सतीचं वाण घेतलेल्या बंदिवान सासुरवाशिणीच्या माहेरची माणसं

ते पाहता काकूंनी कमलला 'या घरात तुला 'माझ्याव्यतिरिक्त' अजून कुणी दिसत नाही ना?' असे विचारायला हवे. >>> म्हणजे काकूंच काड्या करून घर बळकावण्याकरता या दोघांना बाहेर काढतात असे का?

पण 'तुझीच नजर वाईट, गप मेले' अशा अपराधी भावनेत कित्ती कित्ती वर्षे काढली मी....सत्याला मरण नसते ते असं . >>>

अस्मिता - वरच्याचा वरचा म्हणजे अल्गॉरिदम वगैरेचा उल्लेख आहे तो का?

चेकॉव्हची बंदूक प्रिंसिपल वाले असणार ते.
आपण आपले रेड हेअरिंग स्कूल ऑफ थॉट वाले. ढळढळीत समोर दिसलं तरी ते आपल्याला उल्लू बनवायला ठेवलंय हेच आधी मनात येणारे.

>>> नववारी पातळ किती revealing असू शकते
म्हणूनच त्याला 'पातळ' म्हणत असावेत. बाकी बायका नेसतात त्या साड्या/लुगडी.

भारी रीव्ह्यू आणि कमेन्ट्स. माझा 'का पाहिलास पण?!' हा प्रश्न अजून अनुत्तरित आहे.

..

हा कल्ट मुव्ही आहे बहुतेक...

"Many times, I find myself daydreaming about bringing this movie to Hollywood, envisioning Regina Phelangi in the role of Asha Kale, while I take on the character of Nile Phule.
Dreams have a way of sparking our imagination, don't they? — Ken Adams (2000)

म्हणजे काकूंच काड्या करून घर बळकावण्याकरता या दोघांना बाहेर काढतात असे का?<<<<
अर्थात!!! निफुच्या चार पिढ्या त्या घरात (आणि त्या गावात) राहिल्या, आता कमल पोटुशी असल्याने पाचवी पिढी येण्याच्या वाटेवर! काकूंनी घर बळकवायला वाट पहावी तरी किती? काकूच खरा व्हिलन आहेत कथेतल्या. त्यांनी लहानपणापासून गुरूला वाढवायच्या मिषाने योग्य वयात त्याचे लग्न होऊ दिले नाही, पण तो गुपचूप लग्न करून आला. म्हणून नव्या नवरीच्या स्वागताला त्याच दिवशी न येता त्या खूप दिवसांनी दोडकी घेऊन आल्या. ज्यात 'कमल, तू लाडकी नव्हे, तर दोडकी आहेस' हा गूढ अर्थ होता.

#दोनतासकुठंहोतातकाकू या हॅशटॅगला 'योग्य वेळी हथोडा मारण्यासाठी लोहा गरम होण्याची वाट पाहत होते' हे उत्तर आहे. निफुला मॅक्स पश्चात्ताप केव्हा होईल, त्यावेळीच काकूंनी 'कमळी रे कमळी व्हेरी गुड व्हेरी गुड, भाऊसाहेब व्हेरी बॅड व्हेरी बॅड' अस्त्र बाहेर काढले.

एका सीन मधे कमल त्या माधवला विचारते की तुझ्या हातात कोणते पुस्तक आहे. तो सांगतो "खांडेकरांचे"<<<< पुस्तक 'दोन ध्रुव' असते पण.

फारएंडचे विश्लेषण लेखकाने वाचले असते, तर 'ययाती'च दिले असते हातात.

खूप दिवसांनी दोडकी घेऊन आल्या. ज्यात 'कमल, तू लाडकी नव्हे, तर दोडकी आहेस' हा गूढ अर्थ होता. >>>

मला खांडेकर हा शब्द ऐकूही आला नव्हता. अविनाश खर्शीकर मला दिसलाही नाही व ऐकूही आला नाही. तो तरंगत आला व वांग्याची भाजी खाऊन तरंगत गेला. >>> पाटील सुद्धा त्याचे वर्णन "ते हडकुळं" असा करतो

आपण आपले रेड हेअरिंग स्कूल ऑफ थॉट वाले. ढळढळीत समोर दिसलं तरी ते आपल्याला उल्लू बनवायला ठेवलंय हेच आधी मनात येणारे. >>> हे त्या पाटलाला सांगायला हवे होते कोणीतरी

सगळे महान आहात
चित्रपट पाहिला नाही, पण त्या काळात सेन्सर बोर्ड इतकं कडक होतं की लोकांना एकमेकांऐवजी कॉमन पिसाची चुंबनं घ्यावी लागायची.त्या काळातले कोव्हीड कॉन्टॅक्टलेस प्रोटोकॉल्स.तिथे आशा काळे ची पातळ पातळं कट झाली नाहीत का?

'या घरात तुला 'माझ्याव्यतिरिक्त' अजून कुणी दिसत नाही ना?'
लाडकी-दोडकी

'कमल, तू लाडकी नव्हे, तर दोडकी आहेस' हा गूढ अर्थ होता.
कमळी रे कमळी व्हेरी गुड व्हेरी गुड,
>>>> श्रद्धा

तिथे आशा काळे ची पातळ पातळं कट झाली नाहीत का?>>>
हिपोक्रसीचा उत्कृष्ट नमुना.
चार पोरं झाली पण आम्ही कधी वडिलधार्यांसमोर बोललो नाही एकमेकांशी हे कौतुकाने सांगणार्यांच्या देशात सेन्सॉर बोर्ड अपवाद कसे ठरेल?

वरचे सगळेच प्रतिसाद भन्नाट आहेत. आता मी 'कमली हो गई तेरे बिना' किंवा 'नि मैं कमली कमली' वगैरे गाणी या चित्रपटात आशा काळेवर चित्रित असती तर काय संस्कारी बदल करावे लागले असते हे (पाटील न होता) इमॅजिन करतोय.

(पाटील न होता)<<<<< कंस फार म्हत्त्वाचा आहे हा!

'नि मै कमली कमली' गाण्यात आशा काळे????? कल्पूनच घाम फुटला. आमिर खानने तर नृत्याची परीक्षा न घेताच तिला पास केले असते.

आशा काळेचा 'देवता' आठवला चर्चेवरून. डाकू असलेल्या रवींद्र महाजनीला अटक करायला पोलीस येतात आणि बाजूला उभ्या आशा काळेला पाहून 'अजून काय शिक्षा करायची लेका तुला?' म्हणत बेड्या न ठोकता निघून जातात, हा सीन पाहणीय आहे. 'आशा नाम मनुष्याणां काचिदाश्चर्यशृंखला' हे वचन तिथेच उगम पावले.

सुलोचना ताईंच्या अंत्ययात्रेवेळी कुणी आशा काळेंचे रडणं बघितलं का? मला तर खूप नाटकी वाटत होत.

डाकू असलेल्या रवींद्र महाजनीला अटक करायला पोलीस येतात आणि बाजूला उभ्या आशा काळेला पाहून 'अजून काय शिक्षा करायची लेका तुला?' म्हणत बेड्या न ठोकता निघून जातात >>>> खरंच?

'आशा नाम मनुष्याणां काचिदाश्चर्यशृंखला' हे वचन तिथेच उगम पावले. >> कहर!

>>>>'आशा नाम मनुष्याणां काचिदाश्चर्यशृंखला' हे वचन तिथेच उगम पावले.
_/\_

खरंच?<<<< नाही नाही. तो सरेंडर करतो आणि नंतर प्रतिथयश बिल्डर बनतो, असे काहीतरी आहे.

कहर लिहीलय एकेकाने. मी आशा काळेचे असलेच रडके पिक्चर बघून तिचे नाव निराशा ठेवले होते .

कहर लिहीलय एकेकाने <<<< ++११११
एकदम हासुन्हासुन पुरेवाट.... :)) :))

हो मी तोच पिक्चर सुचवणार होते. तिने डाकुला नवरा म्हटल्यावर बाकी डाकू वर्गापासून रक्षण होतं.स्टॉकहोम सिंड्रोम ची आद्य केस.

तुम्हाला सुंदर जयश्री गडकरी आणि मायग्रेन असलेलं भूत बघायचं असेल तर काय हो चमत्कार नक्की बघा.यात मायग्रेन चं औषध पण एकदम विचार करण्यायोग्य आहे.

बापरे...
असले सिनेमे माहिती तरी कसे होतात तुम्हाला?

बाजूला उभ्या आशा काळेला पाहून 'अजून काय शिक्षा करायची लेका तुला?' म्हणत बेड्या न ठोकता निघून जातात >>>
'आशा नाम मनुष्याणां काचिदाश्चर्यशृंखला' >>>

(पाटील न होता) इमॅजिन करतोय. >>>

या पिक्चरने आत्तापर्यंत दोन कादंबर्‍या, ४-५ गाणी व एक सुभाषित इतके संदर्भ चर्चेत आणले आहेत. ३-४ इतर मराठी पिक्चर्स सुद्धा - "काय हो चमत्कार" ते "पुणे-५२" रेंज मधले. आणि तरीही लोक विचारत आहेत का पाहिला म्हणून

माधव हवेतून तरंगत आला या वाक्यावरून मला आशा काळे "बहती हवा सा था वो" गात आहे असेही डोळ्यासमोर आले. निफू नाहीतरी तिला तो तुझा "यार" आहे असे म्हणतोच. त्यामुळे "यार हमारा था वो" वगैरे सुद्धा लागू होईल.