खाऊगल्ली - आजचा मेनू - (७)

मालवणी मेवा छान दिसतोय!

सगळीकडे फणसाची भाजी होत असलेली दिसते आहे! मज्जा आहे सर्वांची!

इकडे तेलंगणात मागच्या काही वर्षांपासून कार्यप्रसंगी शाकाहारी मेनूत फणस बिर्याणी (केटरिंग वाल्यांचे व खाणाऱ्यांचे उच्चार - पणस बिर्याणी / पाणस बिर्याणी / पणसा बिर्याणी / पाणसा बिर्याणी!) लोकप्रिय होत आहे असे दिसते.
स्वयंपाकी चांगला असेल तर अतिशय चविष्ट होते. घरी कधी करून पाहिली नाही .

मालवणी घेवर असतो हेच माझ्यासाठी नवीन आहे.

सावंतवाडी की कुठचेसे बटर सुद्धा भारी असायचे असं आठवतंय. आणि तो कॉकटेल नामक मिल्कशेकसदृश प्रकार...... सावंतवाडीचेच बटर. खूप छान असायचे. नंतर ती टेस्ट तशीच राहिली नाही की टेस्टबड आगाऊ झाल्या माहित नाही.
सावंतवाडीमधील बाळकृष्ण नेवगी यांच्या हॉटेलमधील कॉकटेल छान असते.

हैद्राबादी सुतरफेण्या असतात. पण मूळ गुजरातच्या बहुतेक (की राजस्थान?) तसं हे दिसतंय.

सावंतवाडीमधील बाळकृष्ण नेवगी यांच्या हॉटेलमधील कॉकटेल छान असते.>>>
आइसक्रीम पण छानच असते ( आमच्या ऑफिसमधील एक जण वाढदिवसानिमित्त ऑर्डर देवून बनवून घ्यायचे जे छानच असायचे)

धन्यवाद मानव..
फणसाची रस्सा भाजी कधी बघितली नाही मी रेसिपि असेल तर टाका... आमच्याकडे ओलं खोबरं घालून सुकी भाजीचं असते..
आज बनवलेली brownie

Brownie एकदम मस्त.

जुई, ब्राऊनी मस्त!
आमच्याकडे फणसाची भाजी दोन प्रकारे करतात - खोबरे, हिरवी मिरची घालून आणि दुसरा प्रकार सुकट्/सोडे घालून.
कॉलेजात होस्टेलला असताना आमच्या इस्त्रीवाल्या ताईंच्या घरची फणसाची मसालेदार रस्सा भाजी खाल्ली होती. ती भन्नाट चव परत कधी मिळाली नाही.
वामनराव, फणसाची बिर्याणी वरुन आठवले - माझा लेक पार्टीला मिक्स क्राउड असला की वेज ऑप्शन म्हणून पुल्ड जॅकफ्रुट (पुल्ड पोर्कला पर्याय) करतो. त्याचे नुसतेच कौतुक ऐकून आहे अजून खायचा योग यायचाय.

जुई ब्राउनी मस्त दिसतेय.

मी ना फणसाची सुकी भाजी खाल्ली आहे ,ना रस्सा भाजी पण फणसाच्या भाजीचं कौतुक अनेकांकडून ऐकलंय की व्हेज लोकांचं नॉनव्हेज असतं ही फणसाची भाजी ,इतकी टेस्टी लागते की बस...
त्यामुळे येउद्या दोन्ही पद्धतीच्या भाज्यांच्या रेसिपीज
सिनेमातही कठहल की सबजी फेमस आहे.

स्वाती आपली फणसाच्या भाजीची कौतुकाची पोस्ट एकदमच पडली

पुल्ड जॅकफ्रुट

>>> हा प्रकार इंटरेस्टिंग वाटतोय, रेसिपी मिळाली तर करून पाहीन.

आज आप्पे विथ रेड थाई करी, दुसर्‍या ग्रुपवर एका मैत्रीणीने लग्नात के कॉम्बो खाल्ल्याच मेन्शन केल होत तेव्हापासुन करुन बघायच होत.
सध्या आमच्याकडे खुपच वॉर्म आहे त्यामुळे सकाळी छान विनासायास पिठ फुलुन आल होत..
रेड करी पेस्ट , नारळ दुध होतच..भाज्यामधे झुकिनी, ग्रिन बिन,पातिचा कान्दा आणी बेबी कॉर्न होते तेवढेच टाकले.
मस्त कम्फर्ट फुड झाल यात मिनि इडल्या पण छान लागतिल अस वाटतय..पुढच्या वेळेस ते करुन बघेल.
(सालाची उडदाची डाळ वापरल्याने आप्पे रन्गाला ठिकठाकच दिसतायत)

रंग सुंदर आला आहे थाई करीचा .. नाव दिले नसते तर मला ते खतखते वाटले असते...

छान दिसतेय डिश. हे सांबार इडली सारखेच कायखायचे ना?
(सांबारात बुडवून सर्व्ह केलेल्या इडली/बटन इडली)

की भाजी सारखे वापरायचे?

<<रेसिपि असेल तर टाका.>> आई करते. ती बाहेरगावी गेलीय आली की विचारून रेसिपी लिहीन .

थॅन्क्स श्रवु !
छान दिसतेय डिश. हे सांबार इडली सारखेच कायखायचे ना?
(सांबारात बुडवून सर्व्ह केलेल्या इडली/बटन इडली)>> धन्यवाद मा न व, हो हो सान्बार इडली सारखच ! आप्पे करी शोषुन घेतात त्यामुळे नेहमी पेक्षा जरा रनी ठेवायची थाइ करी.

>>आप्पे विथ रेड थाई करी>> व्वा! एकदम हटके प्रकार, छान दिसतोय! मी बरेचदा अवियल आणि आप्पे करते. हे त्यापेक्षा सोप्पे आहे आणि थाई करी तर आवडतेच तेव्हा नक्की करणार.

आप्पे विथ रेड थाई करी>> व्वा! एकदम हटके प्रकार,.. ...+१.

आज संकष्टी चा स्पेशल उपास मेन्यू. फोटो नाही काढला , विसरले.
राजगिरा पीठाच्या पुऱ्या, बटाटा भाजी, चितळे आम्रखंड, चटणी, काकडीचे काप वरीचा भात आणि दही..
राजगिरा पीठाच्या पुऱ्या मी प्रथमच केल्या पण चांच पाहून लागत होत्या, मला आवडल्या. खाताना मनात म्हटलं या आधी का नाही केल्या आपण !

होममेड अवोकाडो साल्सा (स्टोअर्समध्ये मिळणारा बाटलीतला साल्सा भिकाऽऽर लागतो. आपला हात जगन्नाथ हेच खरे)

काजू कतली घरी केलीय. पहिल्यांदाच केली , एवढा कॉन्फिडन्स नव्हता म्हणून वर्ख आणला नव्हता. थोडं केशराच पाणी शिंपडल सजावट म्हणून.
पण छान झाली आणि अगदीच सोपी ही वाटली.

मस्त दिसतेय.

पाडव्याचा मेनू
वरण, भात, पालेभाजी, डाळीची भजी, पापड, श्रीखंड पुरी, कोशिंबीर आणि ओल्या काजूची भाजी

जवळच्या मंदिरात महाप्रसाद होता... प्रसादाचा शिरा आणि मसालेभात मला फार आवडतो घरी कधीच ती चव येत नाही...

मनी मोहोर, सविस्तर पाकृ येऊ दे

रमझान ईद meets गुढीपाडवा .

गुढीपाडव्यासाठी केलेल्या श्रीखंडातलं आज एवढंच उरलं होतं. तेही चक्क्याच्या दुसर्‍या लॉटचं असल्याने(पुरणयंत्राऐवजी ) सूप स्ट्रेनरमधून गाळणं इ. लाड केले नव्हते.

माझ्या याकुल्ट लेडीचं नाव अफसाना आहे. माझ्याकडे याकुल्ट डिलिव्हर करायला दर शनिवारी येते. यावेळी ईद शनिवारीच आल्याने आणि सोमवारी ही न जमल्याने ती आज आली. तिने काल दुसर्‍यांदा शीरखुर्मा केला. त्यातला माझा वाटा घेऊन आली होती. त्यावरून बर्‍याच गप्पा झाल्या.

मी दोन वर्षांपूर्वी शीरखुर्मा केला तो इतका घट्ट झाला की आणखी दूध घालायला लागलं आणि क्वांटिटी वाढली. शेवया कमी प्रमाणात घालायच्या. दूध आटवून घ्यायचं अशा काही टिप्स तिने दिल्या. शीरखुर्म्यावरून गाडी उरूस , संदल, कव्वाली ही स्टेशनं घेत मलिद्याकडे गेली. त्यांच्या खानदानात ती पराठा आणि मलिदा एक्स्पर्ट आहे . त्याची रेसिपी तिने सांगितली. तर मलिद्याला ११ पराठे करायचे. कणीक मळताना आणि शेकताना तूप. एक पराठा शेकून झाला की गरम असतानाच दोन्ही हाताच्या उभ्या तळव्यांनी चुरून घ्यायचा. हे करायला दोन माणसं लागतातच. एकट्याने होत नाही. कारण पराठा गरम असतानाच चुरायचा. असे सगळे पराठे चुरून झाले की वरून साखर किंवा पिठीसाखर आणि सुका मेवा घालायचा.