अचानक भेटलेली कला, कल्पकता, सौंदर्यदृष्टी

Submitted by मामी on 17 February, 2012 - 08:28

आपला रोजचा घर तो ऑफिस आणि परत असा प्रवास असो वा देशापरदेशात नोकरीनिमित्त अथवा पर्यटनाच्या दृष्टिकोनातून केलेली भटकंती असो, कधी कधी अचानक आपल्याला सुरेखशा जागा भेटतात. नेहमीचीच साधी भिंत कोणी आपल्या सुंदरशा चित्रकलेनं सजवलेली असते, तर कधी कोणाच्या मन लावून बनवलेल्या हस्तकलेनं एखाद्या छोट्याश्या रेस्टॉरंटचा कोपरा चमकून उठतो. आपला जीव हरखून जातो.

तुम्हाला अशी कला कधी भेटलेय? भेटली असेल आणि तुम्ही अशा जागा आपल्या कॅमेर्‍यात उतरवून घेतल्या असतील तर त्या इथे शेअर करा. नसतील तर यापुढे लक्ष ठेऊन असा कारण कल्पनाही नसेल अशा जागी एखादी कलाकृती तुम्हाला नक्की सापडेल.

विषय:

शब्दखुणा:

Groups audience:

प्रकाशचित्रण - तंत्र आणि मंत्र

Group content visibility:

Public - accessible to all site users

शेअर करा

फ्रान्समध्ये फिरत असताना अशा

फ्रान्समध्ये फिरत असताना अशा चिक्कार जागा दिसल्या. त्यातल्या काही :

हे नीसमधल्या ओल्ड टाउन मध्ये फिरताना एका रेस्टॉरंटच्या बाहेरचं म्युरल. टेबल, त्यावर चहाचा सरंजाम मांडलाय, बाजूला तीन पिवळ्या खुर्च्या आणि टेबलावर भलीमोठी फुलदाणी - फुलांसकट.

जवळून बघितलं तर थक्कच झाले. तुटलेल्या क्रोकरीचे तुकडे लावून केलेल्या कपबशा आणि किटली. काचांच्या तुकड्यांनी बनवलेली फुलदाणी आणि फुलं. त्यात एक लालबुंद नेकलेस. किती ती सौंदर्यदृष्टी.

याच छोट्याश्या रेस्टॉरंटच्या दाराच्या शेजारी हे एक सुरेख चित्रं होतं. खालच्या कुंडीचा आकार वगळता अगदी आपल्या वारली पेंटिंगची आठवण करून देणारं :

Submitted by मामी on 16 May, 2013 - 11:58

सुंदर. अशी रंगीत दगडांच्या

सुंदर.
अशी रंगीत दगडांच्या तूकड्यांनी मोठी मोठी चित्रे करायची कला युरपमधे प्राचीन आहे. मी ती चित्रे प्रत्यक्ष बघितली नाहीत, पण ओमानमधे, त्यांच्या सुलतानाचे त्या शैलीत काढलेले चित्र बघितले आहे.

कधी कधी तर भाजीवाल्याचे ढीगही सौंदर्यपूर्ण असतात. पेणच्या पुढे एका टोलनाक्यावर काही बायका कापलेली काकडी विकतात. त्यांच्याकडची काकडी फार सुबक आकारात कापलेली असते.

माझ्याकडे पण असे काही नमुने असतील.

Submitted by दिनेश. on 17 February, 2012 - 08:34

अप्रतीम कल्पना मामी. दिनेशदा,

अप्रतीम कल्पना मामी.
दिनेशदा, तुमच्याकडचे नमूने टाकाच.

Submitted by मंदार-जोशी on 17 February, 2012 - 08:36

हॉटेलच्या लिफ्टचा दरवाजा. तशी

हॉटेलच्या लिफ्टचा दरवाजा. तशी पाहिली तर किती दुर्लक्षित गोष्ट! पण नीसच्या हॉटेलात इथेही एका कलाकारानं आपली मोहोर उमटवली होती आणि एक सौंदर्याचं बेट तयार केलं होतं. स्टीलच्या दरवाज्यांवर वेगवान रेषांनी कोरून काढलेल्या आकृती. त्यातला वेग आपल्यापर्यंत सहज पोहोचतोय :

Submitted by मामी on 16 May, 2013 - 12:02

गोव्यात पण असले काही अस्सल

गोव्यात पण असले काही अस्सल नमुने आहेत कलाकुसरीचे..... आता सगळीकडे जाताना कॅमेरा फिरवला पाहिजे....... मस्त ग मामी....... सुपिक डोक्यातली सुपिक कल्पना

मला आधी वाटलेलं की तुला भेटलेल्या एखाद्या "कला" नावाच्या व्यक्तीवर काही लिहिलेस की काय

Submitted by भुंगा on 17 February, 2012 - 08:40

सुंदर कल्पना मामी

Submitted by Kiran.. on 17 February, 2012 - 08:42

हो मामी, अशा कला भेटतात नेहमी

हो मामी, अशा कला भेटतात नेहमी आणि मी अधूनमधून माझ्या कॅमेर्‍यात साठवतेसुद्धा. आता सगळं कलेक्शन एकदम कुठल्याकुठल्या फोल्डरमध्ये दडलंय, ते एकदम आठवणार नाही. सध्या एक शेअर करते. अ‍ॅम्स्टरडॅमला गेले असतांना एका रेस्टॉरन्टच्या छतावर हे दिसलं... अर्थातच खोटे मासे आहेत. बाकी तू शेअर केलेली 'कला'ही भारीच. मी शेअर करतेय, त्यात हस्तकलेपेक्षा कल्पकता जाणवली. असंही चित्र इथे चालू शकेल, हो ना?

Submitted by सानी on 17 February, 2012 - 09:07

सर्वांना कल्पना आवडली ना?

सर्वांना कल्पना आवडली ना? धन्यवाद.

हो सानी. अशी कल्पकता नक्कीच चालेल.

Submitted by मामी on 17 February, 2012 - 09:17

मामी.. मस्त.. लिफ्टचा प्रकार

मामी.. मस्त.. लिफ्टचा प्रकार तर लै भारी !

Submitted by Yo.Rocks on 17 February, 2012 - 09:26

बेष्टेस तू मामी..आम्हा

बेष्टेस तू मामी..आम्हा सर्वांतील कलादृष्टी जागृत करायला प्रवृत्त करणारी मस्त, आगळीवेगळी कल्पना मांडलीस......
जियो!!!!

Submitted by वर्षू. on 17 February, 2012 - 10:02

गोव्याच्या हॉटेलमध्ये तिथल्या

गोव्याच्या हॉटेलमध्ये तिथल्या रूमसर्विसवाल्यांनी केलेला हा टॉवेल्सचा गणपती :

Submitted by मामी on 16 May, 2013 - 12:07

मामी, मस्त धागा आहे. ईथे आता

मामी, मस्त धागा आहे. ईथे आता छान छान गोष्टी बघायला मिळतील.

Submitted by प्रज्ञा कुलकर्णी on 17 February, 2012 - 12:57

सुंदर धागा... माझे काही अनुभव

सुंदर धागा... माझे काही अनुभव देईन इथे हळू हळू..

Submitted by सेनापती... on 17 February, 2012 - 13:06

मस्त धागा

Submitted by Vega on 18 February, 2012 - 04:31

मामी कपबश्यांची कला खुपच

मामी कपबश्यांची कला खुपच आवडली. खुप छान धागा चालू केला आहेस.

Submitted by जागू-प्राजक्ता-... on 18 February, 2012 - 04:35

सहीये..

Submitted by नीधप on 18 February, 2012 - 08:26

ग्रेट मामी : चला अता नवीन

ग्रेट मामी :): चला अता नवीन कहीतरी पहायला मीळ्णार

Submitted by मी_केदार on 18 February, 2012 - 11:39

क्या बात है........ एकदम सही

क्या बात है........ एकदम सही धागा आहे मामी...:)

Submitted by जयवी -जयश्री अंबासकर on 18 February, 2012 - 14:15

लेकीच्या शाळेतल्या

लेकीच्या शाळेतल्या आर्टएक्झिबिशनमधली एक कलाकृती. पाण्याच्या रिकाम्या बाटल्या वापरून केलेली.

Submitted by मामी on 16 May, 2013 - 12:17

ही एक वाळूपासून बनवलेली

ही एक वाळूपासून बनवलेली कलाकृती. हाय स्ट्रीट फिनिक्समध्ये हा कलाकार ती एक आठवडा बनवत होता. एका शनिवारी मी गेले तर फक्त वरचा भाग तयार होता आणि तो कलाकार अत्यंत तन्मयतेनं आणि जीव ओतून बारीक सारीक तपशील भरत होता. त्या छोट्याछोट्या वीटांचा आकार, झरोके किती बारीक काडीने कोरून काढत होता. मग पुढच्या शनिवारी गेले तर कलाकृती पूर्ण झाली होती. तो कॅन्सरग्रस्तांच्या मदतीसाठी देणगी गोळा करत होता.