गूळपोळी

अमृता, गुळपोळी एकदम मस्त झालेली दिसतेय.
पत्ता कधी मेल करु? मला २-४ पाढवुन दे पार्सल.

ए खरच छान दिसतायत का?? मला वाटलेल गंडलय प्रकरण.
निबंध सुरवातीला बिघडु शकतात पण धीर न सोडता तवा परत परत पुसुन धुवुन पुढची पोळी कर. माझी पोळी तरी चिकटली नाही पण गुळ बाहेर निघुन तवा मात्र करपत होता. एक एक पोळी नंतर आपण हुशार होत जातो

सशल, आईच्या हातची सर येणार नाही ग पण 'परतोनी' चा निर्णय होत नसेल तर इथे ये. माझ्या हातच्या खाउ घालेन

अमृता, मस्त दिसतायत तुझ्या पोळ्या.

मी आत्ता केलेलं सारण खुपच कोरड दिसत आहे पोळ्या परवा १४ तारखेला करणार आहे. त्या सारणाचे गोळे झाले नाहीत. भुसभुशीत दिसत आहे. परवा पर्यंत आणखिन कोरडे पडेल का?? अश्या कोरड्या सारणाच्या पोळ्या कश्या करु?

दुधाचा नाहीतर पाण्याचा हात लावुन गोळे करायचे मग पोळ्या करायच्या.

धन्यवाद मिनोती !!

धन्यवाद मनःस्विनी !! ईतक्या पोस्टी पाहुन करायचा मोह आवरला नाही. दुधाचा हात लावुन ठेवते.

मी सारख्या मापाच्या कणकेच्या २ व गुळाची १ अशा गोळ्या करुन घेते. तिन्हीच्या सारख्या आकाराच्या छोट्या पुर्‍या हाताने थापून किंवा लाटून करते. खाली वर कणिक आणि मधे गूळ अशी लगोरी लावून तळहातावर ठेवते व दुसर्‍याहाताने हलकेच कणकेच्या कडा एकमेकींना चिकटवते. नंतर पोळपाटावर पिठी घेवून त्यावर लाटते. उलटत नाही. तव्यावर टाकल्यावरसुद्धा प्रत्येक बाजू एका पलटीतच शेकवते. सगळ्या पोळ्या एकसारख्या, गूळ बाहेर न आलेल्या तरीही कडेपर्यंत गूळ पसरलेल्या होतात.

उषा पुरोहित यांच्या संपुर्ण पाककला मधे बरीच पाने खर्ची घातलीत या प्रकरणावर (पण वाचून काही बोध होत नाही )
सारणातला गुळ खुप बारीक करणे महत्वाचे आहे. जरा जरी खडा राहिला तर तेवढा भाग भाजताना वितळतो. गुळाचे प्रमाण कमी करून दाण्याचे व तीळाचे कूट वाढवले तरी पोळ्या चांगल्या होतात. त्या कमी गोड होतात. हे साऱण घट्ट गोळा न होता जरा कोरडे असते व ते नीट पसरता येते.
या पोळीला थोडेफार काठ राहतातच ( पोळी बघावी काठात आणि मुलगी बघावी ओठात, अशी एक म्हण आजी वापरायची ) म्हणून त्या कातण्याने कापतात, पण असे केले तर बर्‍याच वेळा काठाने गूळ बाहेर येतो. (भाजताना)
नॉन स्टीक तव्यावर भाजले तर चूना लावायला नको पण जर गूळ चिकटला तर ओल्या फडक्याने तेवढा भाग पुसून घ्यावा, नाहीतर नंतरच्या पोळ्या नेमक्या तिथेच चिकटतात.
खास म्हणजे या पोळ्या गरम खायच्या नसतात. (तोंड भाजते ) थंड पोळी त्यावर तूप फासून खायची !!!

मनु, थॅंक्स ! मी आत्ता करायला घेते आहे पोळ्या ! तुझे लाडु पेढ्यासारखे नरम आहेत का??

हे मनःस्विनी,

तुझ्या पद्धतीने पोळ्या केल्या खुप छान झाल्या आहेत. मला वाटत होत की गुळाच्या पोळ्या म्हणजे कटकट असते. पण तुझ्या पद्धतीने फटकन झाल्या. थँक्स.

मनु, मी अगदी आत्ता पोस्ट करायला आले की पोळ्या खुप मस्त झाल्या. नवरा, पोरगी खुश झाले. मी तंतोतंत मनुची रेसीपी फॉलो केली , फक्त मी दोन पोळ्या न लाटता, उंडा करुन केल्या पण जमल्या. मिनोती, मनु आणि सर्व जणींना खुप खुप थॅंक्स !!

you are most welcome! मी रवा घालुन केल्या! खुसखुशीत होतात मस्त !!

जॉब वगैरे संभाळून हे खटाटोप करणार्‍या सगळ्याना सलाम करत, माझा एक प्रयोग इथे सादर केला आहे.

मनु,
पीठ १ तासाने फुड प्रोसेसर मधे मळले तर चालेल का?? सारण झाले आहे! आता उद्या पोळ्या करायचा विचार आहे!!
बाकी तु म्हन्जे खरी सुगरण आहेस बघ्!!!तुझ्या पासून प्रेरणा घेऊनच मी पण अनेक पदार्थ केलेत!!
आता पोळ्या बघु कशा जमतात ते!!!!

हुर्रे. जमल्या एकदाच्या.
मनःस्विनी, पूनमवैनी, स्वातीकाकु यांना टींपांबद्दल आणि अमृताला फोटू टाकल्याबद्दल थॅक्यु थँक्यु.
अत्यंत आभारी आहे.

हुश्श.... जमल्या बरं का मलाही.... अगदी काटेकोरपणे एक वाटी कणिक घेतली त्याच्या फक्त चारच पोळ्या झाल्या. पण त्या नीट झाल्याचे बघुन मला आता नवा हुरुप आला. आता उद्या माझ्या लेकीने त्या खाल्ल्या की बस.. सार्थक झाले आजच्या अख्ख्या संध्याकाळचे..

मनु आणि अश्विनी के तुम्हा दोघांचे आभार मानावे तेवढे थोडेच आहेत. अश्विनी तु मुद्दाम फोन करुन मी काही चुकू नयेत म्हणुन परत्परत सांगत राहिलीस त्याचे आभार तरी कसे मानु?? उद्या माझ्या ऐशुला सांगते आईच्या गुळपोळ्यांमागे कोणाकोणाचे हात आहेत ते....

फोटो टाकायला खरेच वेळ नाहीये आता.. पुढच्या वेळॅस टाकते..

जमल्या जमल्या मलापण जमल्या. अगदी एकही पोळी चकटलि नाहि. सर्वांचे टीप्स कामाला आले. मी ओले कापड हाताशि ठेउनच होते. पण गरजच पड्ली नाही. आणि साधनाची नोट वाचुन मी प्रमाण दुप्पट घेतले त्यामुळे १० पोळ्या झाल्यात. मनःस्विनी थँक्य. काल रात्री १० पर्यंत हेच करत होते.

...........

गुळपोळीचे दिवस परतले... परवाच आठवण काढत होते गुळपोळीची. ह्या वर्षी दुप्पट प्रमाण घेऊन करेन. जमतील याची खात्री आहे.

तरीच म्हटलं अजुन गुळपोळी वर कशी आली नाही??

गूळपोळी करून बघायची अजून हिंमत झाली नाहिये. जेव्हा होईल तेव्हा या बाफचं पारायण करणार हे नक्की