मराठी भाषा गौरव दिन ​२०२३ - खेळ - म्हणींच्या भेंड्या

पुढच्यास ठेच मागचा शहाणा

शहण्याला शब्दांचा मार

ही म्हण आहे का.

आहे आहे

रात्र थोडी सोंगं फार

रोज मरे त्याला कोण रडे.

मोले घातले रडाया नाही प्रेम नाही माया

नाही काम घरी आणि सांडुन सांडुन भरी

कामापुरता मामा आणि ताकापुरती आजीबाई

दुधाने तोंड पोळले तर ताकही फुंकून प्यावं

म्हण आहे का

वराती मागून घोडे

धागा वर आणण्यासाठी मीच पुन्हा म्हण देते आहे. @संयोजक-मभागौदि-2023 चालेल का?

घोडे मेले ओझ्याने शिंगरू मेले हेलपाट्याने

मेल्या म्हशीला मणभर दूध

भरवश्याच्या म्हशीला टोणगा

अगं अगं म्हशी मला कुठे नेशी
(म्हशीवरून उतरणार नाय)

धन्यवाद संयोजक. माझा म्हणी आणि वाक्प्रचार यात गोंधळ होत होता.

मोरोबा म्हशीवर, म्हणींच्या वेशीवर (उगाच आपलं काहीतरी, ते म्हशीवरून उतरणार नाहीत म्हणाले ना )

हलके घ्या मोरोबा.

शेळी जाते जीवानिशी, खाणारा म्हणतो वातड

रिपीट लिहिली मी बहुतेक, झालेली आहे.

इथे जरा जास्त लुडबूड केली म्हणून इथेच लिहिते.

पुर्ण संयोजक टीमसाठी जोरदार टाळ्या आणि कौतुक, बहारदार झाले सर्वच कार्यक्रम.

वर काढत आहे

शेळी जाते जीवानिशी, खाणारा म्हणतो वातड>>

खाई त्याला खवखवे

साखरेचे खाणार त्याला देव देणार

दैव देतं आणि कर्म नेतं
(हे देव नाही माहीत आहे.कुणाला देव शव्ब्दावरून सुचल तर ओवरराईड करा)

देव तारी त्याला कोण मारी

ह्या वर्षी नव्याने सुरू करूया म्हणजे मागच्या वर्षी म्हणी झाल्या की नाही हे तपासत / आठवत बसायला नको.

करून करून भागली नि देवपूजेला लागली (??)

चांभाराच्या देवाला खेटराची पूजा

देव देवळात आणि चित्त खेटरात

ही बेस्ट म्हण आहे ममो. ऐकली न्हवती.

धन देवळात आणि चित पायताणात असं ऐकलं आहे

अमित, धन्यवाद .
देव देवळात आणि चित्त खेटरात >> म्हणजे देवळात गेलो ट्टी देवाकडे लक्ष कमी आणि बाहेर ठेवलेल्या चपला कोणी चोरून नेत नसेल ना ह्यातच आपल लक्ष असत, असा त्याचा मला समजलेला अर्थ. किल्ली म्हणीत प्रदेशानुसार थोडा थोडा फरक पडू शकतो. अर्थ सेम आहे.

देवावरूनच परत- मनी नाही भाव आणि देवा मला पाव

अरे देवा परत...
आंधळा मागतो एक डोळा, देव देतो दोन