कैरी-आंब्याच्या गुजगोष्टी / आम्रचर्चा

माझेमन, यावर एक लेख लिहितोय...परवा टाकतो

ऋतुराज लवकर येऊ द्या लेख.

>> मदिरेनी चूळ भरावी, ती वृक्षावर थुंकावी >> मदिरा इफेक्ट का कामसूत्र इफेक्ट हरीजाणे पण तीन वेळा हे वक्ष वाचुन कोणाच्या वक्षावर करण्यात गेली.

अनिंद्य, माझेमन लेख टाकला आहे.
कामसूत्राच्या एका version मधे उद्यानातल्या लतावृक्षांना फुलेफळे लगडण्यासाठी, बहर येण्यासाठी नवयौवनांनी करावयाच्या कृतींबद्दल हे वर्णन वाचले :>>>>> मी आताच त्या दोहद वृक्षाबद्दल लिहिले.
मला हा कामसूत्र संदर्भ माहीत नव्हता.
तुमच्याकडे असला तर मला संपर्कातून पाठवा तो संदर्भ.
तिलकवृक्ष - Long-Stamen Wendlandia
कुरबक - कोरांटी
नेमरू - याबद्दल भेद आहेत. रुद्राक्ष की सुरपुन्नाग (सुरंगी)
कर्णिकार - बहावा

अमितव >>>>>> आता तसंच वाचलं जातंय

किती सुंदर, काव्यात्मक शृंगार आहे. तथ्य नसले तरी पोएटिक असल्याने सुरेख वाटले. समृद्ध आणि आधुनिक संस्कृती होती आपली!

कोरांटीला बाहुपाशात घ्यायचं म्हणता?

जोक्स अपार्ट, खरंच वाचायला सुंदर वाटतात या कल्पना.

झाडांशी बोलायची कल्पना तर फार आवडते मला.
जाईच्या पाकळ्यांस सलणारं दंव...

आपल्या बऱ्याच कविकल्पना निसर्गाचा आविष्कार आणि शृंगार अशा जोडीने येतात. कृष्ण- रुक्मिणीची पारिजातकाची गोष्ट काय किंवा मेघदूत काय. ऋतूबदल सुद्धा आवर्जून कनेक्ट केल्यासारखे येते बरेचदा. हल्लीच मेघदूत (परीक्षण) वाचलं तर ठायी ठायी निसर्गाची वर्णनं आहेत. जेथे जेथे तो ढग जातो तेथले. सुरेख आहे फार!

नावडतीला द्यायचा टास्क>>>

जाईच्या पाकळ्यास सलणारे दव! येस! आता ऐकलंच पाहिजे परत एकदा.
स्वाती, पाकळ्यांस ना?

अनिंद्य...

खरंच आपले पूर्वज खूपच रसिक म्हणायचे!
आजकाल मदिरेने चूळ भरण्याच्या ऐवजी, पान खाऊन पिंक टाकतील फार तर.

असे इंटर स्पेसिज वूइंग फक्त तुळशीच्या लग्नात बघितले आहे या आधी !

>>> स्वाती, पाकळ्यांस ना?
हो हो.
अस्मिता, हे बघ आले विभक्ती प्रत्यय माझ्या मागे परत.

<झाडांशी बोलायची कल्पना तर फार आवडते मला.> हे राखीने गुलजारला सांगितलं होतं - झाडांशी बोलायचं असतं. अजूनही आवडेल का ही कल्पना?

हल्लीच मेघदूत (परीक्षण) वाचलं तर ठायी ठायी निसर्गाची वर्णनं आहेत. जेथे जेथे तो ढग जातो तेथले. सुरेख आहे फार!
>>> फारच अवांतर आहे पण शांताबाई शेळक्यांचं मेघदूताचं समश्लोकी भाषांतरही फार छान आहे.
आणि असं ऐकलं होतं की पुण्यातल्या एका माणसाने (नाव विसरले) मेघदूताच्या मार्गावर काही ठिकाणी हेलिकॉप्टरने प्रवास केला आणि त्याला तशी वृक्षसंपदा दिसली होती.

वॉव माझेमन, हे सुद्धा किती रसिक असतील!

पुण्यातल्या एका माणसाने (नाव विसरले) मेघदूताच्या मार्गावर काही ठिकाणी हेलिकॉप्टरने प्रवास केला आणि त्याला तशी वृक्षसंपदा दिसली होती.>>>>>>>आठ-दहा वर्षापूर्वी यावर लोकसत्ता मध्ये लेख मालिकाच होती बहुतेक.
एका ग्रुपने मेघदूताच्या वाटेने त्यात वर्णन केलेल्या कालावधीत प्रवास करून घेतलेला अनुभव होता

आठ-दहा वर्षापूर्वी यावर लोकसत्ता मध्ये लेख मालिकाच होती बहुतेक.
एका ग्रुपने मेघदूताच्या वाटेने त्यात वर्णन केलेल्या कालावधीत प्रवास करून घेतलेला अनुभव होता>>> हो मी अधूनमधून वाचलं होतं.

मेघदूत कितीही वेळा वाचलं तरी नवीन काहीतरी गवसतच.
लोकसत्तामध्ये अशी मालिका होती का ते आठवत नाही पण लोकप्रभा मध्ये एक छान लेख मालिका होती आणि त्याच्या जोडीला वासुदेव कामथ यांची चित्रे. अफाट सुंदर, माहितीपूर्ण. माझ्याकडे त्याची कात्रणे आहेत.

मला पहायला आवडतील ऋतुराज.

अस्मिता
संपर्कातून पाठवतो.

थॅंक्यू.

मला पहायला आवडतील ऋतुराज
>>> मलाही…