मराठी चित्रपट कसा वाटला? - 1

मृणाल कुलकर्णी नवीन राजेश खन्ना झाली आहे म्हणजे काय? लक्षात आलं नाही.
ट्रेलर बघितला. पिक्चर बघावासा वाटला नाही.

पण 'मैयाळागन' पेक्षा तर काहीही श्रवणीयच

वावे, स्वसौंदर्याच्या - स्वप्रतिमेच्या प्रेमात.

नवरा माझा नवसाचा २ पाहिला. छान आहे, मला आवडला. बरेच रिव्यू वाचून अपेक्षा कमी होत्या आणि यामुळेच इतके दिवस पाहायला टाळाटाळ केली. भूलभुलैया ३ बद्दल पण असेच झाले. अपेक्षा कमी असल्या आणि चित्रपट बरा असला तर तो आवडतो.
डमरू वाजे गाणे व नृत्य खूप छान आहे . सिद्धार्थ जाधव ची ऊर्जा व अभिनय छान आहे . त्याचेही एक छोटे गाणेवजा काहीतरी आहे ते पण छान आहे . अशोक सराफ, संतोष पवार, वैभव मांगले, विजय पाटकर यांचा अभिनय खूपच छान आहे . चित्रपट पाहताना कोठेही कंटाळा आला नाही .

मृणाल कुलकर्णी नवीन राजेश खन्ना झाली आहे >>>

मृकुला आवडून घेणे कधीचंच सोडून दिलंय. खूप एकसाची आणि कृत्रिम अभिनय वाटतो.

चित्रपट पाहताना कोठेही कंटाळा आला नाही .
>>
सचिन चा विगाधारी लुक, कृत्रिम संवादफेक अन् बद्धकोष्ठ झाल्यागत भाव बघून दुसऱ्या मिनिटा पासूनाच कंटाळलो...

स्वसौंदर्याच्या - स्वप्रतिमेच्या प्रेमात
>>
म्हणजे देव आनंद, गोविंदा, महाग्रू ई ई च्या लाईन वर...

अस्मिता पिक्चर बघणार नाही...धन्यवाद

मृ कु ला जवळून प्रत्यक्ष पाहिले आहे.. प्लास्टिक ची बाहुली वाटते..सगळच नाटकी आणि कृत्रिम..

शिवाजीनगर गावठाणात माहेर आहे मृकुचं. योगायोगाने आताच मेट्रोतून मनपाला उतरले.

बाजूलाच नीरजाचा ( नीधप ) मराठी सिनेमा न मिळणारे थिएटर , शोज , त्यात असणारे प्रॉब्लेम्स आणि त्यावर त्यांच्यापुरत सध्या शोधलेलं solution, box मध्ये रिलीज ह्यावर देखील लेख आहे.>>>>> धन्यवाद झकासराव.
आठवण करून दिल्या बद्दल. मी तो द्यायचा विसरलो.
https://www.loksatta.com/lokrang/ya-goshtila-navach-nahi-cinema-pune-rea...

स्वसौंदर्याच्या - स्वप्रतिमेच्या प्रेमात.>> ओह अच्छा. आलं लक्षात. तसं बऱ्याच जणांच्या/जणींच्या बाबतीत म्हणता येईल..

राहुल देशपांडेंच्या अमलताशच्या निमित्ताने या लेखापेक्षा मला नीधप यांचा लेख जास्त मुद्देसूद वाटतो आहे.

मराठी प्रेक्षक इतर भाषिक गल्लाभरू भिकार चित्रपटांना का आश्रय देतात व आशयघन मराठी चित्रपटांना का नाकारतात याविषयी
- एकंदरीत प्रेक्षकांचा फोकस/अटेन्शन स्पॅन कमी झाला आहे.
- आत्ता, इथे, रंगीत विश्वात दाखवतात तसेच अनुभव घेणे किंवा घेतोय असे दाखवणे ही फोमो टाळण्यासाठी आवश्यक गोष्ट आहे. म्हणून मराठी लग्नांत संगीत, एका विशिष्ट वयात टॅटू काढून घेणे वगैरेची लाट येते.
- सामान्य माणसाचे जगणे ऑलरेडी वेगवान आहे. सुस्थित, सुखवस्तू, शांत वेळ देऊ शकणाऱ्या प्रेक्षकांची टक्केवारी फार कमी आहे.
- माणूस ४ घटका करमणूक म्हणून सिनेमा पाहणार असेल तर आयबॉल ग्रॅबिन्ग किंवा मग तुम्हाला झिंझाडून टाकणाऱ्या गोष्टींना प्राधान्य मिळते.
- संथ उलगडत जाणारे, हळुवार झिरपत जाणारे चित्रपट गर्दी खेचणार नाहीत.
त्यासाठी, इंडिपेंडेंट सिनेमांसाठी एक वेगळी व्यवस्था असावी व ती बॉलिवूड व हॉलिवूड मधल्या बिग बॅनर्सनी ताब्यात घेऊ नये हे पटते. यासाठी प्रयत्न केले पाहिजेत.
नाट्यगृहात सिनेमा दाखवण्यापेक्षा नाट्यगृह संकुलात एक सिंगल स्क्रीन थिएटर ठेवणे किंवा अशी मागणी करणे शक्य आहे.
प्राईम टाइम शो मिळणार नाहीत हे गृहीत धरून वीकेंड्सना मॉर्निंग शो ठेवून त्याची आगाऊ जाहिरात केली तर सुरुवातीला प्रेक्षक वर्ग लाभून माऊथ पब्लिसिटीचा फायदा होऊ शकतो.

नवीन स्टँडर्ड्स सेट झाली.. सिनेमाला कथा खास नाही पण अमलताशपेक्शा बरी.. गाणी बरी नाही पण मैयाळगणपेक्षा बरी.. सिनेमा अगदीच बकवास पण नवरा … पेक्षा सुसह्य.

मराठी प्रेक्षकांच्या मराठी चित्रपटीय अपेक्षांनी पाताळलोक गाठलाय, त्यामुळे चित्रपटही अपेक्षाभंग करायला कचरतात.

नवीन स्टँडर्ड्स सेट झाली.. सिनेमाला कथा खास नाही पण अमलताशपेक्शा बरी.. गाणी बरी नाही पण मैयाळगणपेक्षा बरी.. सिनेमा अगदीच बकवास पण नवरा … पेक्षा सुसह्य>>
नवीन कॅटगिरी 'बबब!!!' (ह्यातच्या पेक्षा.... त्याच्यापेक्षा बरा...!

मृकु नवीन राजेश खन्ना झाली आहे >>>

तिला बहुधा सध्याच्या काळातील भूमिका करताना काय करायचे कळत नसेल. राजवाडे अ‍ॅण्ड सन्स मधे तिला पुण्याहून मुंबईला कसे जायचे माहीत नसते.

राजवाडे अ‍ॅण्ड सन्स मधे तिला पुण्याहून मुंबईला कसे जायचे माहीत नसते. >>> रिअलि? तो पिक्चर अर्ध्यात सोडला होता मी...

राजवाडे अँड सन्स चांगला होता. त्यातही ममव होताच पण बघणेबल.

गुलाबी मध्ये मृ कु अगदीच बघवत नाही आणि ती बोलली ही आहे फारच कृत्रिम... एकंदरीत तो सिनेमा ही आवडला नाहीच.

राजवाडे अ‍ॅण्ड सन्स मधे तिला पुण्याहून मुंबईला कसे जायचे माहीत नसते.
>>> बघितला आहे पण विस्मरणीय असल्याने विसरला.

नवीन स्टँडर्ड्स सेट झाली.. सिनेमाला कथा खास नाही पण अमलताशपेक्शा बरी.. गाणी बरी नाही पण मैयाळगणपेक्षा बरी.. सिनेमा अगदीच बकवास पण नवरा … पेक्षा सुसह्य>>
मैयाळागन मधल्या गाण्यांपेक्षा ते 'स्वच्छ भारत अभियान' चे घरोघरी हिंडत वाजवतात ते गाणेही बरेच आहे.

माझेमन, चांगले मुद्दे. 'या गोष्टीला नावच नाही' बघायचा आहे. प्राईमवर दोन डॉलर रेंट देऊन दिसत आहे.

संथ उलगडत जाणारे, हळुवार झिरपत जाणारे चित्रपट गर्दी खेचणार नाहीत.>>>> 'दिठी' चालला की नाही माहीत नाही पण असाच वाटला व खूप आवडला होता. वेगळा धागा काढून लिहिले होते त्यावर.

स्त्री प्रधान म्हटलं की अस्सा राग येतो आजकाल, पर्सनली घेऊ नये तरी घेतलं जातंच >>> आय हिअर यू, गर्ल!

मृकु नवीन राजेश खन्ना झाली आहे
बघितला आहे पण विस्मरणीय असल्याने विसरला
>>>

आय हिअर यू, गर्ल! >>>> कस्सं बरोबर कळाले.

राजवाडे अँड सन्स ममव नाही, मश्रीव दाखवण्याचा (फसलेला) प्रयत्न होता
मृ. कु. च्या जागी स.ता. असती तर सायकल चालवत पुण्याहून मुंबईला गेली असती!

सॉरी मित्रांनो तुम्हा लोकांना मराठी चित्रपटातली अति भंगार वेशभूषा खटकत नाही काय ?

पाणी हा चित्रपट घ्या.

हिरो च्या अंगावर अगदी इस्त्री केलेले मस्त त्याला व्यवस्थित फिट बसणारे कपडे आहेत. कोण भेंचो एवढे कडक, पांढरेशुभ्र नवीन कोरे बनियन घालून वावरतो रोज? अगदी ताजे आत्ताच भट्टीतून काढलेले कपडे कोण घालते? आता रिसोलुशन इतके चांगले असते हे कपडे लगेच डोळ्यात भरतात त्यातून चित्रपट कितीही वास्तववादी असला तरी त्याला एक पॉलिश फील येतो हे तुमच्या नजरेला खुपत नाही काय? अरे युरोपियन लोकांचे कपडे आणि फॅशन सेन्स खूप चांगला असतो, तिकडे धूळ फार नसते त्यांचे कपडे नाही लवकर घाण होत. महाराष्ट्रात सकाळी घातलेला पांढरा शर्ट संध्याकाळी मळून जातो. इथे च्यायला तो आदिनाथ चांगली खडी फोडतोय की तर त्याच्या कपड्यावर डाग नाही? काडीचाही विचार का करत नाहीत हे वेशभूषाकार?

कुठलाही मराठी चित्रपट घ्या. ( अपवाद अलीकडेचा "ह्या गोष्टीला नाव नाही" )

ऐतिहासिक चित्रपट तर विचारूच नका. च्यायला काय एकेकाचे कपडे असतात. साड्यांचे जरीकाठाची लाईन कपाळावरून गेलेले पटके कोण घालत होते च्यायला. कुणाला परवडत होते इतके भारी कपडे? काय आचरटपणा चालवतात हे वेशभूषाकार?

कुठल्या मूर्खाने ही फॅशन आणली आहे?

साड्यांचे जरीकाठाची लाईन कपाळावरून गेलेले पटके कोण घालत होते च्यायला.
>>>>
तेच की. लढाई करतील का कपाळाला जर टोचतेय म्हणून कपाळ खाजवतील.
जरीपटका फक्त मानाचा म्हणून द्यायचे ना.

खटकते अशी चकचकीत वेशभूषा मलापण. 'पाणी' नाही बघितलेला, पण 'सायकल' नावाच्या सिनेमातले असे पांढरेशुभ्र कपडे (आणि लालचुटुक कौलं, माती) मला खटकले होते.

ऐतिहासिक सिनेमातील (दोन्ही हिंदी आणि मराठी) Sequence वाल्या टिकल्यांच्या साड्या, वेलवेटचे ब्लाऊज सगळ्यात जास्ती मनस्ताप देणाऱ्या...

एकीकडे मराठी पिक्चर्सना ग्लॅमर नाही म्हणून हिणवायचं आणि दुसरीकडे जरा चकाचक कपडे घातले की खटकले म्हणायचं. बरोबर दिसतं का हे?

ऑन अ सिरीअस नोट, तो मुद्दा मलाही मान्य आहेच. मला वाटतं मला 'सत्यशोधक' मधे सगळ्यात जास्त खटकला कपडेपट.

यावरून आठवले, 'राउ' मालिकेत स्मिता तळवलकर काशीबाईंच्या भूमिकेत होत्या. त्यात त्या आरशात बघून नथ्/मेकअप असं काहीतरी करत असतात असा एक सीन आहे. त्यात त्यांच्या पाठीमागून camera angle आहे आणि त्यांनी एकाच खांद्यावरून पदर घेतला आहे. त्यात त्यांचा ब्लाउज झिरझिरीत असल्याने आतली ब्रा स्पष्ट दिसते आणि खूप वेळ camera असल्याने ते विचित्र वाटतं एकदम. कोणाच्या कसं लक्षात आलं नाही तेव्हा त्याचं नवल वाटतं.

दिग्पाल लांजेकरचीही शिवाजी महाराजांवरची जी फिल्म सिरीज आली होती त्यातही सगळ्यांचे कपडे एकदम चकाचक, अगदी लढाई करत असतानाही न मळलेले होते.

मैयाळागन मधल्या गाण्यांपेक्षा ते 'स्वच्छ भारत अभियान' चे घरोघरी हिंडत वाजवतात ते गाणेही बरेच आहे. >>> सर्कारी गाणी कशी असतात हे जनरली माहीत आहे त्यामुळे इथे आधीच हसतोय पण आता ते अभियान वाले गाणे आधी पाहायला हवे

रॉय - भरपूर खटकते. वेषभूषाच नव्हे तर इतर असंख्य गोष्टी. एक दोन धागे आहेत त्याबद्दल. गर्दीच्या सीन मधे पूर्वी शाळेत जसे समोरच्यापासून एक हाताच्या अंतरावर उभे राहायला लावत तशी शिस्तबद्ध उभी गर्दी. नुसते चकाचकच नवे, तर स्थळकाळाचे संदर्भ रानोमाळ हरवलेले कपडे व दागिने, एखादा सरदार काटक दाखवण्यापेक्षा रोज जिममधे पर्सनल ट्रेनर घेत असल्यासारखा दाखवणे बरेच काय काय लिहीले आहे अनेकांनी

राजवाडे मधे ते वाड्यासमोर सापडते ते पुस्तक कोणते? आठवत नाही. मराठी पिक्चर्स मधली अशी "मिनिंगफुल" पुस्तके - या विषयावर कोणीतरी संशोधन करायला हवे. "बंदिवान..." मधे ययाती असते ना? ते फार ७०ज ममव झाले. आजकालच्या पिक्चर्स मधे एकदम हाय फंडा पुस्तके असतात. त्यांच्या त्या चालू कथानकाशीही काहीतरी संबंध असतो. जुमानजी मधे जसे ती गेम "अवेअर" असते तशी ही पुस्तके अवेअर असावीत आजूबाजूच्या वातावरणाशी व आपण होउन समोर येतात.