मराठी भाषा गौरव दिन ​२०२३ - खेळ - म्हणींच्या भेंड्या

बर्‍याच नव्या म्हणी कळत आहेत ऋतुराज

_/\_

सख्ख्या सासुला दिली लाथ, चुलत सासुचा कापला कान, तिथे मामे सासु मागते मान.

धन्यवाद मानव, माझं कन्फुजन दुर केलंत.

इथे नवीन नवीन म्हणी कळतायेत.

लाथ सोसते पण बात सोसत नाही

लाथ मारेन तिथे पाणी काढेन.

नावाचा नाईक आणि जगाचा पाईक

नाव सोनूबाई, हाती कथलाचा वाळा.

Btw सन tv मराठी वर प्रेमास रंग यावेचे काही भाग बघितले, त्यात एक व्हिलन म्हणीतच बोलते, किती नवीन म्हणी ऐकल्या, माझ्या एकही लक्षात राहिली नाही तो भाग वेगळा

हातात कवडी विद्या दवडी

भटाला दिली ओसरी, भट हात पाय पसरी..

अंथरुण पाहून पाय पसरावेत.

गोगलगाय आणि पोटात पाय.

आधी पोटोबा मग विठोबा

बाजारात तुरी भट भटणीला मारी.

रोज मरे त्याला कोण रडे.

स्वतः मेल्याशिवाय स्वर्ग दिसत नाही.

दुसऱ्याच्या डोळ्यातले कुसळ दिसतं पण स्वतःच्या डोळ्यातले मुसळ दिसत नाही.

आंधळा मागतो एक डोळा देव देतो दोन.

देव लागला द्यायला, पदर नाही घ्यायला

लेकी बोले सुने लागे

गाढवापुढे वाचली गीता, कालचा गोंधळ बरा होता.

तरण्या झाल्या बरण्या आणि म्हातार्‍या झाल्या हरण्या

ऋतुराज. - तुमच्याकडे वेगळ्याच म्हणींचा साठा आहे.
म्हणी, वाक्प्रचार आणि त्यांचा उगम व अर्थ. https://www.maayboli.com/node/69019
असा एक धागा आहे तिथेही नोंदवून ठेवा हा तुमच्याकडचा ठेवा

गाढवांचा गोंधळ, आणि लाथांचा सुकाळ

गाढवाला गुळाची काय चव?

गाढवापुढे वाचली गीता कालचा गोंधळ बरा होता

त वरून

तेल गेलं तूप गेलं, हाती आलं धुपाटणं

नमनाला घडाभर तेल. (कोणी कोणी पाणीही म्हणतं पण मी ही म्हण अशीच शिकलेय शाळेत) .

’नमनाला घडाभर पाणी’ कधीच ऐकले नाही. जे म्हणतात ते ’पालथ्या घड्यावर तेल’ म्हणत असावेत का?

उधार तेल खवट.

ऋतुराज, सगळ्या म्हणी जबरी!

हाहाहा मानव सहीच, मीही आयुष्यात फार उशीरा ऐकलं.