आंब्याची कढी

केली. छान झालीच पण अ‍ॅपलसॉस वापरुन करणार असाल तर सावधान. गुळ अगदी कमी घाला. सॉस नैसर्गिक जरा गोडच असते. गुळाने फारच गोड होते. तरी मी कमीच घातला होता. पुन्हा करताना अजुन जरासा आंबटपणा यायला काय करावे कैरी नसेल तर? लिंबु पिळावे का?

अरे वा! अ‍ॅपल सॉसची आयडीया छान आहे. आमच्याकडे आजच अ‍ॅपल सॉस पन्हं झालं. आता उद्या परवा हे करून बघेल.
ह्यावेळी मी ग्रॅनी स्मिथचा सॉस आणलाय. आणखी कैरीच्या जवळ जाणारी चव आली पन्ह्याला.

मी काल केली आंब्याची. एकदम सोपी आहे करायला आणि चवही जरा हटके. आधीपासून प्लॅन नव्ह्ता त्यामुळे घरात क्रिम ऑफ कोकोनट नामक गोडमिट्ट नारळाच्या पाकाचा कॅन होता. तो न चालल्याने शेवटी ताजं नारळाचं दूध काढायला लागलं. ते थोडंसं निघालं पण कैरीला पुरलं.

हम आंबा लाया हु, लवकरच करूंगा अ‍ॅपल सॉसची कढी करेन म्हंटलं पण सामान काढल्यावर अगदीच हे वाटलं. आता आंबा आणलेला आहे, नारळाचं दूध आहे. आज उद्यातच करणार

कढी केली एकदाची. एकदम जबरी झाली आहे. तुम्ही सांगितलं नाही तरी आम्ही कोथिंबीर घातली थोडीशी. ( मांसाहेब कोथिंबीर कुलोत्पन्न आहेत. दारात रांगोळी काढली तरी त्यावर कोथिंबीरीची दोन पानं घातल्याशिवाय त्यांना चैन पडत नाही).

आंब्याची कढी .. नावाचा पत्ता लावावा लागेल अस का म्हणतात ते .. टेस्टी असणार नक्कीच..
आणि हो, मंजूडी प्लीज मला एकेरी हाक मारा .. ते तुम्ही तुमच वगैरे नकोच

अगणित दिवसांनी आज ही कढी केली होती. चक्रीवादळीय, पावसाळी हवेत गरमागरम प्यायला मस्त वाटली.

आमच्याकडे यात मेथी, मोहरी थेंबभर तुपात भाजून थोड्या खोबऱ्याबरोबर वाटतात. आणि कढीसाठी तुपाची फोडणी करतात.
रच्याकने:. आंब्याला कैरी हे नाव गेल्या पन्नास साठ वर्षातले आहे. पूर्वी कच्च्या आंब्याला आंबाच म्हणत. बेडेकरांचे लोणचे हे "आंब्याचे लोणचे" असे. कैरीचे नव्हे. स्त्री मासिकाचे जुने अंक चाळले तर लोणच्याच्या जाहिरातीत "बेडेकर यांचे आंब्याचे लोणचे" असेच लिहिलेले असे.
गुजरातीत कच्च्या आणि पिक्या दोन्ही आंब्यांना केरीच म्हणतात. उच्चार केरी असा असतो. त्यामुळे कदाचित मुंबईत केरी हा शब्द मराठीत प्रथम आला असावा.
पण आंब्याच्या आकाराच्या वेलबुट्टी किंवा बुट्टीला कुयरी किंवा कोयरी म्हणतात, तसेच लहान आंब्याच्या आकाराच्या हळदीकुंकवाच्या करंड्याला कुयरी म्हणतात. कोमल, कोंवळी, कोंवली, कोंमरी, कुमरी कुवरी कुयरी कैरी असे बदल होत होत हा शब्द बनला असावा कदाचित, कारण लहान कोवळ्या फणसाला कुवली म्हणतात हे माहीत आहे. हिंदीत आणि यादवकालीन मराठीत (ज्ञानेश्वरी वगैरे) असे शब्द सापडतात. हिंदीतला कुंवर, कौर(पंजाबी) हे शब्द मात्र कुमार, कुमारीवरून आलेले असावेत.

If coconut milk is not available,you can use besan instead,just like we add in buttermilk to make kadhi.