नारळी पौर्णिमेला जनरली नारळीभात केला जातो पण तो ज्यांना आवडत नाही त्यांच्या साठी ही एकदम सोपी , पट्कन होणारी आणि ही चवीला अप्रतिम अशी नारळाची बर्फी ...
साहित्य
डेसिकेटेड कोकोनट पाव किलो ( तीन मेजरिंग कप )
साखर दीड कप
दूध अंदाजे पाव लिटर
साय / क्रीम छोटे दोन तीन चमचे.
सुकामेवा, केशर रंग, चांदीचा वर्ख वैगेरे ऐच्छिक
एका pan मध्ये दूध उकळत ठेवा. उकळल्यावर दोन तीन मिनिट ढवळत राहून थोड कमी करा. नंतर त्यात साखर घालून ढवळत रहा आणि निम्मं होय पर्यंत आटवा. नंतर त्यात डेसिकोटेड कोकोनट आणि क्रीम घालून पुन्हा ढवळत रहा. तो कीस कोरडा असल्याने दूध पटकन शोषून घेतो आणि मिश्रण पटकन आळतं. Pan पासुन सुटू लागल्यावर थोड मिश्रण हातात घेऊन त्याची गोळी वळत असेल तर गॅस बंद करा. तूप लावलेल्या थाळ्यात जाडसर थापा ( बर्फी आहे वड्या नाहीत ). वरून जो हवा तो सुकामेवा घाला, साधारण गार झाल्यावर वड्या कापा पूर्ण गार झाल्यावर खा. ( त्या आधीच काढून घेऊन खाल्ल्या जातात )
हा फोटो
हा आणखी एक फोटो ह्यात टेक्सचर बेटर दिसतय.
ही दुरंगी बीट रुट रस घालून.
१) डेसिकेटेड कोकोनट असला तरी कोरडी होत नाही मस्त मॉईस्ट आणि क्रिमी होते. प्लस नारळ खोवण्याचा त्रास वाचतो ते वेगळच.
२) दोन रंगाचं मिश्रण केलं तर डबल डेकर बर्फी बनते आणि मस्त दिसते. नुसती पांढरी ही छानच दिसते. मी आंब्याचा आटवलेला रस घालून केली आहे.
३) ह्याची चव खरचं नारळाच्या बर्फी सारखी लागते. वड्यांसारखी लागत नाही.
४ ) कोणी चहाला येणार असेल तर गोड म्हणून हा एक चांगला ऑप्शन आहे. एक दिवस आधी ही करुन ठेवू शकतो.
बर्फी आणि वडीतला फरक स्पष्ट करायचा प्रयत्न करणारी ही ती फेसबुक लिंक
https://m.facebook.com/groups/606730686147413/permalink/2777766349043825...
छंदिफंदी, मस्त आठवण .
छंदिफंदी, मस्त आठवण .
पूर्वी विकतचा खाऊ परवडत नसे म्हणून अश्या कसल्या तरी वड्या न्यायची पद्धत होती .>>>> मुख्य म्हणजे तेव्हा yevhadhi दुकाने नव्हती, आणि गावात तर नसायचीच त्यामुळे घरचे खाऊ न्यायचीच पद्धत असावी. नारळ तर घरचेच असायचे.
मस्त दिसतायत वड्या! मुख्य
मस्त दिसतायत वड्या! मुख्य म्हणजे डेसिकेटेड कोकोनट वापरलाय त्यामुळे करता येतील.
सुंदर दिसताहेत वड्या. करून
सुंदर दिसताहेत वड्या. करून बघेन नक्की.
बाई, दीपची मावा पावडर
बर्फी सारखी वडी असल्याने
बर्फी सारखी वडी असल्याने प्रत्येकी एक खुप होते.>>फोटो पाहून तर no one can eat just one असं वाटतंय.
>>>>no one can eat just one
>>>>no one can eat just one
अगदी अगदी!!!
>>> बाई, दीपची मावा पावडर
>>> बाई, दीपची मावा पावडर
अर्रे हो की!
केली... केली..... केली.......
केली... केली..... केली.........
मस्तच आहे रेसिपी.. वाचूनच करावीशी वाटेल अशी.
माझी थोडी मऊ झाली, दूध जास्त झाले असेल.
चव छान आली.
खाणार्‍यांनी दोन दोन वेळेस विचारले की खरंच घरी केलीय का ???
काय कातिल फोटो आहे बर्फीचा!
काय कातिल फोटो आहे बर्फीचा!
मी पण केली. इवॉपरेटेड मिल्क
मी पण केली. इवॉपरेटेड मिल्क वापरून केली कारण अनायसे कॅन होते घरात आणि डेसिकेटेड कोकोनट ऐवजी स्वीटन्ड कोकोनट फ्लेक्स वापरले तेही होते घरी म्हणून (कोकोनट मॅकरून्स साठी वापरतात ते). त्यामुळे अजिबात नो साखर. माझ्याकडे आंब्याचा आटवलेला गोळा होता तो घातला आणि २ चमचे मावा मिल्क पावडर. सुरेख झालीये. धन्यवाद या रेसिपीसाठी.
सुरेख. तू सांगतेयस सोपी आहे
सुरेख. तू सांगतेयस सोपी आहे म्हणून. (तेवढी सोपी नसेल,तरी ) करावी का असा विचार येतोय. करतेच.
अंजली ची पण छान दिसतेय.
छंदिफंदी, स्वाती२ , सिंडरेला
छंदिफंदी, स्वाती२ , सिंडरेला, ऑर्किड, सामो, स्वाती, धनवंती, मानव, अंजली _१२, धनुडी ... धन्यवाद सर्वांना.
मुख्य म्हणजे तेव्हा yevhadhi दुकाने नव्हती, आणि गावात तर नसायचीच त्यामुळे घरचे खाऊ न्यायचीच पद्धत असावी. नारळ तर घरचेच असायचे. >> हे पण आहेच.
पाहून तर no one can eat just one असं वाटतंय. >>ऑर्किड , फारच मस्त .. थँक्यू.
धनवंती अंजली , करून बघितली आणि जमली म्हणून मलाच छान वाटतय. अंजलीने तर खुप बदल करून ही वड्या मस्त पडल्या आहेत. वड्या ओलसर वाटल्या तर पुन्हा गॅसवर ठेवलं तरी वर्क होत. वड्या नीट झाल्यात ह्याची खात्री झाली की मगच पातेल घासायला टाकायचं. धनवंती , फोटो दाखव असेल तर, अंजली वड्या मस्तच दिसतायत.
धनुडी, खरचं खुप सोप्या आहेत, कमी श्रमात पुष्कळ फळ देणारी रेसिपी आहे, नारळ खोवण्याचे कष्ट ही नाहीयेत.
वा मस्त दिसतायत वड्या.
वा मस्त दिसतायत वड्या. करायलाही सोप्प्या आहेत.
आज ह्या रेसिपीने बर्फी करून
आज ह्या रेसिपीने बर्फी करून बघितली. नेमकं खोबरं जाड आणलं गेलं. ते मिक्सरमधून फिरवून थोडं बारीक करून घ्यावं हे मला सुचलच नाही! त्यामुळे एका वेळी पातेल्यात नारळाची बर्फी शिजते आहे की शेवयांचा उपमा असा प्रश्न पडला.
मी एकच कप साखर घातली आणि अजून थोडी कमी पण चालली असती असं वाटलं. केशर घातलं.
चव खूप सुंदर आली आहे. आटीव घोटीव लागत आहेत एकदम! पुढच्या वेळी बारीक खोबर्‍याच्या किंवा ओल्या नारळाच्या करून बघेन.
रेसिपी करता धन्यवाद !
<<>धनवंती , फोटो दाखव असेल तर
<<>धनवंती , फोटो दाखव असेल तर>>>
फोटो आहे पण मला इथे फोटो upload करण्यापेक्षा तुमच्या घरी बर्फी घेऊन येणे सोपे जाईल...
माझे फोटो इथे upload होतच नाहीत...
एकदम तोंपासू बर्फी..मनिमोहर
एकदम तोंपासू बर्फी..मनिमोहर तुम्ही जे काही कराल ते परिपूर्णच असतं !
आंब्याचा आटवलेला रस म्हणजे मँगो पल्प का? तो बर्फी करताना नेमक्या कोणत्या वेळी घालायचा आहे ?
सायो, पराग धनवंती धन्यवाद.
सायो, पराग धनवंती धन्यवाद.
आटीव घोटीव लागत आहेत >> परफेक्ट लिहिलं आहे. एवढ्या. कमी दुधात खरचं आटीव घोटीव चव येते.
साखर एक कप वापरून ही वड्या नीट सेट झाल्या असतील तर छानच आहे.
ओल्या नारळानी चव बर्फी सारखी न लागता वड्यांसारखी लागेल का असं वाटतयं.
त्यामुळे एका वेळी पातेल्यात नारळाची बर्फी शिजते आहे की शेवयांचा उपमा असा प्रश्न पडला. Wink
धनवंती , समजू शकते, मा बो वर फोटो अपलोड करणे आहे खरचं कठीण. मी किती झगडले आहे हे माझं मलाच माहित. असो. घरी केव्हाही वेलकम ...
आंब्याचा आटवलेला रस म्हणजे
थँक्यू ममो.. तुमची ही रेसिपी हीट आहे. नेहेमीच्या नारळाच्या वड्यांपेक्षा पटकन होणारी.
आंब्याचा आटवलेला रस म्हणजे मँगो पल्प का? >>>>>> नाही तो पात्तळ असतो. मी जो भारतातून आणलाय तो एकदम कडक गोळा आहे. त्याला आंब्याचा मावा म्हणतात. तो मी खोबर्‍याचं मिश्रण थोडं आळत असताना घातला.
तुमच्या खमंग कुरकुरीत शेव
तुमच्या खमंग कुरकुरीत शेव धाग्यावर पण मला फोटो टाकायचे होते पण नाहीच लोड झाले..
ती शेव पण मस्त होती.. मी बर्‍याच वेळा केलीय.
मी मध्यंतरी फोटो टाकयचा होता
मी मध्यंतरी फोटो टाकयचा होता तेव्हा तो मलाच वॉट्सॅपवर पठवला आणि मग सेव्ह करुन लोड केला. त्याने साईझ थोडी कमी होते.
>>> ओल्या नारळानी चव बर्फी
>>> ओल्या नारळानी चव बर्फी सारखी न लागता वड्यांसारखी लागेल का असं वाटतयं
म्हणजे मला कळलं नाही, बर्फी आणि वडीत काय फरक असतो?
आताच चवीपुरती खाल्ली.
आताच चवीपुरती खाल्ली.
पण हा रंग खूप आवडला.
एकदम तोंपासू बर्फी..मनिमोहर
एकदम तोंपासू बर्फी..मनिमोहर तुम्ही जे काही कराल ते परिपूर्णच असतं ! >>स्वांत सुखाय, धन्यवाद, पण परिपूर्ण वगैरे म्हणजे जरा जास्तच वाटतय. जे त्यातल्या त्यात बरं होतं तेच दाखवते.
आटवलेला रस म्हणजे पल्प नव्हे. आंब्याचा रस सिझन मध्ये चक्क चुलीवर आटवून गूळ असतो तेवढा घट्ट करायचा. वर्षभर मस्त टिकतो आणि असा वापरता ही येतो.
तुमची ही रेसिपी हीट आहे. नेहेमीच्या नारळाच्या वड्यांपेक्षा पटकन होणारी. >> धन्यवाद अंजली.
ती शेव पण मस्त होती.. मी बर्‍याच वेळा केलीय. >>थँक्यू धनवंती इथे फोटो अपलोड करणं आहे खरचं जिकिरीचं . असो.
सायो , बरोबर होतो तसा ही रिसाईज फोटो.
बर्फी आणि वडीत काय फरक असतो? >> स्वाती, नीट सांगता येईल की नाही डाऊट आहे पण प्रयत्न करते. मुख्य फरक मला वाटत Texture मध्ये असतो. वडी घट्ट असते आणि बर्फी थोडी रवाळ, हरवाळ असते. बर्फी थोडी जास्त क्रीमी, ज्युसी आणि मऊसर आणि तोंडात विरघळणारी असते वडी पेक्षा. अर्थात वड्या मुऊ झाल्या तर ती बर्फी होणार नाही texture ही तेवढंच महत्वाचं आहे. कोणाला आणखी नीट सांगता आलं तर प्लिज लिहा इथे.
मी केलेली रेसिपी ही वड्यांसारखी लागत नसून बर्फी सारखी लागत होती. म्हणूनच धनवंती ने ही लिहिलं आहे की
खाणाऱ्याने दोन दोन वेळा विचारल " घरी केली आहे का म्हणून ? "
रघु आचार्य धन्यवाद.
बर्फी आज खाल्ली तर जरा कोरडी
बर्फी आज खाल्ली तर जरा कोरडी वाटली. चितळ्यांची बर्फी पण कोरडी पडते पण जास्त दिवस पडून राहिली तर... इतक्या लगेच नाही होत.
मी जास्त वेळ गॅसवर ठेवली का ? की थोडं अजून दूध / क्रिम घालायला हवं होतं ?
पराग, माझ्या मते मिश्रण जास्त
पराग, माझ्या मते मिश्रण जास्त वेळ गॅस वर ठेवलं गेलं असेल.
मिश्रण pan पासुन सुटू लागून गोळा व्हायला लागलं की थोड हातात घेऊन त्याची गोळी करायची , मिश्रण हाताला न चिकटता नीट गोळी वळली गेली की गॅस बंद करायचा ही माझी खूण आहे. पुढच्या वेळी असं करून बघा वर्क होतंय का ते.
ओके ममो, माझ्या लक्षात येतंय
ओके ममो, माझ्या लक्षात येतंय तुम्ही काय म्हणताहात ते. चवीपेक्षा पोताबद्दल आहे ते.
खरंतर त्यामुळेच 'ओल्या नारळानी चव बर्फी सारखी न लागता वड्यांसारखी लागेल ' या वाक्याशी अडखळले होते मी.
धन्यवाद.
छान दिसत आहेत, पाककृती वाचली
छान दिसत आहेत, पाककृती वाचली आणि करावीशी वाटली. मनिमोहोर ची पाककृती एकदम सुबक असतात.
माझी आजची समस्या:
माझ्याकडे नेहेमी एखादा जिन्नस नसतो, तर कधी मिळण्याची शक्यता नसते. तरीपण मी काहीतरी जुगड करते. पण आज मुख्य घटकानेच संकटात टाकलं आहे. इथे dessicated coconut च्या नावाखाली जे मिळतं त्याला खवट्ट पणा असतो. म्हणून coconut flour आणले आहे, कधी वापरले नाहीय, तर कोणी जाणकार सांगू शकतील का, या पाककृतीत ते चालेल का?
मी वर लिहिला खरा वडी आणि
मी वर लिहिला खरा वडी आणि बर्फी मधला फरक पण त्यातली सीमा रेषा फारच अस्पष्ट असल्याने मी काही नीट सांगू शकले नाही हे माझं मला ही कळत होत.
"मुंबई स्वयंपाकघर" हा ह्या विषयाला वाहून घेतलेला एक गृप आहे फेसबुकवर , ( इथले ही असतील मेंबर तिथे ) तिथे मी मदत मागितली ह्या साठी आणि अनेक जणांनी प्रतिसाद देऊन फरक स्पष्ट करण्याचा प्रयत्न केला आहे. लिंक हेडर मध्ये देत आहे , डिलीट करायची असेल तर तिकडे करता येईल इथे चार तासांनंतर नाही करता येणार.
MeghaSK धन्यवाद तुला रेसिपी आवडली आणि करावीशी वाटली म्हणून . पण तू जे कोकोनट flour baddal लिहिलं आहेस त्याबद्दल मी आत्ता इथेच प्रथमच वाचत आहे त्यामुळे ते उपयोगी पडेल की नाही ह्या बद्दल काही मी सांगू शकणार नाही.
मला उगीचच वाटायचं वडी म्हणजे
मला उगीचच वाटायचं वडी म्हणजे पाकाची व बर्फी म्हणजे (थोड्यातरी) खव्याची. पण उत्तर भारतात सगळ्याला बर्फीच म्हणतात. आपण बेसनाची वडी म्हणतो, ते बेसन बर्फी. त्यामुळे वड्या खुटखुटीत असून 'पक्की रसोई' या वर्गात येतात, टिकणाऱ्या असतात. बर्फी मात्र 'कच्ची रसोई' असल्याने फ्रीजमध्ये ठेवून , लवकर संपवावी लागते.
मला नक्की माहीत नाही.
आज ही लेअर वाली केली होती.
आज ही लेअर वाली केली होती. अर्ध्या भागात बीट रुटचा रस घालून पुन्हा दोन मिनिट गॅसवर ठेवून मग पांढऱ्यावर पसरल. मस्तच झाली आहे आणि दिसते पण छान आहे रंगामुळे.
दुरंगी कापताना एक काळजी घ्यायची. ती म्हणजे वड्या कापताना सुरी एकदाच वरून खाली फिरवायची. सारखी वर खाली करायची नाही आणि सुरी बाहेर काढली की प्रत्येक वेळी पुसून घ्यायची.
ममो कसलं भारी करता तुम्ही.
ममो कसलं भारी करता तुम्ही. परीसस्पर्श आहे तुमच्या हाताला.
Pages