स्वतःबद्दलही वापरून पहा, कदाचित जास्त फिट्ट बसेल.<<
अजिबातच नाही. मी सिनेमा बघितलेला नाही तेव्हा त्यात काय आहे आणि काय नाही याबद्दल मी काही बोललेलीच नाही. माझ्या जाणिवा किती जागृत बिगृत याच्या उठाठेवी तुम्ही करू नका. शेतकर्‍यांच्या बाजूने गळा काढणे म्हणजेच केवळ जाणिवा जागृत नसतात.

>>दुसर्‍याला म्हणायला काय लागतं?<<<<
एक्झॅक्टली, शहरातल्या माणसांच्या नावाने बोंब मारायला जातंय काय?
इतरांना शिव्या घातल्याचं तुम्हाला समाधान केवळ.

बाकी सिनेमा न बघता त्यावर अधिकारवाणीने भाष्य करणे याला आमच्या जगतात बरीच शेलकी विशेषणे दिली जातात. यादी देऊ?

नसती आदळआपट!!

माणूस गंभीर आणि जड चर्चा आणि लिखाणातून होतो, त्यापेक्षा जास्त उपहासाचे फटके बसून 'विचार करायला' प्रवृत्त होतो- हे तुम्हाला समजत नसेल, तर तुम्हाला __/\__ <<<
अगदी अगदी.
संतकाव्यामधे पण हे उपहास, उपरोधाचे फटके जागोजागी दिसतील. अगदी ब्लॅक कॉमेडीच्या अंगाने सुद्धा.
बतावण्यांमधे तर सर्रास हा फॉर्म वापरला जातो.

नी ... आता देच तु यादी....

प्रश्न हा की शेतकर्‍यांच्या आत्महत्येचा विषय इतक्या हलकेपणाणे का मांडावा.<<
चित्रपट न बघता हे कसं ठरवलं?

पर्‍या याला दुसर्‍याच्या गडावरून तोफा डागणे म्हणतात. तेव्हा गप पड...

प्रश्न हा की शेतकर्‍यांच्या आत्महत्येचा विषय इतक्या हलकेपणाणे का मांडावा.
<<< पुन्हा तेच. ज्याला तुम्ही हलकेपणा म्हणताय तो ब्लॅक ह्युमर. तो चित्रपट तयार करण्याचा एक प्रकार असतो, त्याला अविष्कारस्वातंत्र्य म्हणतात. शेतकरी ह्या प्रशनाला इतरांनी हातच घालायचा नाही का?

कस्ल्या तोफा न कसला गड.. येव्हडं उर बडवताय तुम्ही त्याचा काही उपेग आहे का ? म्हणुन म्हटल निदान जरा शब्दसंग्रहात तरी भर पडॅल..

रच्याकने, मुटेसाहेब एरवी एव्हड छान लिहिता आजा का असे डोक्यावर पडल्यासारखे करताय? रागावु नका आणी शब्दशः घेउ नका..

मी एकंदरीत चित्रपट चांगला की वाईट असे म्हटलेच नाही. >>> अहो ते म्हटलं असतं तरी चाललं असतं. पण तुम्ही स्वतः सिनेमा न बघता, दुसर्‍यांना जबरदस्तीने निषेध करा असं म्हणताय ! असं कसं लोकं डोकं गहाण ठेऊन, केवळ तुम्ही म्हणताय म्हणून निषेधासाठी निषेध करतील?

बरं, तुम्हाला निषेध करायचाय तर करा ना ! कोण नाही म्हणालंय? पण आम्ही असं करायला नकार दिला तर आम्हाला काही जाणिवाच नाहीत हे सिद्ध होतं का?

---

तुमच्या वरच्या एका पोस्ट मधे तुम्ही...

<<<यातून एक गोष्ट स्पष्ट होतेय की सुसंस्कृत समाज शेतकरी वर्गाकडे किती गांभिर्याने पाहतो.>>> हे वाक्य लिहिलंय. मला वाचता वाचता ते खरंच खटकलं. यात तुम्ही सरळ सरळ इम्प्लाय केलंय की सुसंस्कृत समाज हा शेतकरी वर्गापेक्षा वेगळा आहे. सगळा सुसंस्कृत समाज हा शेतकरी नाही पण शेतकरी वर्ग हा सुसंस्कृत नसतो का? हे असं म्हटल्याबद्दल तुमचा तीव्र निषेध.