तुझ्या झाडांचे स्मरण

Submitted by धनि on 31 May, 2017 - 09:38

फत्थरांच्या इमल्यांचे जंगल सभोवती वाढते आहे
या भकास वातावरणात मला तुझ्या झाडांचे स्मरण होते आहे

तुझे झाडांवरील प्रेम, त्यांच्या वाढीसाठीचा कळवळा
आता मात्र नुसती झाडेतोड , ही धरा सहते आहे

हिरव्यागार त्या पाचूवनात पाऊस येई मृदगंध दरवळे
उजाड या शहरात पाऊस पूर बनून कोसळतो आहे

उकाडा वाढतोय , पूर्वीची ती मंद हवा आता उदास भासते आहे
विकासाच्या या हव्यासात मला तरी तुझ्या झाडांचे स्मरण होते आहे

(प्रेरणा: http://www.maayboli.com/node/62719 )

Group content visibility: 
Public - accessible to all site users

हाहाहा.... मस्त.

तुझ्या झाडांचे सरण, असे शीर्षक पाहिजे होते. Wink

-दिलीप बिरुटे