सतीचं वाण घेतलेल्या बंदिवान सासुरवाशिणीच्या माहेरची माणसं

आपला पाटील होता होता (तिचा बाप) नाना पळशीकर होतो. >>>

हा चित्रपट युट्युब वर नाहीये
गाणी आहेत फक्त
आणि गाण्याखाली कॉमेंट वाचली मी.
प्लिज अपलोड मुव्ही
TRP वाढलाय चित्रपटाचा

जाऊ द्या हो झकासराव, इतकाही आवर्जून बघावा असा नाही. प्राईम वर आहे. मी पळवत पळवत बघितला. अचानक निर्मात्याला बजेट संपल्याचे जाणवले असावे आणी शेवट घाईघाईने गुंडाळला. तो पुठ्ठ्याचे घर बांधणारा बालमित्र कुठे गायब झाला ? पेमेंट मिळाले नाही म्हणून सोडला असावा.

'.. आणी ती निळू फुले सोबत सुखाने संसार करू लागली' हा सुखांत शेवट ?

अस्मिताने कसा आणि का, हा सिनेमा पाहिला तो पाहिला, आता फा सारखे लोक तो बघायला जाताहेत! आता त्याने पाहिला म्हणून विकु आणि तत्सम लोक मुद्दाम शोधून बघणार . हे म्हणजे ते मीम स्टॉक्स असतात ना, कोणीतरी ट्रोल इन्वेस्टर्स अचानक त्याची किंमत दुप्पट तिप्पट करुन ठेवतात तसे झाले आहे त्या निर्मात्यांना पण कळणार नाही इतके हिट्स का आलेत २ दिवसात.

ते पुठ्ट्याचे घरही झेपले नाही. आम्ही साधा आकाशदिवा करतो तर घरभर कचरा होतो. हा कुठेतरी डोंगरावर जाऊन ते घर करतो आणी कचरा नावालाही नाही. बहुदा निर्मात्याला 'चल चहाटळ कुठला' हे वाक्य फार आवडले असावे व त्याने त्या राव सहेबांच्या सितारिस्ट सारखे कोंबायला लावले असावे.

अस्मिता, तुझ्या लेखामुळे मीही पाहिला हा सिनेमा प्राईमवर.

त्या भाऊसाहेबांच्या दिवाणखान्यात भिंतीवर बायांची उत्तान चित्रे काढलेली आहेत, अखंड डोळे लाल आणि हा म्हणे सज्जन माणूस आहे, अशी निफुची समजूत शेवटपर्यंत आहे.

कमलचे बाबा पुठ्ठ्याचं घर मोडताना आधी बेडरूमवरच लाथ घालतात, यात काही लपलेला अर्थ असेल का?

त्या मावशी का कोण, भर संध्याकाळचं येऊन कमलला 'तुला कुणी दिसत नाही ना?' विचारून निघून जातात थांबायला वेळ नाही म्हणत. मग म्हातारे, घाबरवतेस कशाला तिला?

त्या भाऊसाहेबांच्या दिवाणखान्यात भिंतीवर बायांची उत्तान चित्रे काढलेली आहेत,

बहुदा निर्मात्याला एखाद्या दुकानाच्या 'Store Closing ! everything must go !' सेल मध्ये ही उत्तन चित्र मिळाली असावीत. कारण 'सावज घावना' या लावणीतही तसलीच चित्रे तमाशाच्या थिएटर च्या भिंतीवर आहेत.

कमलचे बाबा पुठ्ठ्याचं घर मोडताना आधी बेडरूमवरच लाथ घालतात, यात काही लपलेला अर्थ असेल का? >>> या प्रतिक्रिया चहा घेताना वाचल्या. नशीब तोंडात चहा नव्हता

त्या मावशी म्हणजे शेजारच्या काकू का? कारण माहेरी एक काड्या घालणार्‍या मावशी आहेत.

त्या निर्मात्यांना पण कळणार नाही इतके हिट्स का आलेत २ दिवसात >>> टोटली.

बहुदा निर्मात्याला 'चल चहाटळ कुठला' हे वाक्य फार आवडले असावे व त्याने त्या राव सहेबांच्या सितारिस्ट सारखे कोंबायला लावले असावे. >>> हे भारी आहे.

बायको विहिरीत पडल्यावर निफु वाकून बघायला सुद्धा जात नाही बसल्या ठिकाणी 'वाचवा, वाचवा 'करतो. >>> हो आठवले. "चिकन-बालमित्र" ही लोल

......सतीच् वाण, सतीच वाण , सतीचं वाण......

त्या मावशी म्हणजे शेजारच्या काकू का?<<<<<<
हो हो त्याच! कमलची काळजी वाहणाऱ्या काकू..

कमलची काळजी करणाऱ्या काकूंनी करकरीत कातरवेळी (भुताची) कहाणी कथिली.

फा, विकु, आणि श्रद्धा, धमाल प्रतिसाद

'टिडिंग टि डिंग डिंग-टिडिंग टि डिंग डिंग' आहे >> पटलंच.

पाहिला पूर्ण. आता अ‍ॅमेझॉन प्राइमचा अल्गॉरिदम मला काय काय सल्ले देतो पाहतो

उर्वरित पिक्चर मधे फार काही सापडले नाही. गावात वर्षानुवर्षे राहणारे लोक शेजारच्या गावाला "शेजारचे गाव" असेच म्हणतात. त्या गावाला नाव वगैरे नसावे. . बैलगाडीत पाटील स्पर्श करायचा प्रयत्न करतो तेव्हा आशा काळे एक रडका सीन सादर करायला खांब शोधत आहे असे वाटते. आशा काळे प्रेग्नंट आहे ही माहिती तिच्या नवर्‍याआधी शेजारच्या काकूंना मिळते. काकूंना एक लाइक ऑलरेडी दिलेला असल्याने आता काय इमोजी द्यावी माहीत नाही

काल सतीचं वाण तीनचार मिनिटे पाहिला. लंपननी आशा काळेच्या 'अभिनयाचं' केलेलं वर्णन पर्फेक्ट आहे.

काकूंना एक लाइक ऑलरेडी दिलेला असल्याने आता काय इमोजी द्यावी माहीत नाही >>>

काकूंना एक लाइक ऑलरेडी दिलेला असल्याने आता काय इमोजी द्यावी माहीत नाही<<<<< आता बदाम देता येईल. काकू त्यातून कमळीसाठी पौष्टिक लाडू बनवून आणतील.

Btw त्या काकू म्हणतात, गुरूला लहानपणापासून पाहतो/सांभाळला आहे etc. गुरुच साठीचा दिसतो, तरीही काकू त्याच्यापेक्षा यंग अँड फिट दिसतात. ते पाहता काकूंनी कमलला 'या घरात तुला 'माझ्याव्यतिरिक्त' अजून कुणी दिसत नाही ना?' असे विचारायला हवे.

सतत जळत राहणारी उदबत्ती - आशा काळे
(कुठल्या तरी दिवाळी अंकात ही उपमा होती).

अस्मिता... धमाल लिहीले आहेस. त्यावर फारएण्ड आणि लंपन यांचे प्रतिसाद म्हणजे हहपुवा...!! आता हा चित्रपट पहावाच लागेल.

माझ्या लहानपणी कुलस्वामिनी अंबाबाई हा चित्रपट थेटरात पाहिला होता. पुर्ण चित्रपट भर आशा काळेला तिची सासू, नणंद आणि नवरा हे छळतात. नंतर सगळे अंबाबाईच्या क्रुपेने चांगले होते असा सरळ विषय आहे. आता ललिता पवार ही सासू, रंजना ही नणंद आणि कुलदिप पवार हा नवरा असले भन्नाट काँम्बो असेल तर प्रत्यक्ष अंबाबाईनेच आशा काळेला सांगायला हवे होते की बाई तू असल्या घरात लग्न करून जाऊ नको. पण बहुतेक अंबाबाईला पण तिचा सोशिकपणा आणि प्रेक्षकांचा अंत पहायचा होता त्यामुळे अडीच तास झेलावे लागतात. लहानपणी कोल्हापुरात आई बरोबर चित्रपट पाहीला होता. भरपूर बायकांची गर्दी ह्या चित्रपटाला होती. आशा काळेचा छळ झाला की थेटरात रडारड सुरू व्हायची. ललिता पवार दिसली की आजू बाजूच्या बायका अशा काय शिव्या घालायच्या की प्रत्यक्ष ललिता पवारने ऐकल्या असत्या तर कोल्हापुरला यायची हिंमत केली नसती. ह्या असल्या प्रेक्षकांमुळे आशा काळे फार फेमस झाली. नंतर तिची जागा काही काळ अलका कुबलने घेतली होती. माझी आई मला माहेरची साडी बघायला चल म्हणत होती पण या आधीच्या अनुभवांमुळे टाळले. (अजुनपर्यंत माहेरची साडी हा चित्रपट मी पाहिलेला नाही)

अति भयंकर लिहिलं आहेस अस्मिता.आपण पाटलाच्या नजरेने नायिकेकडे बघायला लागतो हे तर भन्नाट!

असाच एक तो स्त्रीधन की काहीतरी सिनेमा होता.त्यात नायिका अगदी योगायोगानेच खून होण्यापासून वाचते.नंतर तिने खरं कुलदीप पवार ला दरीत ढकलायला हवं.पण बहुतेक घरी गेले दोघे आणि संसार चालू ठेवला.

सगळेच कहर आहात
Detailing योग्य होतंय अगदी.

विकू नाही हो आता असे मोठे मोठे ( आणि रडके ) चित्रपट बघण्याचा पेशन्स नाहीच.

आता ललिता पवार ही सासू, रंजना ही नणंद आणि कुलदिप पवार हा नवरा असले भन्नाट काँम्बो असेल तर प्रत्यक्ष अंबाबाईनेच आशा काळेला सांगायला हवे होते की बाई तू असल्या घरात लग्न करून जाऊ नको. पण बहुतेक अंबाबाईला पण तिचा सोशिकपणा आणि प्रेक्षकांचा अंत पहायचा होता त्यामुळे अडीच तास झेलावे लागतात. >>>>>>>>>>>भयंकर हसले .......... डोळ्यात अश्रू आले हो.

>>>>>आता ललिता पवार ही सासू, रंजना ही नणंद आणि कुलदिप पवार हा नवरा असले भन्नाट काँम्बो असेल तर प्रत्यक्ष अंबाबाईनेच आशा काळेला सांगायला हवे होते की बाई तू असल्या घरात लग्न करून जाऊ नको.
हाहाहा

दोडकं द्यायला आल्या तेव्हा सांगितले असते तर शॉर्ट फिल्म झाली असती.
फारएंड पुरवणी
>>>>

मग हा तिचं जे काही बघत असतो, ते आपल्यालाही बघावं लागतं >>>

नववारी पातळ किती revealing असू शकते हे मला आता कळले. गरीबाची पण 'लस्ट स्टोरी' ;)..!
>>> हा शोध मला फार पूर्वी आशा काळे आणि नववारी पातळ या कॉम्बिनेशनमुळेच लागला होता. पण 'तुझीच नजर वाईट, गप मेले' अशा अपराधी भावनेत कित्ती कित्ती वर्षे काढली मी....सत्याला मरण नसते ते असं .

पातळं घेऊन देणार नाही >>>> हे काय भलतेच?

आशा काळे आणि रडणे >>>> लंपन तुम्ही तर पी एच डी केलीत की!

देवयानीला ययातीने स्पेशल बाण मारून विहिरीतून तरंगत वर आणले तसे हे वर येतात. >>>>

या एका वाक्यावरून मला हा पिक्चर किती भारी आहे आणि आपल्यासारख्या सामान्य प्रेक्षकांना त्यातील बारकावे समजलेच नाहीत हे लक्षात आले!

एका सीन मधे कमल त्या माधवला विचारते की तुझ्या हातात कोणते पुस्तक आहे. तो सांगतो "खांडेकरांचे". दिग्दर्शकाने इथे क्लू दिला आहे. १९८८ सालच्या सामाजिक राजकीय आर्थिक व्यवस्थेशी त्याचा काही संबंध असेल का माहीत नाही पण माधव ने तिला विहिरीतून वाचवण्याशी आहे. खांडेकरांनी "ययाती" लिहीली. ययातीने देवयानीला विहिरीतून वाचवले. माधवने तसेच कमलला वाचवले.

आता हा कसला बादरायण संबंध विचाराल. पण मराठीत असलेच इस्टर एग हंटिंग करायला लावणारे संदर्भ नावाजलेले आहेत. उदा पुणे-५२ मधले दळवीकाका हातात रेमण्ड चॅण्डलरचे पुस्तक घेउन वाचत बसलेले असतात. रेमण्ड चॅण्डलरचे गुप्तहेर (म्हणे) पुणे-५२ मधल्या गिकु सारखेच असतात. नैतिक तडजोडी वगैरे करणारे. त्यातील या पुस्तकाचा संदर्भ भल्या भल्या समीक्षकांनी नावाजलेला आहे.

मग त्या लॉजिकने हा ही काय वाईट आहे. मराठी पिक्चर्स मधे कोणतेही पुस्तक सहज आलेले नसते. एखादा शेजारीपाजारी जरी वाचताना दाखवला, तरी कथेतील त्यावेळच्या घटनांशी ते संबंधित असते. त्या राजवाडे अ‍ॅण्ड सन्स मधेही बाहेरच्या अंगणार पडलेले एक पुस्तकही असेच काहीतरी असते.