Admin-team यांचे रंगीबेरंगी पान

१६ सप्टेंबर, १९९६पासून गेली २० वर्षं तुमची आपुलकी, जिव्हाळा आणि विश्वास संपादन करण्याचं भाग्य आम्हाला मिळालं, याबद्दल ऋणी आहोत.

याच आपुलकीच्या आधारानं आणि जिव्हाळ्याच्या सोबतीनं एकविसाव्या वर्षात पदार्पण करतो आहोत.

भाषा मराठमोळी
हर अंतरी फुलावी,
घेऊन ध्यास आली
उदयास मायबोली !

गेल्या वीस वर्षांत मायबोलीचा या ना त्या प्रकारे सामाजिक बांधिलकी जपणार्‍या, समाजासाठी काम करणार्‍या असंख्य व्यक्तींशी, संस्थांशी अतिशय जवळचा संबंध आला. ’महारोगी सेवा समिती’ ही संस्था त्यांपैकीच एक.

आनंदवन, लोकबिरादरी प्रकल्प (हेमलकसा), आमटे कुटुंबीय आणि तिथे कार्यरत असलेले सर्व कार्यकर्ते यांच्याबद्दल मायबोली.कॉमला आणि मायबोलीकरांना अतीव आदर आणि आत्मीयता आहे.

मायबोलीने या गणेशचतुर्थीला एकोणीस वर्षे पूर्ण केली (तारखेप्रमाणे १६ सप्टेंबरला) आणि विसाव्या वर्षात पदार्पण केलं आहे. सर्व मायबोलीकरांना हार्दिक शुभेच्छा!!

गेल्या एका वर्षात (गेल्या गणेशचतुर्थीपासून या गणेशचतुर्थीपर्यंत) आपण काय केलं, याचा हा एक मागोवा.

नवीन उपक्रम

गेली १९ वर्षे अनेक स्वयंसेवकांनी मायबोलीच्या विविध उपक्रमांसाठी आपला वेळ दिला आहे. याचा मायबोलीला फायदा झालाच पण स्वयंसेवकांनाही नवीन गोष्टी शिकायला मिळाल्या, वेगळ्या कामाचा अनुभव मिळाला.

वरचेवर, अशा प्रकारचा स्वयंसेवेचा अनुभव असणे ही काही प्रकारच्या नोकरी व्यवसायासाठी जमेची बाजू ठरते आहे.

सभासदांना, त्यांनी दिलेल्या योगदानाचा योग्य तो उपयोग व्हावा म्हणून लिंक्डईन या व्यावसायिक सोशल नेटवर्कवर आपण नुकतीच मायबोलीसाठी अधिकृत व्यक्तिरेखा तयार केली आहे. तुमचा अनुभव तुमच्या व्यक्तिरेखेवर लिहण्यासाठी तुम्ही याचा जरूर वापर करू शकता.
https://www.linkedin.com/company/maayboli-inc

फेसबुकावरील मायबोलीच्या चाहत्यांची संख्या:
जानेवारी ३१, २०१२ : १००० + चाहते
मार्च १२, २०१२ : १०,००० + चाहते
सप्टेंबर १५, २०१२ : २५,००० + चाहते
एप्रिल २५, २०१३ : ५१,००० + चाहते
नोव्हेंबर ११, २०१३ : ७५,००० + चाहते
एप्रिल २०१४: ९०,००० + चाहते
जून ५, २०१५ : १००,०००+ चाहते.
धन्यवाद, धन्यवाद !! तुम्ही अजून चाहते झाला नसाल तर लवकर व्हा!! https://www.facebook.com/Maayboli

मायबोलीने या गणेशचतुर्थीला १८ वर्षे पूर्ण केली (तारखेप्रमाणे आज १६ सप्टेंबर) आणि १९व्या वर्षात पदार्पण केले आहे. सर्व मायबोलीकरांना हार्दिक शुभेच्छा!!

गेल्या एका वर्षात (गेल्या गणेशचतुर्थीपासून या गणेशचतुर्थीपर्यंत) आपण काय केले याचा हा एक मागोवा.

नवीन उपक्रम

या गणेशचतुर्थीला मायबोलीला १८ वर्षे पूर्ण झाली आणि त्याच शुभमुहुर्तावर मायबोलीने हिंदी आणि कानडी भाषेतल्या वेबसाईट सुरु केल्या आहेत.

२०१२ मधे बातम्या.कॉम ही वेबसाईट मायबोली समुहाचा भाग बनली. या दोन वर्षात या साईटला उत्तम प्रतिसाद मिळतो आहे. एक थोडी आश्चर्याची गोष्ट म्हणजे मायबोली.कॉम किंवा बातम्या.कॉम या ठिकाणी पहिल्यांदा धडकणारा वाचकवर्ग हा बहुतांशी वेगळा आहे. आणि हळूहळू त्यांना दुसर्‍या साईटची माहीती होते आहे :)

जगातल्या बहुसंख्य प्रगत देशात इंटरनेवरचं स्त्रियांचं प्रमाण ५०/५० (किंवा जवळपास आहे). पण भारतात मात्र हे प्रमाण ३०% पेक्षा कमी आहे. जास्तीत जास्त भारतीय स्त्रियांनी इंटरनेटचा वापर करावा, त्यांना सुरवातीला येणार्‍या अडचणी दूर करता याव्यात म्हणून गुगल या कंपनीनं hwgo.com (Helping Women Get Online) हा सार्वजनिक हिताचा एक खूप चांगला उपक्रम सुरु केला आहे. इंटरनेटबद्दलची माहीती आणि महत्व सोप्या भाषेत सांगणं, इंटरनेटवरचा महिलांंना उपयुक्त वाटेल असा मजकूर दाखवणं, प्रत्यक्ष फोनवरून मदत करणं (Handholding) असं या उपक्रमाचं स्वरूप आहे.

मायबोलीवर सातत्यानं राजकीय चर्चांना चुकीचं वळण लागण्याच्या घटना घडत आहेत. शिवराळ भाषेचा वापर केला जात आहे. असे प्रतिसाद शक्यतोवर काढून टाकण्यात आले आहेत किंवा ते धागे वाहते केले आहेत.

मायबोलीच्या वावराच्या नियमांमध्ये भाषेच्या वापराबद्दल स्पष्ट सूचना केलेल्या आहेत. कुठल्याही जाती / धर्म / वंश / वर्ण यांच्याबद्दल कुठल्याही सदस्याचे अवमानकारक / बदनामीकारक लेखन आढळल्यास त्या सदस्याचे खाते गोठवण्यात येईल, हे वारंवार स्पष्ट करूनही काही मायबोलीकर सतत अयोग्य भाषेत लिहिताना दिसत आहेत. मायबोलीवरचं वातावरण यामुळे गढूळ होत आहे.

काही मिनिटांपूर्वी मायबोलीच्या दृष्यभागाचे (Frontend) नवीन सर्वरवर स्थलांतर झाले आहे.
(मायबोलीच्या डाटाबेसचे स्थलांतर काही महिन्यांपूर्वी झाल्याचे चाणाक्ष मायबोलीकरांच्या लक्षात असेलच)

मायबोली नीट दिसत नसेल तर कृपया आपल्या ब्राऊझरला ताजेतवाने करा (Refresh)