मराठी चित्रपट कसा वाटला? - 1

स्पॉयलर अ‍ॅलर्ट
(मागे फिरा न पाहिलेले)

१. इन्शुरन्स क्लेमची प्रोसिजर इतकी सोपी असते का ? इन्शुरन्स कंपनी आपले सर्व्हेअर किंवा जे कुणी असतील इन्वेस्टिगेटर्स वगैरेंना घरी पाठवत नाही का ? तिकडे गेल्यावर ती व्यक्ती जिवंत आहे हे कळणार नाही का ?
२. फ्रॉड डेथ च्या क्लेम मधे मृत्यूचे खोटे सर्टिफिकेट तयार करणे इतके सोपे आहे का ? पोलीस आणि डॉक्टर्स भ्रष्ट असले तरी अशा प्रकरणात ते का साथ देतील ? उलट भ्रष्ट लोक जास्त हुषार असतात.
३. खून झालेला असताना त्याच बिल्डींगचा वॉचमन बदलून ताजा वॉचमन आणला तर पोलीस चेअरमन ला सोडतील का ?
४. त्या मुली आधी येऊन गेल्या हे कुणाच्याच कसे लक्षात नाही आले ?

स्पॉयलर अ‍ॅलर्ट
(मागे फिरा न पाहिलेले)

माणुस मेलेलाच असतो. घरच्यांना पत्ता लागु न देता तो मेल्यावर त्याला गाडीवर घालुन न्यायचे, वाटेत गाडी झाडावर ठोकायची, आपलेही हात पाय थोडे जखमी करायचे आणि माणुस अपघातात मेला म्हणुन बोंब ठोकायची. अपघाती इन्स्युरन्स क्लेम करायचा. तो एक सर्बेयर आलेला असतो त्याला संशय येतो.

मुली आधी येतात तेव्हा गुपचुप येतात.. नंतर मुद्दाम
गाजावाजा करतात.

पहिल्यांदा केलं ते बरोबर वाटते साधना ताई.

स्पॉयलर अलर्ट
माफिनपा
पहिल्या वेळी ज्याचा क्लेम आहे त्याचीच डेड बॉडी होती. यातला गोलमाल म्हणजे मेलेल्या व्यक्तीला अपघातात गेला असे दाखवणे. यात सरपंचाने पो आणि डॉ ना मॅनेज केलं. हे ओके आहे.

पण नंतर घाऊक प्रमाणात तो धंदा सुरू करताना जी माणसं जिवंत आहेत त्यांचे डेथ क्लेम्स ते बनवतात. यात पण एक शंका आहेच.
क्लेम पास झाला तरी चेक नॉमिनीला जाणार. यांना कसे पैसे मिळतात?

ड.पो.

स्पॉयलर अलर्ट
माफिनपा

अमुक रुपयांच्या खालचा क्लेम असेल तर पडताळणी करायला कुणी जात नाही असा काही तरी नियम असतो.
चेक नॉमिनीला जाणार हे बरोबर आहे. त्याचं काय करतात ते लक्षात नाही. की पॉलिसीजही फेक असतात? परत बघायला पाहिजे पिक्चर

पॉलिसीजही फेक असतात? परत बघायला पाहिजे पिक्चर>> खरंय. ही पण शक्यता आहे.

प्राईम वर जीवन संध्या हा चित्रपट बघितला, अशोक सराफ आणि किशोरी शहाणे.
कथे मध्ये नावीन्य नसलं तरी घेतलाय चांगला म्हणून आवडला. अशोक सराफ नी अप्रतिम काम केलं आहे.

मी मागे सांगितलेला लाईक अणि सबस्क्राईब अमेझाॅन वर आला आहे. अवश्य बघा.

लाईक आणि सबस्क्राईब बघितला. बरा आहे. पण सर्वात इनोसंट वाटणारी व्यक्तीच गुन्हेगार असते हेच सूत्र कायम बघायला मिळते. त्यामुळे गुन्हेगार कोण हे मी पहिल्यांदाच ओळखले होते फक्त त्यापर्यंत कसे पोचतात हेच बघायचे होते. असो.
पण एकंदरीत इतर सिनेमांपेक्षा (उदा. गुलाबी, प्राजक्ता माळीचा नवीन आलेला, नाव विसरले आहे, ) खूप बेटर आहे.

गश्मीर चा आणखी एक नवा मराठी सिनेमा येतोय नाव विसरले गाणं आलंय

नाव विसरले गाणं आलंय >> हेच नाव आहे का ?

गश्मीर चा आणखी एक नवा मराठी सिनेमा येतोय >> त्यात तो टॉपलेस अवस्थेत पाण्यातून बाहेर येतो. सगळे अंघोळ पब्लिक खल्लास होईल.

थोडे दिवसांनी माबोवर "अंघोळ कंपू" तयार होणारे बहूतेक

तेवढे सिनेमाचे नाव सांगून ठेवा बरे

मिलिंद सोमण झाला आणि गश्मीरचं झाड पकडा.

टॉपलेस अवस्थेत पाण्यातून बाहेर येतो. सगळे अंघोळ पब्लिक खल्लास होईल.>>>>> गश्मीर ...टॉपलेस

हा गश्मीर भर थंडीत आंघोळी करून "अंघोळ कंपू" वाढवणार इथे.

तेवढे सिनेमाचे नाव सांगून ठेवा बरे>>>> एक राधा एक मीरा

आणि त्यात हेरॉईन कोण तर मृण्मयी!

https://www.loksatta.com/lokrang/film-producer-rahul-deshpande-on-why-am...

आजच्या लोकरंग मधील अमलताश वरील लेख

जर कॉलिन फर्थला ॲड करणार असाल तर मी पण आंघोळ कंपूत सामिल….

आज लोकसत्ता मध्ये अमलताश वर लेख आहे.
राहुल देशपांडेंनी लिहिलेला. ऋतुराजने लिंक दिली आहेच.
बाजूलाच नीरजाचा ( नीधप ) मराठी सिनेमा न मिळणारे थिएटर , शोज , त्यात असणारे प्रॉब्लेम्स आणि त्यावर त्यांच्यापुरत सध्या शोधलेलं solution, box मध्ये रिलीज ह्यावर देखील लेख आहे.
दोन्ही लेख वाचताना माबो आठवले होते.

तो जो एक प्रेक्षक आहे त्याला मचिकवा वाचायला द्या कुणीतरी -
Ref अंमलताश वरचा लेख, वरची link

तेवढे सिनेमाचे नाव सांगून ठेवा बरे>>>> एक राधा एक मीरा>>> कधी येतोय. युट्युबवर तर ट्रेलर ६ वर्षांपुर्वी आलेला दिसतोय. https://youtu.be/UJc04xDuojw?si=vh8dTBBw4r2f2yIp

मायबोलीवर खूप वर्षांपूर्वी पिक्चर चांगला असेल तर थेटर का मिळणार नाही अशी काही तरी खडाजंगी झाली होती का ?
( कदाचित दुसर्‍या ठिकाणी असेल, लक्षात येत नाही)

https://www.maayboli.com/node/86188

गुलाबी बघितला. ठीकठाक आहे. अजिबात माहीत नसेल तर हे घ्या ट्रेलर.
https://youtu.be/L5C74IE-M24?si=ZyVMO90mGrB6ZIZF

मृणाल कुलकर्णी, अश्विनी भावे, श्रुती मराठे
एकदम पुणेरी ममवपणा ओतप्रोत भरलेला किंचित मॉडर्न असा 'झिम्मा' आहे. या तिघीही सुंदर आहेत म्हणून सिनेमा बघणेबल होतो. मृणाल कुलकर्णीचा अभिनय अतिशय कृत्रिम वाटतो. अश्विनी भावेचा त्यामानाने बरा. श्रुती नेहमीसारखीच बॉम्बशेल दिसते. यावेळी लंडन ऐवजी राजस्थान निवडले आहे. तिघींची मैत्री तेथे गेल्यावर होते. श्रुती सतत टिंडर वरून डेटिंग करते. भावे तै डॉक्टर असून घटस्फोटाच्या तणावाखाली आहेत.

मृकु वडील अकाली गेल्याने कुटुंबातील लोकांची जबाबदारी घेण्याने लग्न राहून गेलेली प्रौढ कुमारिका आहे. तिची काळजी करू नका, ती सुंदर दिसते व तिच्या प्रेमात श्रुती चा बॉस पडतो. मृकु नवीन राजेश खन्ना झाली आहे. मृकु चा भाचा श्रुतीच्या प्रेमात पडतो. तिघी छान छान कपडे घालून टल्ली होतात, जयपूर मधे मजा करतात. मधे मधे रडतात. भावे अक्का लफडेबाज नवऱ्याला सोडून देतात. मधे मधे आपल्याला आयुष्याचे धडे दिले जातात. चित्रपटात सबस्टंस नाही, गाणी विचित्र आहेत पण 'मैयाळागन' पेक्षा तर काहीही श्रवणीयच. झाले, जा आता. एवढंच होतं तर मी तरी काय करू.

स्त्री प्रधान म्हटलं की अस्सा राग येतो आजकाल, पर्सनली घेऊ नये तरी घेतलं जातंच.

बरं झालं, या रिव्हूमुळे आता नाही पाहणार गुलाबी.
मृकु नवीन राजेश खन्ना झाली आहे. >>
पण चेहरा तरतरीत आहे. माधुरी आणि अश्विनी भावे दोघींचा चेहरा रबर ताणून बसवल्यासारखा वाटतो. क्लिप पाहिली, अश्विनी भावे आहे कि माधुरी हे कळतंच नव्हतं. खूप ओढलेला चेहरा आहे.

अस्मिता, मस्त लिहिलंय.
मी ही पहिला हा नुकताच.
मृकु चा भाचा दुसरा घ्यायला पाहिजे होता.
तिघीचा वावर सुंदर आहे.
मृकु च्या प्रेमात श्रुतीचा बॉस पडतो ते जरा अति वाटत.
पण त्यांना कदाचित शेवटी ते पंजाबी लग्न दाखवायचे असावे. बुSSर्रा.

मृकुचा भाचा मला ममव NTR Jr वाटला.
राभु

अस्मिताने दिलेला ट्रेलर पाहिला. पिक्चर बघणार नाही. तिघींमध्ये मला मृकुच दिसायला बरी वाटली. अश्विनी भावे खूप वयस्कर आणि चेहरा इस्त्री केलेली दिसते आणि शृती काही अपिल झाली नाही. मृकुला मराठी बोलता येत नाही का? एकदम आर्टिफिशीयल मराठी बोलते. तेच ऐकवणार नाही पिक्चरभर.
झिम्मा, नाच गं घुमा मध्ये बायकच बायका घेण्याचा फॉर्म्युला चालला म्हणजे आता सगळीकडे तेच.

नवसाचा दुसरा नवरा पाहिला प्राईम वर
सुरवातीला वाटलं की हे काय करतोय सचिन, यापेक्षा बरी ॲक्टिंग तर हिमेश पण करेल. मग जसाजसा सिनेमा पुढे सरकला तसं लक्षात आलं की डायरेक्टर सचिन नी सगळ्यांनाच कॅरीकेचरिश ओव्हर अक्टिंग करायला लावली आहे. स्टोरी महा प्रेडिक्टेबल अन् सादरीकरणात नुसती वन लाईन कॅरेक्टर्स अन् रील सीक्वेंस असल्यागत ट्रेन मधले सीन. अशोक सराफही याच गदारोळात वाढीव होताना बघून फार वाईट वाटलं.

त्यातल्या त्यात तात्या विंचूच जरा सहन करणेबल होता.

नसता काढला सिनेमा तर बरं झालं असतं