निसर्गाच्या गप्पा (भाग - १२)

प्रज्ञा, तो बिया भाजताना खास वास येतो तो हि आलाच, आणि जागूच्या गजर्‍याचा पण !

ही काजूची नुस्ती माहितीच वाचतोय मी !!!! हे सगळं बघायला व खायला कधी मिळणार ????

सुरंगीचा गजरा मस्ताय ........

शशांक, एप्रिल / मे मधे काजूचा सिझन असतो. कोकणात किंवा वर जव्हारकडे गेल्यावर झाडे नक्कीच दिसतील.
पेण / पनवेल परीसरात पण आहेत.

काय सुंदर आहेत सुरंगीचे गजरे ... मी आजवर याच्या सुगंधाची फक्त कल्पनाच करते आहे. एका खास कोकणातल्या पुस्तकात `ओवळी;' असं नाव वाचलं होतं सुरंगीचं.

शांकली, हॉलीवूडसमोरचं झाड आता फुललं असेल का आता?

गुगल अर्थ वरुन घेतलाय हा फोटो. यात तूमच्या उजव्या हाताला दिसते आहे ती नायजेरियातली आमची फॅक्टरी ( सल्फ्यूरीक अ‍ॅसिड आणि अ‍ॅलम ) आणि तो रस्ता माझा नेहमीच्या जाण्यायेण्यातला. त्या रस्त्याच्या डावीकडे
एकसूरी लागवड दिसतेय ती आहे पाम ची. याच झाडाच्या फळापासून पाम ऑईल बनवतात.

हे तेल असे आरोग्यास चांगले असते. अनेक जीवनसत्वे असतात शिवाय कोलेस्ट्रॉल नसते. अनेक सौंदर्यप्रसाधनातही ते वापरतात. भारतात आपण या तेलाची आयात मलेशियातून करतो. आपल्याकडची लागवड तुरळक आहे.

या झाडाला लागवडीनंतर अनेक वर्षांनी फळधारणा होते. एका मोठ्या घडात नारिंगी / पिवळसर रंगाची सुपारीएवढी फळे येतात. चावायला खुप कठीण असतात. त्यावरच्या तंतूमय आवरणातच भरपूर तेल असते.
भरपूर म्हणजे चावल्यावर, आपल्या तोंडात केवळ तेलाचीच चव राहते. माझ्या घरासमोरही एक झाड होते. त्याचा घड उतरवला कि ओंजळभर फळे, माझ्यासाठी आणली जात. मी एखादेच खाऊ शकत असे. बाकी मेडला देत असे.

पण या झाडांची अशी लागवड हानीकारक ठरतेय. या झाडाच्या खोडावर थोडेफार तेर अळू वाढते पण बाकी
या झाडाखाली किंवा परिसरात कुठलेच झाड / झुडुप वाढत नाही. या लागवडीकडे मी रोज बघत असे, आणि
दहा / बारा फुटापलिकडचे दिसतच नसे. मी होतो त्या काळात तरी फलधारणा होत नव्हती.

दिनेशदा,
काजुची माहिती,पाम बद्दलची छान माहिती मिळाली.
फोटो बद्दल धन्यवाद !
तुम्ही इतकं छान लिहिता, छान मांडणी करता या मुळे वरील वर्णन वाचताना फोटोत तुम्ही देखील दिसलाल आम्हाला.

त्याच्याकडून रॉयल्टी घे ! आणि आता आणखी १ पोस्ट, म्हणजे हजारी गाठलीच.

हि माझी १००० वी पोस्ट

आजच साबांकडुन निरोप आलाय गुरुवारी काजुच्या बिया (ओले काजु) पाठवुन देते..

दक्षिणा असल्या सारखा १००१ आकडा दिसत होता म्हणुन. १०००री पुर्ण केल्याबद्दल सर्वांचे अभिनंदन व ही पोस्ट.

जिप्सी जागूकडे जाउन आलास ना आता फोटोंचे लवकर कोलाज कर नी दे जागूला १३ व्या भागाचा आरंभ करायला.

सर्व नि.ग. प्रेमींचे १००० री बद्दल अभिनंदन!

हे सुरंगीचे गजरे कसे करत असतील राम जाणे! या फुलांना अगदी छोट्टुस्सा देठ असतो आणि तो गुंफून गजरा करायचा म्हणजे सगळं कौशल्य पणाला लागत असणार.

गौरी, माझी मैत्रीण सांगत होती की हॉलीवूड फोटो स्टुडियोपासची सुरंगी फुललीये म्हणून. मला अजून बघायला जायला जमलं नाहीये.

जागू, कट्टी फू पण गोड दिसतिये हं :डोमा:... आणि सुरंगी तर काय ...जातीच्या सुंदरांना आणखी वेगळं काय शोभून दिसणार??

प्रज्ञा, तू म्हणतेस ते अगदी खरं गं!!...

काजुपुराण मिसले मी.. मला ओले काजु प्रचंड आवडतात.. कित्येक वर्ष झाली खाल्ले नाहीयेत.
आठवणीनेच तोंडाला पाणी सुटले.

काजुच्या चिकाचे डाग कपड्यावर पडले तर अजिबात निघत नाहीत. त्यामुळे लहानपणी मामी स्वतःच विळीवर काजु कापुन किंचीत साखर आणि मीठ लावुन द्यायची. तरी दर वर्षी उन्हाळ्यात चोरुन काजु खायच्या नादात एखादा फ्रॉक खराब व्हायचाच.

ठाण्यात जांभळी नाक्याजवळच्या भाजी मंडईत काजु मिळतात का?

जागूताई, सुरंगीचे गजरे बघूनच घमघमाट जाणवला अगदी.

इथे कुठेतरी शिवाजी महाराजांच्या काळात महाराष्ट्रात मिरची माहीत नसल्याचा उल्लेख वाचला. त्यावरून सहज संत सावता माळी यांचा हा अभंग आठवला :

कांदा मुळा भाजी | अवघी विठाबाई माझी|
लसूण मिरची कोथिंबिरी | अवघा झाला माझा हरी ||
ऊस गाजर रताळू | अवघा झालासे गोपाळू||
मोट नाडा विहीर दोरी | अवघी व्यापिली पंढरी ||
सांवता म्हणे केला मळा | विठ्ठल पायीं गोविला गळा ||

सावता माळ्यांचा जन्म:इ.स. १२५० चा आणि समाधी १२९५ची.
महाराष्ट्रात पंढरपूरजवळच्या अरणभेंडी गावात त्यांचा जन्म झाला.

शिवाजी महाराजांचा जन्म १६२७ (काही लोक १६३० मानतात) सालात झाला.

काजू पोर्तुगीजांनी महाराष्ट्रात १५६०च्या सुमारास आणले.

जागु! गजरे फार सही, मी पहिल्या.न्दाच पाहिले..

@चिंगी, ठाण्यात जांभळी नाका - स्टेशन रोडवर (कुटिरोद्योगसमोर) मिळतील काजु,

जागू, आंबा आणि सुरंगी भारीच!

सुप्रभात!!!!!!!!!!!!!

ही ऑफिसमधल्या माळ्यंनी केलेली एक रचना. (फोटो मित्राने मोबाईलवरून काढलेला आहे.)

जागू, सुरंगीचा गजरा मस्त. ईतका ताजा-टवटवीत क्वचितच पहायला मिळतो. पाहूनच सुवास पोहचला.

मला अजून बघायला जायला जमलं नाहीये.>>>>>>>>>>>शांकली कधी जाणार आहेस. मला पण घेऊन जा.

चिंगी मी मागील आठवड्यातच काजूची भाजी खाल्ली.>>>>>>>>>>>.जागू, किती जळवशील? आधी सुरंगी आणि आता काजू.

खूप सुंदर मधु
निसर्गचित्र असल्याचा भास झाला
खूप छान

माझ्याकडचा, या वेळी डिसेंबर पर्यंत येत होता

फार छान केलय हे मधू....

मधु, असे वाहते पाणी बघूनच मन प्रसन्न होते.
सुधीर, आता या रंगाचा सोनटक्का फार दुर्मिळ झालाय. याचा सुगंध पण किंचीत वेगळा असतो.

या रंगाचा सोनटक्का फार दुर्मिळ झालाय. >> हेच विचारणार होते. लहानपणापासुन सोनटक्का पाहिला आहे तो पांढरा. पिवळा नाही पाहिला कधीच. छान दिसतोये.

मोनालि, पावसाळ्यात कंद लावला तर सहज जगेल. तिलारी घाटात हा नैसर्गिक रित्या वाढलाय. फ्लॉवर्स ऑफ सह्याद्री या पुस्तकातला फोटोपण त्या घाटातलाच आहे.

जो_एस छान आहे प्रचि

निग प्रेमींपैकी कुणाला मुंबईची वृक्ष नर्सरी माहित आहे का? फेसबुकवर त्यांचे फोटो काय सुंदर आहेत! नर्सरी खरोखरच इतकी सुंदर असेल, तर मुद्दाम जाऊन बघायला हवी असं वाटातंय.
http://www.facebook.com/Vrikshanursery