नलिनी यांचे रंगीबेरंगी पान

येळकोट येळकोट जय मल्हार!

खास आपल्यासाठी.

अर्थात रुनीकडून मिळालेली प्रेरणा.
मी रंगकामाची जाणकार नसल्याने तसेच हातात हवी ती सफाई नसल्याने खूप चांगल्या पणत्या रंगवता आल्या नाहीत. शिवाय रूनीने रंगवलेल्या पणत्या समोर न ठेवता रंगवायचे ठरवल्याने वेगवेगळ्या डिझाईन सुचने आणि काढणे हे अतिशय कठीण काम असते हे जाणवले.

रूनीचे खास आभार मानून आपल्यासाठी...

आई होताना आई नसताना

तिर्थरुप ताईस नलिनीचा शिरसाष्टांग दंडवत.

मी, पिल्लू अगदी मजेत आहोत. तू कशी आहेस?
गेले कित्येक दिवस मी एकटीनेच तुझ्याशी बोलतेय, आज मातृदिनानिमित्त हा पत्र लिहिण्याचा खटाटोप.

शिक्षण संपलं, तुर्तास करीअर बाजूला ठेवून पालकात्वाची जबाबदारी स्विकारायचे ठरले. लवकरच आपण आई होणार ही कल्पनाच किती सुखावह होती. नुसती कल्पनाच एवढे सुख देऊन जाते तर तो आई होण्याचा क्षण कोणत्या परिमाणात मोजणार मी.