आता कशाला शिजायची बात- मंजू चॉचॉमो चॉकलेटी चॉकलेट मोदक/पंचखाद्य मोदक (फोटोसहित)

Submitted by मंजूताई on 3 September, 2014 - 01:35
प्रत्यक्षात लागणारा वेळ: 
३० मिनिटे
लागणारे जिन्नस: 

पारी : - बिया व नाकाडे काढलेला पेंड खजूर २ वाट्या, दुध पावडर २ टीस्पून
सारण : - खोबर्‍याचा किस १/२ वाटी, मिश्र सुकामेवा बारीक चिरलेला १/४ वाटी, वेलदोडा/जायफळ आवडीनुसार, पांढरं चॉकलेट (मिल्की बार) ५

क्रमवार पाककृती: 

खजूर व दुधपावडर मिक्सरमध्ये एकजीव करुन घ्या. खोबर्‍याचा कीस, सुकामेवा, चॉकलेट, वेलदोडा पूड एकत्र करुन घ्या. मोदकाच्या साच्याला तुपाचा हात लावून त्यात पारीचा गोळा एकसारखा पसरवून घ्या त्यात सारण भरून चहूबाजूने बंद करा. अलगद हाताने मोदक काढून घ्या.

वाढणी/प्रमाण: 
अकरा मोदक झाले
अधिक टिपा: 

चॉचॉमो हे स्पर्धेसाठी केले. पंचखाद्याचे (खजूर्/खारीक , खोबरं, खसखस, खवा व खडीसाखर)केले तर खसखस भाजून घ्या ती सारणात टाकू शकता किंवा वरुन लावू शकता. सगळे जिन्नस एकत्र करुन ही मोदक करु शकता.
- गुलकंद घालूनही अश्याचप्रकारे भरलेले, न भरलेले मोदक करु शकता.

माहितीचा स्रोत: 
स्वप्रयोग
प्रादेशिक: 
शब्दखुणा: 
Group content visibility: 
Public - accessible to all site users