प्रतिमंत्रिमंडळ- संकल्पना

मायबोलि तिच्या मुळ कल्पनेला डावलुन राजकारणात शीरतेय तेहि काहि सभासदान्च्या हट्टामुळे, आता हेच बघा ना, वर आरति २१ चा प्रतिसाद,जमल तर जमल नाहितर नाहि..............why to anticipate problems at this moment?
सभासद लिहिताना शुचिता पाळेल याचि शाश्वती काय?
आणी त्याचा फरक सभासदाला काय पड्णार तो तर टोपण नावाने वाट्टॅल ते लिहु शकतो, खरि ओळख कोणाला माहित आहे?
Why not these people are helping to NGO who are working in this area or to people like Kiran Bedi, She has her own organisations meant for same type of cause,
का काहि लोक स्वतः चि पोळी भाजुन घ्यायला मायबोलि चा वापर करु पहात आहेत?

या उपक्रमात कसं सह्भागी होता येइल?

योग, छान सुचना!

मलातर ती सकाळमधली बातमी वाचून हसू आले. अहो, ती संकल्पना मायबोलीवर मांडली जाऊन फक्त एक आठवडा झाला आहे, आणि तिकडे ते सकाळमध्ये बातमी देऊन मोकळे! एखादा महिना थांबून पहायचं तरी की हे लोक कशाप्रकारे काम करतायेत, इथे मायबोलीवर नक्की काय लिहितायेत, वगैरे.

बातमीतही अगदी मोठमोठे शब्द वापरले आहेत 'आंतरराष्ट्रीय दबावगट', 'साप्ताहिक बैठकीतील प्रत्येक निर्णयाचा कसून अभ्यास करणार', वगैरे. आणि असेही लिहिले आहे की मायबोलीकरांनी त्याला उत्स्फूर्त प्रतिसाद दिला आहे. ह्या पोष्टीच्या आधी फक्त ३३ प्रतिसाद आहेत ह्या बाफवर.

दिनेश गुणे हे एक ज्येष्ठ मायबोलीकर आहेत. त्यांच्याकडून ही अपेक्षा अजिबात नव्हती.

ही संकल्पना मांडायच्या आधीच गुंडाळली जाऊ नये, अशी अपेक्षा आहे. कारण, तिला मूर्त रूप आल्यावर त्यातून जे बाहेर येईल, ते नक्कीच चांगले, स्तुत्य असेच असेल. या संकल्पनेचा गैरफायदा घेतला जाईल, अशी भीतीही व्यक्त होतेय. पण तो कश्या पद्धतीने ते लक्षात येत नाहीये. उलट मला वाटते, अगदी गैरफायदा घेण्याच्या उद्देशाने कुणी काही विधायक सहभाग दिला, तरी ते या संकल्पनेपुरते उपयुक्त ठरेल. म्हणजे, समजा, एखादी योजना सुचवून कुणाला वैयक्तिक लाभ होणार असेल, आणि ती योजना राज्यासाठी त्या व्यक्तिगत लाभापेक्षा लाभदायक असेल, तर ती योजना ही संकल्पना पोषक ठरविण्यासाठी हातभारच लावेल. महाराष्ट्रातच नव्हे, तर जगातही, विकासाच्या योजनांतून वैयक्तिक लाभ उपटल्याची अनेक उदाहरणे असतील. पण, त्यातून होणारा विकास दृष्य आणि सामान्यांच्या हिताचाही असतो. (उड्डाण पूल, एक्सप्रेस वेज, विशेश आर्थिक क्षेत्रे, इन्फ्रास्ट्रक्चरल प्रोजेक्ट्स, अशा अनेक योजनांच्या मुळाशी गेले तर, कुठे ना कुठे कुणाच्या ना कुणाच्या वैयक्तिक लाभाचा वास येऊ शकतो.)
आंतरराष्ट्रीय दबावगट, साप्ताहिक बैठकीतील निर्णयांचा कसून अभ्यास, हे बातमीतले शब्द, म्हणजे ही संकल्पना माडताना व्यक्त झालेल्या अपेक्षा आहेत. याअधीचे एक्दोन प्रतिसाद सोडले, तर बाकीचे प्रतिसाद उत्साहवर्धकच आहेत. (मागचे पान पाहा)
यात कुणीही काय वाट्टेल ते लिहील, आपली पोळी भाजून घेतील, अशाही शंका घेतल्या जातायत. पण, ही संकल्पना मॉडरेट होईल, आणि हा विषय जबाबदारीने हाताळायचाय याची जाणीव असणे हे गृहित असल्याने किमान एव्हढी काळजी घेतली जाईल, अशी अपेक्षा करायला हरकत नाही.
कुणीतरी चांगल्या उद्देशाने पुढे येतायत. त्यांना प्रोत्साहन मिळाले, तर ही संकल्पना प्रत्यक्षात यायला काहीच अडचण नाही.
किमानपक्षी एक चांगलं विचारमंथन तरी सुरू झालंय. सुरुवात करू या.
`दबावगट' आपोआप तयार होत नाहीत. त्यासाठी त्या गटातली ताकद दाखवून दिली पाहीजे. सुरुवातीला हा नुसता गट असेल. जगभरातील अनुभवी मराठी माणसं एकत्र येतायत, ही सुरुवात तरी चांगलीच आहे. या अनुभवाचा योग्य वापर झाला, तर ही एकत्र आलेली माणसं म्हणजेच `दबावगट' ठरेल.
फक्त `हास्यास्पद' वगैरे समजून उडवून लावली जाऊ नये.
भूतकाळात अशक्य, कल्पनातीत वाटलेल्या, असंख्य गोष्टी आज प्रत्यक्षात आलेल्या आपण सगळेच अनुभवतो आहोत.
त्यासाठी कुणीतरी पुढाकारच घेतलेला असतो...
`आपल्याच घरात शिवाजी जन्माला यावा' असं आता कुणाला वाटायला लागलं असेल, तर बाकीच्यांनी निदान त्याचं स्वागत करायला काय हरकत आहे?

मला स्वतःला ही संकल्पना आवडली. हा विचार आत्ता पुढे आला आहे, त्यावर विचार करून कार्य सुरू करायला बराच काळ जावा लागेल तसच बरेच लोक, बराच वेळ द्यावा लागेल. कुठल्याही गोष्टीची सुरूवात त्याबद्दलचा विचार मनात येवुनच होते. मी सकाळमधल्या बातमीकडे सकारात्मक नजरेने बघेन की ज्या लोकांना असे काही करावेसे वाटते पण माहित नव्हते नक्की काय आणि कसे करायचे त्यांना ही बातमी कळली, ते लोक मायबोलीचे सदस्य होतील आणि या उपक्रमात सामील होतील. जसे संयुक्ताबद्दल लोकसत्तामध्ये बातमी आली आणि ते वाचुन बर्‍याच स्त्रिया या उपक्रमात सहभागी झाल्या आणि अजूनही होताहेत.
सगळ्या जत्रेत जसे हौसे, नवसे, गवसे लोक असतातच तसच इथेही होणार हे गृहीत धरले तरी काही सकारात्मक होणार असेल तर नक्कीच तो उपक्रम सुरू करावा. A journey of a thousand miles begins with a single step. अर्थात यासाठी सगळ्यांना काय काय कष्ट घ्यावे लागतील हे पण लक्षात घ्यावे लागेल
मला स्वतःला शिक्षण खात्यात काम करायला आवडेल.

>>>वर आरति २१ चा प्रतिसाद,जमल तर जमल नाहितर नाहि...<<<
माझी प्रतिक्रिया पुढील प्रतिक्रियेला होती.
>>> सत्यवादी | "अतिशय चांगली कल्पना आहे.पण खरोखर तुम्ही म्हणता तसा दबावगट निर्माण होईल का? आणि या प्रती मंत्रीमंडळाच्या सूचनांची दखल शासन घेईल का? आजच्या सकाळमधे वरील उपक्रमाबाबत बातमी आहे. मला नाही वाटत वरील कल्पना समजून घेण्याइतपत आपले शासन, राजकारणी लोक आणि सचिवस्तरावरील लोकदेखील प्रगल्भ विचारांचे आणि उदारमतवादी आहेत".<<<
>>>का काहि लोक स्वतः चि पोळी भाजुन घ्यायला मायबोलि चा वापर करु पहात आहेत?<<< असे तुम्ही का म्हणता आहात हे कळेल का?

झुलेलाल, रुनी,
उपक्रम नक्कीच चांगला आहे. मी उपक्रमाला वाईट म्हटलेले नाही. अहो पण पेपरात बातमी द्यायच्या आधी थोडं थांबायला नको का? 'हे प्रतिमंत्रीमंडळ हे करणार आहे, ते करणार आहे' असल्या बातम्या देण्यापेक्षा त्यांनी ते करायला सुरू केल्यावर 'असा उपक्रम यशस्वीरित्या सुरू झाला आहे, आणि ते असं असं करतात' अशी बातमी देणं जास्त योग्य नाही का?

वरती ते वेबमास्टर म्हणतात तसे उद्या त्यांनी असे ठरवले की मायबोलीच्या माध्यमातून हे करायचे नाही, तर काय करणार? म्हणजे बातमीही फुकट गेली आणि एवढ्या लोकांचा उत्साहही फुकट गेला.

माझा आक्षेप फक्त पेपरात बातमी देण्याला होता. किमान सुरूवात होईपर्यंततरी वाट पहायला हवी होती.

सँटी
हे नवीन तंत्र आहे दबावगटावर काम करण्यासाठी दबाव आणण्याचे, ओबामाला नाही का त्याने काही करायच्या आधीच शांततेचे नोबेल दिले आता त्याच्यावर काहीतरी चांगले काम करायचा दबाव आलाच ना. तसच हे पण.

झुलेलाल,
तुम्हि जर या ग्रुप वर पहिले काहि पोस्ट पाहिले तर ख्रर् या अर्थाने हे महाराष्ट्राच्या नविन मंत्रिमंडळासारखे चालु आहे,प्रत्येकाने राजकिय लोकानसारखे आपल्याला कोणते खाते हवे हेच सान्गितले. कल्पनेवर चर्च्या होण्या आधिच खात्याबद्द्ल मागण्या सुरु झाल्या.......
अहो लालटमाटो किवा झुलेलाल अश्या नावाने लिहण्यात तुमचे किवा माझे काय जाते हो, हे तुम्चे किती मन्त्रि स्वतःचि खरि Identity द्यायला स्वतःच्या नाव/पत्ता निशि ध्यायला तयार होतिल? अहो US, AUS, Can मधुन तुम्हा ला किवा मला टिका करायला काय जाते हो? सगळ्या राज़किय पक्षाबद्द्ल चान्गले आणी वाइट मते असणारि लोक असतात ति वयक्तिक असतात. मायबोलि सारख्या स्तुत्य उपक्रमा चा उपयोग अश्या विवादित गोष्टि साटी होउ नये.

का काहि लोक स्वतः चि पोळी भाजुन घ्यायला मायबोलि चा वापर करु पहात आहेत? >>> मला पण ह्या वाक्याचा अर्थ नाही कळला , इथे विचार मांडणे , त्यावर चर्चा करणे ह्यात कसला स्वार्थ ? जरा उलगडुन सांगितलत तर आम्हालाही कळेल .

मंत्रीमंडळ घेत असलेले सगळेच निर्णय काही महाराष्ट्राच्या विकासाला पोषक नसतात , तसं असतं तर औद्योगीक , शेती , सामाजीक प्रगतीत महाराष्ट्राची एवढी पीछेहाट झाली नसती .
थोडसं वेगळं उदाहरण द्यायचं तर प्रत्येक जिल्ह्याला गावातील अंतर्गत रस्ते , गटार सुधारणासाठी विशेष पॅकेज मिळतं पण त्यातला ९५% निधी त्या जिल्ह्यातल्या सर्वात ताकतवान पुढार्‍याच्या गावांकडे वळता केला जातो व उरलेल्या ५% वाटाण्याच्या अक्षता इतर गावांच्या/ तालुक्यांच्या नशीबी पडतात . ( थोडक्यात ५० कोटी पैकी ४८ कोटी दोन गावांना आणि २ कोटी १०० गावांना)
( त्यातला किती भाग प्रत्यक्षात सत्कारणी लावला जातो तो भाग वेगळा)
मग हे सगळं , आपण एक सुजाण नागरीक म्हणुन फक्त बघतचं बसायचं का ???

>मग हे सगळं , आपण एक सुजाण नागरीक म्हणुन फक्त बघतचं बसायचं का ???
नाही पण आकडेवारी व ईतर अभ्यास पुराव्याच्या सहाय्याने नेमकी हीच तफावत निदर्शनास आणून द्यायची. अर्थातच आकडेवारी अन त्याचा दृष्य परिणाम ईतपत जरी तपशील दिला तरी कोण किती खातं अन कुणापर्यंतं किती पोचतं हे वेगळं लिहायची गरज ऊरत नाही. प्रत्त्येक पॅकेज चा लेखाजोखा अन ऑडीट हे फायनान्स खात्याला अहवालाच्या स्वरूपात द्यावं लागतं अशा वेळी अशा आकडेवारीमूळे नेमके गैरव्यवहार वा गैरवापर वर बोट ठेवता येतं. पण यासाठी अशी माहिती काढून घेवून त्याखेरीज आव्श्यक तर फिल्ड इंटर्व्यू वगैरे करून माहिती मिळवता येते. नाहीतर किमान अशा पॅकेजची विभागवारी अन त्याचा विनिमय फक्त यावर देखिल चर्चा केली तरी त्याचा रोख नेमक्या दिशेने ठेवता येईल.
असो. वर म्हटल्याप्रमाणे आधी सुरुवात तर व्हायला हवी. सकाळ मधे दिलेली बातमी थोडी premature निश्चीत आहे पण आज ना ऊद्या ईथे हे काम चालू झाल्यावर त्याची प्रसिध्धी होणारच होती. तेव्हा काही बिघडत नाही.
ज्यांना निव्वळ शंकेच्या पोळ्या भाजायच्या आहेत त्यांन्ना भाजूद्यात...... तवा गरम व्हायला मदत होईल

अशा चर्चेत मूळ विषयाचा रोखच दुसरीकडे वळणार नाही, हेही पाहू या!

झुलेलाल,
तुमचा आणि तुमच्या लेखनाचा (मायबोली आणि मायबोलीबाहेरच्या) मी चाहता आहे. पण तुम्ही दिलेली बातमी, त्यातला मजकूर, भाषा, त्याची वेळ यातलं काहीच आवडलं नाही. स्पष्ट सांगायचं तर एखाद्या नुकतीच नोकरी लागलेल्या नवशिक्या वार्ताहराने उत्साहाच्या भरात बातमी मिळतेय म्हटल्यावर त्यावर अधिक माहिती न गोळा करता बातमी देवून टाकली असे वाटतेय. "मला सगळ्यात आधी बातमी द्यायला मिळालीय" या भावनेने, तुमच्यातल्या परीपक्व विचारांवर, जुन्या जाणत्या पत्रकारावर मात केली का?

ही बातमी द्यायच्या अगोदर याच ग्रूपमधल्या किती जणांशी तुम्ही संपर्क साधून ते सगळे डुप्लिकेट आयडी नाहीत (एकाच व्यक्तीची अनेक रुपे) याची तुम्ही खात्री करून घेतली? मी ग्रूपचा सभासद नाही पण या ग्रूपमधल्या किती जणानी स्वतःचे नाव देखील त्यांच्या प्रोफाईलमधे लिहिले आहे? आणि नावे लिहिली असली तरी मीच १० वेगवेगळी नावे घेऊन असा गट तयार झाला आहे असे भासवत नसेन कशावरून. मला या ग्रूपच्या सभासदांवर, त्यांच्या हेतूबद्दल आरोप करायचा नाही. कृपया त्यांनी गैरसमज करून घेऊ नये. या ग्रूपचा दुरुपयोग कसा करणे शक्य आहे याबद्दल सुचलेले हे उदाहरण आहे.

हा प्रतिसाद मूळ विषयाला धरूनच आहे. इथे नुकत्याच सुरु झालेल्या चर्चा, वैयक्तिक मतं यावर जर इतर माध्यमात हे असेच ठरले आहे, झाले आहे अशा बातम्या येत असतील तर केवळ अशा बातम्या येतात म्हणून इथे सवंग, भडकावून टाकणारे लेखन झाले, एखाद्या मंत्र्याबद्दलच्या वैयक्तिक आकसापोटी उथळ आरोप झाले तर ते या ग्रूपच्या मूळ हेतूला बाधा आणणारे नाही का?

यामधये बरेच काहि करन्या सारखे आहे पण विचार करुन योग्य लोकान्ना मदातिला घेताले पाहिजे ..... अनि काहि मान्यावर मड्ळिचि अवशक्ता आहे.

चंपक, तुम्ही म्हणता, "...मायबोलीशी संबंधित बातमी असताना, त्यांनी मायबोली प्रशासनाला अगोदर सुचित करायला हवे होते". असे नाही करता येणार. मायबोली हे खुले व्यासपीठ आहे. इथे जे होईल त्याची बातमी होऊ शकते आणि तशी ती होत असल्यास त्याची प्रशासनाला पूर्वकल्पना वगैरे देण्याची गरज नाही. इथे असा उपक्रम (संस्थळ नव्हे) सुरू होतो आहे ही बातमी आहे आणि झुलेलाल यांनी ती दिली. ती प्रसिद्ध झाली. इथे सुरू असलेला वाद थोडा वेगळाच आहे. खुले व्यासपीठ म्हटल्यावर तो होतोच. मायबोलीसारखी कम्युनिटी संकेतस्थळे भविष्यात कशा प्रकारे माध्यम म्हणून भूमिका बजावतील त्याची हा उपक्रम, त्यावरून झालेली बातमी आणि त्या बातमीवरून झालेली चर्चा ही एक चुणूक आहे. अधिक परिपक्व सार्वजनिक वावराच्या दिशेने वाटचाल करण्यासाठी ते पुरेसे ठरावे.

>चंपक, तुम्ही म्हणता, "...मायबोलीशी संबंधित बातमी असताना, त्यांनी मायबोली प्रशासनाला अगोदर सुचित करायला हवे होते". असे नाही करता येणार.
श्रावण,
मला वाटतं चंपक असे म्हणत आहे की झुलेलाल हे मा.बो. चे सदस्य असल्याने बातमी देण्या आधी प्रथम व्यवस्थापनाशी संपर्क साधणे त्यांन्ना शक्य होते किंव्वा तशी अपेक्षा असू शकते, जे एक तिर्‍हाईत वा मा.बो सदस्य नसलेल्या पत्रकाराला करणे/सुचणे/वा तशी अपेक्षा ठेवणे तितकेसे obvious वाटत नाही.
असो. कुठल्याही परिस्थीत या ऊपक्रमाची आज ना उद्या "विशेष बातमी" होणारच होती कारण चंपक ने म्हटल्याप्रमाणे अजूनही प्रतिमंत्रिमंडळ ही कल्पना देखिल भारतात अभिनव आहे.
तेव्हा मला वाटतं बातमी झाली वा का झाली कशी झाली या वादात न पडता या ऊपक्रमाला योग्य ते रूप, चालना अन कार्यरूप कसे देता येईल याबद्दल विचार मांडले जावेत.

मायबोली प्रशासनाने या गोष्टीचा बाऊ न करता त्यांच्या एकंदर फ्रेमवर्क मधे हा ऊपक्रम कसा निर्धोकपणे चालू करता येईल याबाबत लवकरात लवकर आचारसंहिता व मार्गदर्शक तत्वे ठरवली तर खूप बरे होईल. ईथे विविध क्षेत्रातील अनुभव असलेल्या विविध लोकांन्नी यात काम्/अभ्यास करण्याची ईच्छा व्यक्त केली आहे त्याची मा.बो. प्रशासनाने जरूर दखल घ्यावी.
(मा. बो. वरील या ऊपक्रमातील लिखाण/काम यासाठी लागणारा वेळ, श्रम, शक्ती ई. सर्व गोष्टि ईथले सर्व सहभाग घेणारे लोक हे वैयक्तीक, व्यावसायिक, व कौंटुंबीक वेळ काढून "चकटफू" करणार असल्याने त्याला स्वताची पोळी भाजून घेणे असे म्हणणे हे अत्यंत संकुचीत मनोवृत्तीचे निदर्शक आहे.)

उपक्रम छान आहे. सहभागी व्हायला आवडेल.

मला ही संकल्पना आवडली. सहभागी व्हायला आवडेल.

मलातर ती सकाळमधली बातमी वाचून हसू आले. >>>>>>
का? हे अगदीच संकल्पना मांडणार्‍या वा तिची बातमी करणार्‍या बातमीदाराशी वैयक्तीक वाद असल्या सारखे वाटले.

>>

चंपक, नाही हो. कृपया गैरसमज करून घेऊ नका. संकल्पना तर तुम्हीच मांडली आहे. तुम्हाला राजकारणाची जाण आहे हे माहित आहे मला. तुमचा आणि माझा कुठे काय वाद आहे? तसेच झुलेलाल हे जाणकार पत्रकार आहेत. ते मायबोलीवरही नेहमी लिहितात. त्यांचा आणि माझा कोणताही वैयक्तिक वाद नाहीये.

मला खरंतर अगदी तसेच वाटले होते जे मानेगुरूजी यांनी लिहिले आहे. पण तितके स्पष्टपणे लिहिणे योग्य वाटले नाही, म्हणून मग हसू आले असे लिहिले. हसू म्हणजे गालातल्या गालात हसू, खो-खो हसू नाही. अगदी पुणेरी भाषेत सांगायचे झाले तर एखादी बातमी वाचून आपण म्हणतो ना "अरे आवरा यांना!" तशी प्रतिक्रिया झाली माझी.

संकल्पना नक्कीच चांगली आहे. मलाही आवडली. पण नक्की काय करायचे आहे ह्याविषयी शंकाच जास्त होत्या. अजूनही नक्की काय करायचे आहे हे कळलेले नाही. महत्वाचे म्हणजे हे सगळे घरी बसून इंटरनेटच्या आधाराने करायचे आहे. तुम्ही ती आचारसंहिता तयार करताय अजून. मायबोली ह्याला परवानगी देईल की नाही ह्याची शाश्वती नाही. एवढ्याशा भांडवलावर पेपरात बातमी देऊन टाकली ह्याचे खरोखर आश्चर्य वाटले.

लालटोमॅटो म्हणाले तसे बरेच लोक इथे खाती मागून मोकळे झाले. काही जाणकार लोक सोडले (केदार वगैरे) तर इतरजणांनी फक्त भावनेच्या भरात खाती मागितली असे वाटते. उपक्रमात सहभागी होण्याच्या हेतूबद्दल अजिबात शंका नाही. हेतू नक्कीच मदत करणे हा आहे. योग यांनीतर अगदी 'कोण किती पैसे खातो हे निदर्शनास आणून देऊ' वगैरे लिहीले. ह्या सगळ्या कल्पनेच्या भरार्‍या आहेत असे एक क्षण वाटून गेले.

नावं ठेवणे किंवा वैयक्तिक टिका करणे हा माझा हेतू अजिबात नव्हता. पुढे हा उपक्रम व्यवस्थित सुरू झाला आणि मलाही काहीतरी जमेल असे वाटले तर मीसुध्दा जरूर सहभागी होईन.

लालटोमॅटो म्हणाले तसे बरेच लोक इथे खाती मागून मोकळे झाले. काही जाणकार लोक सोडले (केदार वगैरे) तर इतरजणांनी फक्त भावनेच्या भरात खाती मागितली असे वाटते. उपक्रमात सहभागी होण्याच्या हेतूबद्दल अजिबात शंका नाही. हेतू नक्कीच मदत करणे हा आहे. योग यांनीतर अगदी 'कोण किती पैसे खातो हे निदर्शनास आणून देऊ' वगैरे लिहीले. ह्या सगळ्या कल्पनेच्या भरार्‍या आहेत असे एक क्षण वाटून गेले.?>>> माफ करा. पण कुणाचा कुठल्या विषयात किती अभ्यास आहे हे तुम्हाला ठाऊक आहे का??
केदार माय्बोलीवर अर्थ शास्त्राच्या संदर्भात लिहितो. इतर लोक लिहत नाहीत म्हणजे ते "भवनेच्या भरात??"

>योग यांनीतर अगदी 'कोण किती पैसे खातो हे निदर्शनास आणून देऊ' वगैरे लिहीले. ह्या सगळ्या कल्पनेच्या भरार्‍या आहेत असे एक क्षण वाटून गेले.?
संतीनो,
तुमचा गैरसमाज झालाय. माझी पोस्ट नीट वाचा पाहू. मी ऊलट असे म्हटले आहे की आकडेवारी, अन पाठपुरावा दिला की कुणी किती खाल्ले वगैरे अशी टीका करायची गरज रहात नाही. किंबहुना वैयक्तीक/राजकीय टीका नकोत असेच मी म्हटले आहे.
बाकीच्यांचं राहू द्यात पण तुमचा ज्या विषयात "अभ्यास" आहे त्यावरील मते मांडा ना.
अन्यथा आम्हालाही म्हणावे लागेल "आवरा यांन्ना"... nothing personal!

आचारसंहिता नियम ई. ठरे पर्यंत शांत रहायची गरज नाही.

> दर बुधवारी मंत्रिमंडळाची बैठक असते. त्यात झालेले निर्णय दुसर्‍या दिवशी वृत्तपत्रांमधुन अथवा शासनाच्या प्रसिद्धी विभागाकडुन प्रसिद्ध केले जातात. तसेच मंत्री महोदय त्यांच्या दैनंदिन कामकाजामध्ये देखील अनेक निर्णय जाहीर करत असतात. ते निर्णय प्रसारमाध्यमातुन आपल्या पर्यंत पोहचत असतात. असे हे सर्व निर्णय अभ्यासुन त्यावर या ग्रुप च्या सदस्यांनी चर्चा / भाष्य करावे. उत्तेजन्/टीका/ सुचना अश्या सर्व बाजुंनी त्याचा विचार व्हावा.

जर, चंपक यांनी, किंवा त्यांनी सजेस्ट केलेल्या कोणी २-३ जाहीर निर्णय येथे चर्चेस आणले तर त्याबद्दल काय करता येऊ शकेल ते आपण पाहु शकु.

मंत्रीमंडळावर जरब वगैरे खुप दुरची गोष्ट आहे, पण या प्रकल्पामुळे लोक निदान डोळसपणे गोष्टी पाहु लागले तर तेही नसे थोडके. होताहोता प्रतिमंत्रिमंडळ पण बनेल. Failure is not a crime, but low aim is.

स्तुत्य उपक्रम! यात पुढे कशा प्रकारचे काम होईल व त्याचा विधायक उपयोग कसा करता येईल याबद्दल उत्सुकता आहे. काही प्रशासकीय मदत लागली तर करायला आवडेल.

नंदिनी >>> माफ करा. पण कुणाचा कुठल्या विषयात किती अभ्यास आहे हे तुम्हाला ठाऊक आहे का??<<< अनुमोदन !

चंपक नी नेमक त्याना काय अपेक्षित आहे या संकल्पनेत ते लिहिलय. आता "बातमी" का दिली इ चा मुद्दा बाजुला ठेवुन पुढे नाही का जाता येणार?. निदान चर्चे पुरत तरी. कल्पना खरच अतिशय चांगली आहे. कोण काय म्हटल,माझच कस बरोबर या वादातुन एक स्तुत्य उपक्रम रखडला जाउ नये अस वाटत.

चपक
शक्यतो........................ सर्व सभासदांची ओळख तपासण्याचा प्रयत्न................... केला जाईल. जर संकल्पना माझी आहे, तर मला जर ह्या पुर्ण उपक्रमाची जबाबदारी घ्यायला आवडेल. असे करायला मायबोली प्रशासनाची तयारी असेल तर मीही तयार आहे. माझे खरे नाव पत्ता (देश , विदेशातील ......................) जाहीर करायला माझी हरकत नाही. इतर कुणा ग्रुप मेंबर ची ओळख देणे मग बंधनकारक राहणार नाही......................................................

हे असे का? स्व तः चे ख्र रे नाव व पता दयायला एत् रान्वर बंधनकारक का राहणार नाही? इथे मुळ वादाच्या मुद्दाला सोयइस्कर रित्या बग ल देण्यात आले आहे. टोपण ना व का? ख्ररे नाव व पत्ता न देण्याचि त्या जोगे विवादित मुद्दे व त्याचे राजकीय व सामाजिक परिणामाचि जब्बाब दारि घेण्याचि हिम त सगल्याणि का दाख्वु नये?

>>>का काहि लोक स्वतः चि पोळी भाजुन घ्यायला मायबोलि चा वापर करु पहात आहेत?<<< असे तुम्ही का म्हणता आहात हे कळेल का?
Please check the following article about mis use media and people trying new avenues for such mis use,
http://beta.thehindu.com/opinion/columns/article41912.ece

लालटमाटो , आर्टिकल नक्कीच चांगलं आहे पण ह्या आपल्या उपक्रमात आणि इतर प्रिन्ट मिडिया/ न्युज चॅनल ह्यात एक जमीन आसमानाचा फरक आहे .
न्युज वाल्यांना त्यांचा टीआरपी वाढवायचा असतो जेणेकरुन त्यांना आर्थीक लाभ होईल.
इथे ना तर आपल्याला आपला टीआरपी वाढवायचा आहे आणि आर्थीक लाभाचा तर प्रश्नचं नाही उलट प्रत्येक सदस्याला त्यांचा बहुमुल्य वेळ द्यावा लागणार आहे .
आणि मायबोलीवरच्या प्रत्येक सदस्याचा ईमेल आयडी मायबोली प्रशासकांकडे आहे.
मला तर ह्या गोष्टीचा इतका बाऊ का केला जातोय तेच कळत नाही.