पाऊस असाही ...

Submitted by पुरंदरे शशांक on 21 July, 2015 - 00:15

पाऊस असाही ...

माझ्या मनात पाऊस
येतो अधून मधून
खुणावित जातो वेडा
जरा डोळे मिचकून

घोंघावत रोरावत
येतो वाभरा बनून
आवरावे कसे याला
कसे घालावे बांधून

रेशमाच्या झालरींनी
करी नाजूक शिंपण
याचे विभ्रम पहाता
जातो आश्चर्य पावून

ऊन-पावसाचे नाते
उलगडे असासून
शब्दरुप गर्द पान
येई वर तरारून .....
----------------------------------------

शब्दखुणा: 
Group content visibility: 
Public - accessible to all site users

अरे वा...
छान कविता.

ते शेवटलं कडवं मी असं वाचलं...
ऊन-पावसाचे नाते
उलगडे असासून
शब्दरुप गर्द पान
येई वर तरारून .....

सुंदर!