हिमालय - तयारी आणि सुरुवात

Submitted by साक्षी on 24 June, 2022 - 15:08

२०२१ मधे आयुष्यातल्या पहिल्या हिमालय ट्रेक साठी पैसे भरले पण करोना कृपेने तो पुढे ढकलावा लागला. या वर्षी सगळं मार्गी लागलं आणि २८ मे ते ३ जुन पिंडारी ग्लेशिअर ट्रेक नक्की झाला. पहिल्याचं नाविन्य असल्याने उत्सहात खरेदीही भरपूर झाली. decathlon चा एक दिवसचा turnover वाढवल्यावर जरा बरं वाटलं.

२०१४ मधे सिंहगड उतरताना माझा पाय गुढग्यात ट्विस्ट झाला. ligament injury झाल्याने सिंहगड पण बंद झाला. आत्मविश्वास फारच कमी झाला होता. आता ट्रेकच्या निमित्ताने आठवड्यातून एकदा सिंहगड सुरू करु असे ठरवताना अचानक मार्चमधे मैत्रीण कळसुबाई करुया का म्हणाली आणि दमत भागत का होइना जमला. गेलेला अर्धा आत्मविश्वास परत आला. मग जमेल त्या शनिवारी सिंहगड वार्‍या केल्या.

२७ ला सकाळी पुण्याहून दिल्ली आणि तिथुन दुपारी पंतनगर ला पोचलो. पंतनगर चा लुटुपुटूचा विमानतळ बघुन जरा मज्जा वाटली.
PantnagarAirport.jpg
काठगोदामला जाण्यासाठी विमानतळावर गाड्या घ्यायला आल्या.
Kaladhungi.jpg
गाडीतून जाताना करमणूक नको का Happy

उत्तराखंड आहे म्हणजे थंडी असणार या कल्पनेला काठगोदामने तडा लागला. मरणाचं उकडत होतं. संध्याकाळी जरा वेळ मिळाला तसे पाय मोकळे करायला गावाच्या जरा बाहेर फेरफटका मारुन आलो. नाहीतर गाव अगदीच सुमार, प्रदुषण युक्त आहे.
Kathgodam.jpg

राहिलो ते हॉटेलही ठिकच होतं पण एका रात्रीचाच प्रश्न होता. दुसर्‍या दिवशी १० तासाचा प्रवास होता, त्यामुळे सकाळी लवकर निघालो. दरडी कोसळल्यामुळे खडबडीत रस्ते, पावसामुळे चिखल आणि निसरड्या वाटा पार करत जलकुणी नावाच्या गावात संध्याकाळी ६:३० च्या आसपास पोचलो. आता उंचीवर आल्यामुळे गाडीतून उतरल्यावर हवेत चांगलाच गारवा जाणवला. अंधार पडायला लागला होता तरी समोर दिसणार्‍या डोंगर रांगा लक्ष वेधून घेत होत्या.

रात्र झाली तशी प्रचंड थंडी वाजू लागली. टॉयलेट १० पावलांवर होतं पण गच्च अंधार आणि थंडीचा कडाका यामुळे जावंस वाटत नव्हतं. नको वाटत होतं तर दोनदा जावं लागलं. परिस्थितीशी जुळवून घेण्यासाठी ही रात्र जावी लागणार होती. उद्यापासून खरा ट्रेक चालु होणार होता. कुडकुडत असतानाच १२ वाजता वगैरे झोप लागली. सकाळी त्या रांगा स्पष्ट दिसत होत्या. ढगही जरा निवळले होते.
Jalkuni.jpg
समोर ज्या रांगा दिसतात त्या सुंदरढुंगा (असंच नाव आहे Happy )

हिमालय - पिंडारी - ओडोरी

Group content visibility: 
Public - accessible to all site users

ligament injury झाल्याने सिंहगड पण बंद झाला.
>>>>
आणि आता थेट हिमालय केला.. ग्रेट !
वाचतोय...

मस्त!
कालाढुंगी जिम कॉर्बेटच्या पुस्तकात आहे.