रात्रीस खेळ चाले १

काम छान केलंय त्याने पांडूचं. मी दोन एपि. बघितलेत तेव्हा आवडलं.

साहेबानुं,, आज गुरव आसा रजेवर ; उद्यां सांगतयंच त्येकां, ती फाईल
निदान नाईकांच्या तरी कपाटात गावता काय तां बघूंक !!

काम छान केलंय त्याने पांडूचं. मी दोन एपि. बघितलेत तेव्हा आवडलं.>>>>> दोनच एपिसोड पाहीले?:राग: फक्त दोनच पाहीले?:राग: धिक्कार असो, त्रिवार धिक्कार असो अन्जूचा.:फिदी::दिवा:

भाउकाका

भाऊ तुम्ही मालवणी संवाद लिहीताय का सिरीयलचे? हे खरे असेल तर अभिनन्दन हो!:स्मित:

<< तुम्ही मालवणी संवाद लिहीताय का सिरीयलचे? हे खरे असेल तर अभिनन्दन हो!>> रश्मीजी, ह्येचो अर्थ एकच; तुमकां 'मालवणी' बिलकूल येणां नाय ! सिरीयलीतलां असलां 'मालवणी' मीं लिवलंय असां भायेर कळलां, तर व्हाणेनच मारतीत मालवणी माकां !!

भाऊनो

रश्मी

म्या लवकर कंटाळते स्लो सिरीयलला आणि पाहण्यापेक्षा इथे वाचायचं, मस्त वाटतं.

भाऊकाका व्यंगचित्र

आज काय बाहुला/ली बघून घाबरत आहेत का नाईक ?
नायकानु इतक घाबारन बर नाय .

<< नायकानु इतक घाबारन बर नाय .>> अहो, ते तर आपल्याक घाबरवूंक बघतहत. आणि, हंय तां बघून उलटां लोक त्येंकांच हंसतहत !!!

बरोबर असा भाऊ , झी न भारी कामेडी शिरेल बनवली असा .

भाऊकाका, व्यंगचित्र मस्तच.

आज काहीच खास घडलं नाही.

शेवटी १ मि. बघितलं, तो बाहुला क्युट होता की, घाबरले का सगळे?

ठोकळी खरंच ठोकळी आहे. आज दगडांचे आवाज आले म्हणाली, पण कुठून दगड येताहेत हे बाहेर बघितले देखील नाही. आणि म्हणे हिला रहस्य शोधायचे आहे. मग माधव आणि बाकीचे बरे. प्रामाणिकपणे घाबरतात हे मान्य तरी करतात. दिग्दर्शक आणि लेखक दिवसाच शूटींग दरम्यान डुलक्या काढतात बहुतेक.

दत्ता वैतागत बाहेर येतात व जोरजोरात नाथाला हाका मारतात. पांडू तिथेच बसलेला असतो. दत्ता, नाथाला सगळे दगड उचलायला लावतात व पांडूला पण कळलं का विचारतात. नाथा मग पांडूला समजावून सांगतो की एक एक दगड उचलून घमेल्यात टाकायचे. पांडू दगडांचा पाऊस पडला वगैरे बडबडत दगड उचलतो. पुर्वा मदत करू बघते पण दत्ता तिला अडवतात की खुप दगड आहे तू कुठे ऊचलणार? ते करतील सगळे. गणेश गोंधळल्यासारखा उभा असतो व म्हणतो की नाना इथेच आहेत मी सांगत होतो तुम्हाला वगैरे. आता दत्तांची सटकते व ते त्याला खुप बोलतात की मोठ्या मुश्कीलीने तू ह्यातून वाचलाय आता तरी सुधार आणि त्याचा हात धरून घरात आणायला बघतात पुर्वा त्यांना हात सोडायची विनंती करते. तेवढ्यात सरिता पण येते व गणेशचा हात सोडा सांगते व त्याला अजूनही बरे नाही म्हणते. दत्ता सांगतात की आपल्याला आधीच ताप कमी आहे का? वर ह्याची बडबड ऐकून घ्यायची. सरिता गणेशला आत घेऊन जाते. दत्ता नाथाला पटापट हात उचलायला लावतात. माधव वरून खालचा दगडांचा खच बघत असतात, बघताबघता त्यांची नजर झाडावर जाते. ते चापापतात व खीडकी लावून घेतात हे कमी की काय पडदा पण लावतात. घशाला कोरड पडल्याने पाणी न पिता सांडतात. निलीमा सगळी गंमत बघत असते. माधव सांगतात की दगडांचा खुप खच पडलाय. ती म्हणते की घाबरास का? तू प्रोफेसर आहेस ते सांगतात की मी पण एक माणूसच आहे. एवढा दगडांचा पाऊस पडला तर माणूस घाबरणार नाही का? ती म्हणते की तू पण इतरांसारखाच विचार करतोय. सारासार विचार कर. ती पुढे विचारते की तू कुठे होतास? ते सांगतात की आम्ही सगळे गप्पा मारत होतो अचानक दगडांचा आवाज आला. त्यावर ती सांगते की म्हणजे तू नव्हतास बघायला की हे कोणी केलय. डोळ्यांना जे दिसते त्यावर विश्वास ठेवावा. माधव मग विचारतात की तू कुठे होतीस? तर ती सांगते की खोलीतच होते पण कोणी दगड मारले कळलं नाही. माधव परत खीडकीतून दगडं बघतात व पाणी पीतात. इकडे गावकरी गप्पा मारत मारत काय झाले ते बघायला येतात व नेमकं पांडूला विचारतात. तो पण सगळं सांगायला जातो की आम्ही गप्पा मारत असतांना दगडांचा पाऊस पडत होता.
तो पुढे सांगतो की ही कशी भुताटकी आहे व दत्तादादा पण घाबरलेले आहेत पण तसे दाखवत नाहीत. हे ऐकून दत्ता चिडतात व पांडूची मानगूट पकडून दगड उचलायला लावतात. मग पुढे येऊन सांगतात की तुम्ही हे ऐकून आलात बरे केलेत पण आम्ही आमचे बघून घेऊ, या तुम्ही. गावकरी जायला निघतात तेवढ्यात छाया धावत बाहेर येते व जोरजोरात बडबड करते. की हे जे कोणी केलयं त्याला भोगावे लागेल वगैरे. खुप बडबड करते. माधव थांबवतात तशी ती त्यांच्या हाताला झटका देऊन झाडापाशी येते व झाडावर दगड मारते व म्हणते की तूला घरात घेतले नाही म्हणून तू हे करतेस ना? तुझ्या लेकीला घरात घेतले तरी तूझे समाधान झाले नाही वगैरे. माई तिला आवरायचा प्रयत्न करतात. पुर्वा तिला घ्यायला जाते. दत्ता सरिताला ओरडतात की बघत काय बसलीये, छायाला आत घेऊन जा. मग त्या सगळ्या छायाला ओढतच आत घेऊन जातात. दत्ता आलेल्या गावकर्यांकडे बघतात व गावकरी ते काही बोलायच्या आतच निघून जातात. दूर रस्त्यावर गुरव व वकिलकाका हे सगळे बघत असतात. सुसल्या वकिलकाकांना फोन लावून तिच्या वाट्याबद्दल व दागिन्यांबद्दल विचारते, म्हणते की ह्याचे वाद होतच राहतील पण माझ्या वाट्याबद्दल लवकर काय ते बघा. ते सांगतात की बघतो. खाली पुर्वा छायाला पाणी आणुन देते.
छाया अजूनही घुश्श्यात असते. माई समजावतात की जे नशीबात आहे ते बघावेच लागते. ती परत चवताळून बाहेर बघते व हे जे कोणी केलेय त्याला भोगावे लागेल असे पुन्हा म्हणते. अभिराम समजावू पाहतो की ह्याने काही होणार नाही पण तमाशे होतील त्यावर ती म्हणते की तूला काय पडलेली आहे? मला त्रास होतो वगैरे. ती पुर्वाला पण हेच सांगते की मला तुझ्या बाबांना होतो तसाच ह्या सगळ्यांचा त्रास होतो. पुर्वा समजावून सांगते की हे सगळे बोलून तू वाईटपणा घेतेय. माधवपण काही समजावू पाहतात तर ती फणकार्याने निघून जाते. सरिता मग संधी साधते. ती म्हणते की इथे सगळ्यांना त्रास होतो. आज दगडांचा पाऊस पडला उद्या दरोडा पडेल. ती माईंना सांगते की ते दागीने माझ्याकडे ठेवायला द्या, मी जपून ठेवते. त्यावर माई ते दागीने नीटच ठेवले आहेत सांगतात. तेवढ्यात देवीका अभिरामला फोन करते. सरिता पुर्वावर सगळा राग काढून तिला चहा करायला पिटाळते. देवीका अभिरामला वेगळ्याच सुरात काय झाले ते विचारते व सगळे ठीक आहे ना ह्याची चौकशी करते.
तो सांगतो की कोणीतरी हे मुद्दाम करतयं. पण तु काळजी करू नको मलापण ह्यातून लवकरात लवकर बाहेर पडायचे आहे. ती विचारते की सगळ्या गावाला माहितीये तुमच्या घरात काय चाललयं मग माझे आईवडील फेरविचार करू शकतात आपल्या लग्नाचा. तो तिला विश्वास देतो की मी काय ते बघतो व मलापण लवकरच लग्न करायचे आहे. त्यावर की काळजी घ्या म्हणून फोन ठेवते. तिची आई समोरच बसलेली असते. मग ही दागीने घालत आईकडे बघते.
सरिता माईंना सांगते की छाया एकदा बोलायला लागल्या तर थांबतच नाहीत. माई ते जाऊदे सांगत घर आवरून घ्यायला सांगतात. माधव म्हणतात की तिने एकटीने का म्हणून का आवरायचे आम्ही सगळे मिळून आवरू. ते सगळे मग आपापली खोली आवरायचे ठरवतात व अडगळीची खोली छाया आणि माधव आवरायचे ठरते. निलीमा आणि अर्चिस वरची खोली आवरत असतांना जडशी ट्रंक बाहेर काढतात व परत ठेऊन देतात. सुसल्या गजर्याचा वास घेऊन रंगविलेले ओठ परत रंगवतो. सरिता दमून जाते व पुर्वाला परत चहा करायला लावते. छाया खुप जड ट्रंक उचलायचा प्रयत्न करते माधव तुझ्याच्याने होणार नाही म्हणून तिला मदत करतो. अशारितीने सगळे दिवाळीची स्वच्छता केल्यासारखं घर आवरतात. सरिता अडगळीच्या खोलीत येऊन बडबड करते अजून कसे नाही आवरून झाले? व ती पण ऊचकपाचक करते तर एक ट्रंक ऊघडतांना बाहूला भसकन पाॅप होतो. सगळे खुप घाबरतात व छाया सांगते हा माझा बाहूला आहे. (पण तो तात्या विंचूसारखा नसतो.)

साफसफाई करताना ह्येंका इतके जड जड ट्रंक प्रत्येक खोलींत गावतत; मग जमीनीच्ये कागदपत्र शोधतान घराचो कानो-कोपरो धुंडाळसास तो काय डोळ्याक पट्टी बांधून ! आणि, साधी बाहुली बघल्यार सगळ्यांच्या डोळ्याच्ये बाहुले कित्याक भायेर येंवक होये ?
'आपली सिरीयल', 'आपली सिरीयल' म्हणत आम्ही प्रेमान बघतंव, म्हणान तुम्ही आमकांच खुळे ठरवतलास कीं काय !!!

साफसफाई करताना ह्येंका इतके जड जड ट्रंक प्रत्येक खोलींत गावतत; मग जमीनीच्ये कागदपत्र शोधतान घराचो कानो-कोपरो धुंडाळसास तो काय डोळ्याक पट्टी बांधून ! आणि, साधी बाहुली बघल्यार सगळ्यांच्या डोळ्याच्ये बाहुले कित्याक भायेर येंवक होये ?>>>>>> बरोबर बोलल्यात भाऊ! माका पण होच प्रश्न पडलेलो.
कालचे अजून पडलेले प्रश्न
दागिन्याचो डबो चिंग चांगकडे कसो आयलो?
नार्वेकरीण अशी सर्बरीत कित्याक झाली?
सुसल्या,एकदम मॉड कसा झाला?
'

तां छायाक कोणीतरी सांगा, जास्त थयथयाट नको करु.. डोक्याचो गंगावन कधीही निसटून पडतलो !

भाऊ असे आहे होय. माका वाटतला का तुम्हाला डॉयलॉग लिहायला बोलावले. असे असते तर बरे झाले असते की.:स्मित:

दागिन्याचो डबो चिंग चांगकडे कसो आयलो?
नार्वेकरीण अशी सर्बरीत कित्याक झाली?
सुसल्या,एकदम मॉड कसा झाला?>>>>>>>>>> देवकी तिन्ही प्रश्नान्ची उत्तरे मिळणे कठिण आहे, आधीचीच गावेनात, मगे ही उत्तरे कशी मिळतील? पण खरच, काल देविका फार विचीत्र वागत बोलत होती. पण तिला अ‍ॅक्टिन्ग जमत नाही, त्यामानाने तिची आई सरस वाटते.

मित

शुगोल, खरच ती ठोकळी म्हणजे ठोकळीच आहे. पण मला वाटतय की या सार्‍या घटनान्मागे माधवच ( ठोकळा) असावा. कारण त्याला किस्से रन्गवुन सान्गायची फार सवय आहे.

पांडु लेखक आहे ना मग विसरणारच सगळं.. पुढलं पाठ आधीच सपाट...

<< पांडु लेखक आहे ना मग विसरणारच सगळं..>> वगीच काय हंसत असता तो, आपल्या सगळ्यांक " कशे खुळे बनवतहंय ह्येंकां " म्हणत !!!

ती सुसल्या त्या वकिलाला अरेतुरे करते?
की ओव्हरऑल मालवणीत असं बोलतात?

या मालिकेतील नाईक आणि नार्वेकर कुटुंबातील अनेक पात्रांसोबत बाहेरचे एक महत्त्वाचे पात्र म्हणजे "नेने वकील". त्यांच्या अभिनयाकडे पाहाताना जाणवते की या सर्वांच्या विरोधाला हा गृहस्थ अत्यंत शांतपणे सामोरे जातो आणि त्याच्या डोक्यात नाईक मिळकती संदर्भातील ज्या काही कल्पना आहेत त्याना मूर्त रुप देण्याची योजना राबविण्याचा यत्न करीत आहे.

नेने वकीलांची भूमिका करणारे आहेत श्री.दिलीप बापट. कोल्हापूरात सांस्कृतिक पातळीवर जे काही विविध उपक्रम चालू राहिले आहेत....गेली तीस-पस्तीस वर्षे त्यामागे बापट यांचा कला क्षेत्रातील उत्साह आणि इतरांना आपल्यासोबत घेऊन काम करण्याची त्यांची प्रवृत्ती. देशीविदेशातील अनेक उत्तमोत्तम चित्रपट इथल्या रसिकांना पाहायला मिळावेत म्हणून त्यानी कोल्हापूरच्या शाहू स्मारक भवनात चित्रसप्ताह साजरा करण्याचे मोठे काम केले, ते टी.एफ.टी. या युनिटची स्थापना करून. हौशी नाट्यसंस्था स्थापन करून राज्य नाट्यमहोत्सवात त्यानी सादर केलेल्या नाटकांना अनेक पारितोषिके मिळाली असून त्या द्वारे ते आजही कार्यरत आहेत. बॅन्केतील नोकरी सांभाळून त्यानी आपल्या या हौसेकडे लक्ष दिले आहे. फेडरेशन ऑफ फिल्म सोसायटी ऑफ इंडियाच्या कार्यकारिणीवर त्यांची नियुक्ती झाली असून त्याना तेथील आणि चित्रपट महोत्सव गटातील त्यांच्या कार्याची पावतीही मिळाली आहे. एशियन फिल्म सोसायटीतर्फे चित्र चळवळीत लक्षणीय कार्य करणार्‍या दिलीप बापट याना यंदाचा "सत्यजीत रे" पुरस्कार मिळाला आहे.

हाय लोक्स...
भगवती नाईस अप्डेट

सगळेच प्रतिसाद भारी !

आम्ही प्रेमान बघतंव, म्हणान तुम्ही आमकांच खुळे ठरवतलास कीं काय !!!>>तसंच चालुये एकंदर

पण मला वाटतय की या सार्‍या घटनान्मागे माधवच ( ठोकळा) असावा. कारण त्याला किस्से रन्गवुन सान्गायची फार सवय आहे.>>>यस्स , असु शकतंय , त्याच्या पुस्त्कात्ल्या गोश्टीप्रमाणे घटना घड्वून आणत असेल तो

पण मला वाटतय की या सार्‍या घटनान्मागे माधवच ( ठोकळा) असावा. कारण त्याला किस्से रन्गवुन सान्गायची फार सवय आहे.>>>यस्स , असु शकतंय , त्याच्या पुस्त्कात्ल्या गोश्टीप्रमाणे घटना घड्वून आणत असेल तो. >> बाकी सगळं ठिकाय गं... पण ठोकळीच्या कपाळी तिच्या नकळत मळवट भरण्याची हिम्मत तो करेल काय??

अशोकजी, या सिरीयलमधे सर्वोत्तम 'बेअरींग' साधलं गेलंय तें नेनेवकील व माईच्या भूमिकांचच ! श्री. बापट यांच्याबद्दलच्या माहितीसाठी धन्यवाद.

ठोकळी खरंच ठोकळी आहे. आज दगडांचे आवाज
आले म्हणाली, पण कुठून दगड येताहेत हे बाहेर
बघितले देखील नाही. आणि म्हणे हिला रहस्य
शोधायचे आहे.>>>> दगडांचा असा मारा होत असताना ती बाहेर गेली असती किंवा डोकावली असती तर तिचे डोके किंवा डोळा फुठला नसता का ? काही शोधायला आधी डोक आणि डोळे तरी शाबूत राहायला हवे ना .

कालचे अजून पडलेले प्रश्न
दागिन्याचो डबो चिंग चांगकडे कसो आयलो?>>> त्यांचो स्वताचो असू शकतो , नाहीतर अभि संमोहनात स्वतःहून देऊन आला असेल , जे त्याला आता आठवत नसेल .

अशोकजी, या सिरीयलमधे सर्वोत्तम 'बेअरींग' साधलं गेलंय तें नेनेवकील व माईच्या भूमिकांचच ! श्री. बापट यांच्याबद्दलच्या माहितीसाठी धन्यवाद +१