खीमा हा मांसाहारींचा फारच आवडता. कारण हाडं चोखत न बसता मस्त पैकी आस्वाद घेत खाता येतो. लहान मुलं देखिल आवडीनं खातात.
खीमा करण्याचा अनेक पद्धती आहेत. भारतीय मराठी संस्कृतीत मुख्यत्वे मटणाचा खीमा आणि चिकन खीमा असे दोन प्रकार आवर्जून खाल्ले जातात.
खीमा हा अतिशय व्हर्सटाईल प्रकार आहे. त्यामुळे शाकाहारींना जसा बटाटा, पनीर प्रिय तसा मांसाहारींना खीमा आणि अंडी प्रिय हा सृष्टीचा नियम आहे. सृष्टी सध्या इयत्ता चौथीत शिकते पण तरीही तिला हा नियम माहित आहे. कारण ती नव्या पिढीची आणि नव्या विचारांची पाईक आहे. सिअॅटलमधील पाईक प्लेस मार्केट खूप प्रसिद्ध आहे आणि त्यात खुप प्रकारचा मांसाहार ऐन दिवाळीतही मिळतो. दर्दी लोकं तिथे आवर्जून खरेदीला जातात.
तर आज आपण दिवाळी निमित्त खीम्याची एक छानशी पाककृती शिकणार आहोत.
आपल्या आवडीनुसार खीमा करून घ्या. मटणाचा अथवा चिकनचा कोणताही केला तरी चालेल. मात्र तो सुका हवा. पाणी असेल तर करंज्यांऐवजी रॅविओली खायची वेळ येईल.
खीमा करण्याच्या अनेक पाककृती मायबोलीवर आहेत. या पाककृतींत सांगितल्या प्रमाणे कोणतीही एक पद्धत निवडून त्याप्रमाणे खीमा करून घ्या. :
खिम्याचे पॅटीस - जागू - http://www.maayboli.com/node/41987
खिमा-पाव - डीडी - http://www.maayboli.com/node/48814
थाय स्टाईल चिकन खीमा - वर्षू नील - http://www.maayboli.com/node/42328
मटन कबाब - अनिश्का. - http://www.maayboli.com/node/39754
अंडा घोटाला - वर्षू नील - http://www.maayboli.com/node/54324
मटण खीमा सीख कबाब - अंजली - http://www.maayboli.com/node/4142
हा खीमा आपल्या नेहमीच्या करंजी / कानवल्याच्या पारीत नेहमीच्या शाकाहारी सारणाऐवजी भरा. मग या करंज्या तळा अथवा बेक करा.
प्रत्येक दिवाळीत अशाच प्रकारच्या करंज्या करण्याऐवजी असाही प्रकार करून बघता येईल.
खीमा भरलेल्या मिरच्या - रायगड - http://www.maayboli.com/node/41674
दिवाळीचा तोच तोच फराळ आणि गोडाधोडाचे पदार्थ खाऊन कंटाळा आल्यावर हा एक अप्रतिम उतारा मांसाहारींकरता उपलब्ध आहे. घरी कोणी मांसाहारी आले तर त्यांनाही खिलवा.
अब्राहमाण्यम! काय हे ऐन
अब्राहमाण्यम!
काय हे ऐन दिवाळीत? मी तर ह्या धाग्यालाही स्पर्श केला नाही, वायरलेस माऊसने उघडला.
आमी बी ऐकलंय, नुसत
आमी बी ऐकलंय, नुसत मांसाहाराच्या नावाचा धागा वर आला तरी अमंगल वाटतय काहींना.
खाजवून खरूज धागा आहे
खाजवून खरूज धागा आहे
Pages