महाराष्ट्रातील राजकारण

>>
बलात्कारी, भ्रष्ट, नीच लोकांचे समर्थन करायला अजिबात लाज वाटत नाही का भगवट अन शेंड्यांना?
<<
https://www.thehindu.com/news/national/kerala/who-is-rahul-mamkoottahil-...
भ्रष्ट, बलात्कारी वगैरे लोक सर्व पक्षात आहेत.
पवित्र, शुचिर्भूत, गंगेसारखे निर्मळ वगैरे पक्ष इतिहासजमा झालेत (तसेही पूर्वी देखील असे कुठले पक्ष होते यावरही विश्वास बसत नाहीच).
तेव्हा त्यातल्या त्यात दगडापेक्षा वीट मऊ पाहून त्यांना मत देणे हाच एक पर्याय आहे.
ज्यांना मत देतो त्यांच्यावर मतदार पूर्ण फिदा असतो असे नाही. अनेकदा नाक मुठीत धरून नाईलाजाने मत दिले जाते कारण द्सरी बाजू आणखी वाईट असते.

नाक मुठीत नव्हे, जीव मुठीत घेऊन मतदान करतात.

राज ठाकरे अंबानीवर घसरत नाही फक्त अदाणी वर घसरत आहे. निवडणुकीत यश तर मिळेल का ते ठाऊक नाही निदान या निमित्ताने खंडणी उकळता आली तर घ्यावी असा विचार दिसतोय.

यात मला तर फडण२० पण सहभागी असेल असे वाटत आहे.

अदानीवर हल्ला केला म्हणजे जिंकले का?शरद पवारांना दुखावले जयंत पाटलांसमोर.
मराठी उद्योजकांच्या मालमत्तेचे खळ फटाक. नाशिककरांनी नंतर दूरच ठेवले. का?
अंबानीवर हल्ला केलेले गुपचुप जामनगरला जेवून आले.

खरे सांगायचे तर मला राज वर अजिबात विश्वास वाटत नाही.

भाजपवाल्यांचीच खेळी वाटते ही.

जितका राज बोलतो तेवढी मते त्याच्या विरुद्ध लोकांना पडतात. आता राजने जाहीर च करून टाकले की विरुद्ध वाले ५००० रुपयांचा रेट देत आहेत म्हणून. म्हणजे जाहिरातच केली की थोडक्यात.

शिवाय राज + उद्धव एकत्र करून त्या दोघांना जाणारी एकूण मते लिमिटेड करायचा डाव आहे की काय या भाजप वाल्यांचा?

राज फक्त अदानी वरच का घसरतोय? कारण तर उघड आहे.

आता ज्या ब्यागा पोचतील त्या थोड्या विभागून घेण्याचा तर डाव नाही ना?

की अडाणीच्या उत्कर्षातून भाजपच्या स्थानिकांना लोकांना फार फायदा होत नाही आहे? कारण अमित शहा विरुद्ध खाली काहीतरी शिजत असणारच आहे.

तुमची आमची भाजप सर्वांची.

भाजपची सरकारे बलात्काऱ्यांच्या पाठीशी उभी राहिलेली अनेक वेळा दिसली. उन्नाव प्रकरण पुन्हा ताजे झाले.>>> सरकारे पाठी उभी राहीली तर राहू देत, पण अग्रभागी राहून (नाक मुठीत घेऊन) हिरीरीने अशांचे समर्थन करणाऱ्या समर्थकांची अशी कोणती असहायता आहे की आणखी काही हा शोधाचा विषय आहे.

यावेळेस प्रचाराकरता मराठी सिरीयल्सचा वापर केलेला दिसतोय. "ठरलं तर मग" मधे सीन चेंज होताना मधेच रस्त्याच्या बाजूला लावलेले एकनाथ शिंद्यांचे मोठे बॅनर्स दिसले. इतरांनी हे केले आहे का माहीत नाही. दुसर्‍या एखाद्या सिरीज मधे असेल. आयडिया भारी आहे.

पुण्यात सार्‍यांना मिळताहेत. कोणता पक्ष वाटतोय, कोणत्या पक्षाचे कार्यकर्ते वाटताहेत, कोणत्या पक्षाच्या मतदारांना वाटताहेत असा काही भेदभाव नाही. अशा प्रकारचं विश्वबंधुत्त्व पहिल्यांदाच पुण्यात बघायला मिळालं.

एक भावी नगरसेवक तर जाहीर आवाहन करत होते- लक्ष्मी आली, कितीही वेळा आली, कितीही मार्गांनी आली तरी घ्या, परत पाठवू नका.

आमच्या कामवाल्या मावशी म्हणे - त्या, त्यांची सून आणि मुलगी- अशा तिघींमुळून रोज पंधराशे मिळताहेत गेले २ आठवडे. रोज नवीन पक्षाचा प्रचार. रोज नवीन झेंंडे. त्यांना काहीच प्रॉब्लेम नाही. त्या म्हणतात- जनतेचेच पैसे होते हे. का नाकारा?

बायकांचं प्राबल्य आहे रोडशो आणि इतर कँपेन्समध्ये. पुरुष / मुलांना ५०० रुपये + बाटली + बिर्याणी पार्सल असा मेहेनताना लागतो. त्या तुलनेत बाय्कांना ५०० पुरतात. बापड्या दारू पीत नाहीत. पुढल्या निवडणुकांत नक्की पिणार हे सारं बघून..

आज संध्याकाळी ६ नंतर जंगी पार्ट्या चालू आहेत. उद्या बहुतेक संक्रांतीचं छुपं वाणवाटपही होणार.

असंख्य किस्से आहेत. निवडणुकांच्या कथा आणि किस्से, असा बाफ आहे काय?

असंख्य किस्से आहेत. निवडणुकांच्या कथा आणि किस्से, असा बाफ आहे काय?
काढायला हरकत नसावी !

हा आहे की
https://www.maayboli.com/node/87618

भाजप व शिंदे सेना या दोघांना उबाठा मनापासून संपवायची आहे. शिंदेंना उबाठा परत उभी राहिली तर भविष्य फारसं राहाणार नाही.
तर भाजपाला आपली हिंदू व्होट बॅंक वाढवायची फार मोठी संधी उबाठानी मिळवून दिली आहे.
त्यामुळे शिंदेची मते भाजपाला व भाजपाची मते शिंदेंना परफेक्ट हस्तांतर होणार यात वाद नाही.
परिणामी शिंदेसेना व भाजपाचा स्ट्राईक रेट जबरदस्त असणार आहे.

जर मतदान टक्केवारी वाढली तर अफलातून निकाल येतील असं वाटतंय.

>>>शिंदेसेनेला वाटत़य, आणि भाजपवालेही म्हणत आलेत ( २०२९ मध्ये स्वबळावर) की भाजप आता शिंदेसेनेलाही संपवायच्या मागे आहे. ठाकरे पाकिस्तानी आहेत तसे शिंदे काही काळाने बांग्लादेशी होतील.>>

असं का करतील? ते एकमेकांच्या वाट्यातला थोडासा लचका तोडायला पाहतील पण ते राजकारणात होणारच. प्रत्येक विभागात कुणी एक स्थानिक नेता प्रभावशाली असतो. आता त्याला तिथेच राहायचे असते. वरती विधानसभेत किंवा लोकसभेत जायचे नसते. तो कोणत्याही पक्षाचा असला तरी तो निवडून येतोच. जागावाटपात एखादी जागा दुसऱ्याला सुटली तरी हा नेता निवडून येतोच. हे कोकणात हल्लीच आपण पाहिले. बाकी शिंदे बांगलादेशी झालेच तर मात्र तिसरा कुणी त्यांची जागा घेईल. संपूर्ण पक्ष बांगलादेशी होणार नाही.
प्रतारणा करणे हे जनता सहन करत नाही.

आज मला शहराबाहेर असल्यामुळे मतदान करता येणार नाही आहे, पण ते एक कारण झाले. आजवर ८ वेळा चुकीची दुरुस्ती करायला दिली त्यात फक्त २ वेळा चुकीच्या बिल्डिंगचे नाव टाकले आणि इतर ६ वेळा दिलेल्या फॉर्मचे काय झाले माहित नाही. त्यामुळे माझे नाव वेगळ्याच प्रभागात दिसते जरी माझे नाव ज्या बिल्डिंग मध्ये आहे ती माझ्या बिल्डिंग समोरच आहे तरी. आधार आणि निवडणूक कार्ड लिंक करायला दिले तर काय झाले पुढे याचा काही पत्ता नाही. थोडक्यात दर मतदानाच्या वेळी शोधाशोध करायची आणि जाऊन मतदान करायचे असा प्रकार सुरु आहे. या वेळी इच्छाच होत नाही आहे, रोजच्या जीवनातले मुद्दे ज्यावर महानगरपालिकेने काम करणे अपेक्षित आहे ते सोडून बाकी सगळे मुद्दे चघळले गेले आहेत.

vvpat नाही. आणि नवीन PADU हे प्रायोगिकच आहे. थोड्या ठिकाणीच लावणार आहेत.

मतदार यादीमध्ये नाव-
Voter name search site वर अगोदर शोधलं होतं का नाव?
मी दरवेळेस शोधतो.

.

महाराष्ट्रात काही ठिकाणी मतदारांच्या बोटाला शाईऐवजी मार्करनी शाई लावली जाते, जी सहज पुसली जाते. चांदी महाग झाल्याने हा निर्णय घेतला की काय अशी शंका येतेय.

आमच्या घरातल्या तिन मतदारांची नावं तीन वेगवेगळ्या केंद्रांवर आहेत.
मुलगा तर इथे नाहीच.
आम्ही दोघं रोज फिरायलाही वेगवेगळ्या दिशांना जातो हे त्यांना कळलं असावं.