क्रिकेट - ९

शामीच्या ओवर्स महागात गेल्या, विराट ची सस्त्यात विकेट गेली, आणि २ आउट झाल्यानंतर पुढे आता रेग्युलर विकेट्स पडत चालल्यात. परिस्थिती त्रासदायक होत आहे. २०-२० मधे २७५ वगैरे अनेकदा खेळलेल्यांना वन डे मधे ५० ओवर्स मधे चा २५० चा स्कोरचा चेस अवघड जातो त्याचे हे क्लासिक उदाहरण आहे.
**** ओके वरचे पोस्ट सहर्ष मागे घेते आहे काय आहे जुन्या जखमांनी पोळलेले मन घाबरून जाते लगेच
टीम ने विचलित न होता मॅच अन ट्रॉफी आणली!! धतड ततड!!

हानी होवो किती भयंकर......
..युद्ध आमुचे सुरू !!!
ही विकेट धांवा करायला , विशेषतः स्पिनर्स विरुद्ध, कठीण आहे. सहज जिंकण्याची अपेक्षा नको व विकेट गेल्या म्हणून हरण्याची धास्ती नको !!!

जिंकलो एकदाचे. आता शांत झोप लागेल.

हुश्श्य!

सोफ्यावर बसलेल्या छोट्या प्रेक्षकांना तसंच बसवून ठेवणे,
तू स्वयंपाकघरातच असल्यामुळे रन होतायत तर आता बाहेर यायचं नाही म्हणून बाहेर आलेल्या व्यक्तीला परत आत पाठवणे, तू उठलीस तर विकेट गेली आता गप बस इथे म्हणून हात धरून बसवणे अशा सगळ्याच अंधश्रद्धा पुढच्या पिढीपर्यंत पोचवून क्रिकेटच्या बाबतीत आम्ही आमचं राष्ट्रीय कर्तव्य पार पाडलं एकदाचं!

वेल प्लेड टीम इंडिया...

*ग्रेट टेम्परमेंट दाखवले अंडर प्रेशर मोठ्या सामन्यात." येस, राहुल व श्रेयस अय्यर !!!
भारत अभिनंदन , विजय चॅम्पियन सारखाच मिळवला !!!
न्युझीलंड छान खेळले ! भारताच्या100-0 वरून सामना इतका अटीतटीचा करणं खरंच कौतुकास्पद !!! बॅड लक .

शर्मा कप्तान असेपर्यन्त टॉस करण्यात वेळ घालवू नये. प्रतिस्पर्धी संघाला पहिली फलंदाजी / गोलंदाजी निवड्ण्याची संधी द्यावी.

आयसीसी चॅम्पियन्स ट्रॉफी 2025 पाकिस्तान असतानाही, प्रेझेंटेशन पोडियम वर सगळे देसी (बीसीसीआय किंवा आयसीसी चे)...
पीसीबी चा कुणीच नाही???

हे होस्ट होते की घोस्ट????

हो ना! आख्ख्या सेरेमनीत एक माणूस पण दिसला नही सो कॉल्ड होस्ट्स चा? भारताने दुबईला मॅचेस नेल्या म्हणून त्यांनी बॉयकॉट वगैरे केले होते ( आणि कुणी नोटिस पण केले नाही) असे तर नाही ना

भारताच्या100-0 वरून सामना इतका अटीतटीचा करणं खरंच कौतुकास्पद >> +१

पण भारताची डेफ्ट उपयोगात आली आज. राहुल जडेजा पर्यंत लोक आहेत.

जबरदस्त विजय!! अभिनंदन टीम इंडिया!!

लागोपाठ दोन विकेट्स, मग ४ मेडन ओव्हर्स आणि शर्माची विकेट ह्यामुळे पहिल्या ड्रिंक्स ब्रेक नंतर तोंडचं पाणी पळालं होतं (पन इंटेंडेड), पण अय्यर-पटेलने परत मॅच फिरवली. मग परत ड्रिंक्स ब्रेक, लगेच अय्यरची विकेट अश्या ताना-पलटे घेत भारताने दिमाखात विजय मिळवला.

बक्षिस समारंभाला होस्ट देशाचा प्रतिनिधी नसणं ही आयसीसीची चूक आहे.

१. संपूर्ण संघाने मिळून हातभार लावून जिंकलेली स्पर्धा आहे. (अगदीच किल्मिष असेल तर गिल बद्दल म्हणता येईल).
२. भारतीय फॅन्स चे स्टेप चाईल्ड असलेल्या राहुल ने लोअवर मिडल ऑर्डर मधे त्याला कोहलीपासून रोहित पर्यंट दोघांनीही एव्हढे विश्वासार्ह का मानले आहे ते दाखवून दिले.
३. श्रेयसने मागची दोन वर्षांमधली बीसीसीआयने लावलेली सगळी पापे धुवून काढलीत असे म्हणू शकतो.
४. कुलदीप ने बाद फेरींमधे नांग्याटाकण्याची प्रथा मोडली ह्याचा आनंद झाला. नुसतीच मोदाली नाही तर आज च्या दोन्ही मह्त्वाच्या विकेट्स त्याच्या होत्या.
५. चार स्पिनर्स ने जबरदस्त कामगिरी बजावली नि रोहित ने चौघांनाही अतिशय कुशलतेने वापरले. कुठेही कोणी ओव्हर एक्सपोज होऊ दिले नाही. चार स्पिनर्स च्या जीवाव्र जिंकलेला कप विरळा असेल.
६. लाहोरच्या पाटा पिचेसवर काढलेल्या रचिननच्या धावांपेक्षा ह्या टूर्नामेंटचे मॅन ऑफ द सिरीज अवार्ड भारतीत स्पिन क्वार्ट्रेट किंवा मॅट हेन्रीला द्यायला हवे होते असे मला वाटले. हेन्री नव्हता नि चौघाण्ना कसे देणार म्हणून रचिन असा प्रकार वाटला. तेच गेला बाजार द्यायचेच असेल तर श्रेयस ला द्यायला हवे होते . जवळ जवळ प्रत्येक मॅच मधे त्याचे मोलाचे काँट्रीब्युशन आहे.

जाता जाता : सँटनर सारख्या धुरंधर मआणसाने काईल जेमीसनला अंडर युटीलाईज करणे - तेही भारती संघाविरुद्ध तो हमखास खेळ उंचावतो हा इतिहास असताना - हे ऑड वाटले.

काय आहे जुन्या जखमांनी पोळलेले मन घाबरून जाते लगेच >>>

आज १५०/३ असताना श्रेयसने एक सिक्स मारली, लगेच पुढच्या बॉलला त्याचा कॅच सुटला, तरीही एक दोन ओव्हर्स नंतर त्याने हवेत शॉट मारून आउट होणे, रन-अ-बॉल अवस्था असताना नंतर अक्षरनेही तेच करणे हे चालू असताना "रोमहर्षक ९०ज" आठवले. तेव्हा आपल्या लोकांना या मधल्या ओव्हर्समधे टेम्परामेण्ट जमायचे नाही. अगदी ५-६ च्या रन रेटने १०० रन्स हवे असताना फेकलेल्या अनेक मॅचेस आठवल्या. सचिन किंवा गांगुलीची दमदार सुरूवात आणि मग पडझड - हे अगदी कॉमन होते.

पण गेल्या अनेक वर्षांत मधल्या फळीत पेशन्सने खेळणारे आले - २००३ च्या कप मधे पाक विरूद्ध सचिन भन्नाट खेळून आउट झाला तेव्हा अजून १०० रन्स बाकी होते पण द्रविड आणि युवराजने अगदी व्यवस्थित काढले. तसेच २०११ च्या फायनलला पहिले तीन आउट झाल्यावर नंतर गंभीर व धोनीने मधल्या ओव्हर्स परफेक्ट खेळल्या होत्या. त्यामुळे आता सहसा असे होत नाही. पण ९०ज चा "ट्रॉमा" अजून मेमरीत आहे

५. चार स्पिनर्स ने जबरदस्त कामगिरी बजावली नि रोहित ने चौघांनाही अतिशय कुशलतेने वापरले
>>
त्या चौघांसोबत शमी अन् गरजेला हार्दिक पण
2019 वर्ल्डकपच्या सुमारास आपण 5 बॉलर्स 50 ओव्हर्स टाकणार, सहावा ऑपशनच नाही किंवा जाधव असला तरी त्याला बोलिंग नाही टाईप रिजिड अप्रोच नी खेळत होतो.
आता बऱ्यापैकी फ्लेक्झिबल आहोत. बॅटिंग लाईनअप पण गरजेनुसार बदलता येईल असा आहे.
अन् हे घडून येण्यासाठी कॅटलिस्ट माझ्यामते लोअर ऑर्डर मधे येणारा अन् कीपिंग करणारा राहुल आहे. प्युअर बॅटर म्हणून ओपन करायचा त्यापेक्षा कैक पटींनी फायद्याचा तो या रोल मधे ठरतोय. त्याच्या बॅटिंग च्या भरोशामुळे आपण अक्षरला वर पाठवायची रिस्क घेऊ शकलो, अन् आता त्याचाही फायदा मिळतो आहे. हार्दिक पण परत बोलिंग करायला लागल्यानी जास्त व्हॅल्यूएबल झालाय.
अशीच समतोल अन् फ्लेक्झिबल टीम पुढे ही राहिली तर आपला डॉमिनंस ओसीज च्या तोडीचा राहू शकेल...

या धाग्यावरच्या अवास्तव कौतुकाच्या पोस्ट्सपेक्षा योग्य आणि समर्पक विश्लेषण करणाऱ्या पोस्ट्स आणि भाऊंची व्यंगचित्रे नेहमीच जास्त आवडतात..

सामना छान झाला! काल का कोण जाने पण आपण जिंकणार ह्याची खात्री वाटत होती कारण सर्व खेळाडू निश्चयाने ह्या स्पर्धेच्या सुरवाती पासून जाणवत होते. आणि जुन्या चुकांमधून बरेच काही शिकल्यासारखे खेळले.

आपण तब्बल ४ झेल सोडलेले त्याचा तोटा फारसा झाला नाही हे चांगले झाले. थोडीशी परतफेड म्हणून न्युझिलंडनेही २ झेल सोडले.

धर्म की हानी क्यू होती है???

अशाने तो दिवस दूर नाही जेंव्हा सध्या जे हाताच्या बोटावर मोजता येणारे क्रिकेट खेळणारे देश या खेळात स्वारस्य दाखवत उरले आहेत ते सुद्धा या खेळाला रामराम ठोकतील आणि तरीही या देशातले भणंग फॅनबॉयज आयपीएलचा चाट मसाला मिटक्या मारत चाटत राहतील!!

https://www.business-standard.com/cricket/champions-trophy/wasim-akram-reveals-why-pcb-chief-missed-champions-trophy-final-ceremony-125031000385_1.html

दिमाखदार विजयाबद्दल भारतीय संघाचे मनःपूर्वक अभिनंदन.

कालच्या सामन्यातील डोळ्याचे पारणे फेडणारे दृष्य : गिलचा ग्लेन फिलिप्सने घेतलेला झेल. स्पायडर मॅन, सुपर मॅन काहिही.

त्याच्या आधिही गेल्या सामन्यातील कोहलीचा झेल आणि पाकिस्तान विरूद्ध रिझवानचा झेल. हा मानवी शक्यतांच्या पलिकडे काहितरी करतो. जबरदस्त.

अशा सगळ्याच अंधश्रद्धा पुढच्या पिढीपर्यंत पोचवून क्रिकेटच्या बाबतीत आम्ही आमचं राष्ट्रीय कर्तव्य पार पाडलं एकदाचं! >> अगदी.

या सदराखाली ४-५ वेळा चहा लाटला. (तू आत गेलीस की त्यांची विकेट जाते). तिनेही बिचारीने घेतल्या.

आमच्या मदतनीस ताईंच म्हणणं त्यांच्यामुळे आपण सामना जिंकतो. त्यांना सांगितल होतं , हरलो तर उद्यापासून येउच नका. (अर्थात अस झाल तर मलाच बाहेर जाव लागलं असत हे नक्की).