Admin-team यांचे रंगीबेरंगी पान

मायबोलीवर हितगुज विभागात वेगळे ग्रूप्स अनेक वर्षांपासून आहेत. काही वर्षांपासून आपण आधारगट ही सुरू केले आहेत. यातलाच एक लोकप्रिय ग्रूप म्हणजे ध्यासपंथी पाऊले. वेगवेगळ्या सेवाभावी संस्था, त्यांचे उपक्रम याबद्दल मायबोलीकरांना माहिती होण्यासाठी या ग्रूपने महत्वाचे काम केले आहेत. या ग्रूपवरच्या आवाहनातून अनेक संस्थांनी आर्थिक मदत ही गोळा केली आहे.

कालपासून मायबोलीच्या लेखनांखाली तुम्हाला रंगीबेरंगी बटने दिसायला लागली असतील. मायबोलीवरचे लेखन सोशल मिडिया वर शेअर करणे सोपे व्हावे म्हणून ही सोय केली आहे. ही सोय पूर्वी ही (६ महिन्यांपूर्वी) होतीच पण व्हॉट्सअ‍ॅप वर अणि पिंटरेस्टवर शेअर करण्याची सुविधा मायबोलीसाठी नवीन आहे.
व्हॉट्सअ‍ॅपकारांच्या धोरणाप्रमाणे फक्त मोबाईलवरूनच आणि तेही तुमच्या मोबाईलवर व्हॉट्सअ‍ॅप असेल तर शेअर करता येते.
व्हॉट्सअ‍ॅपसोडून इतर सोशल मिडीया वर डेस्क्टॉप किंवा मोबाईल दोन्ही पद्धतीने शेअर करता येईल.

आजपासून मायबोलीवर एक मोठा बदल केला आहे.
तांत्रिक भाषेत मायबोली पुरेशी सुरक्षीत नव्हती. आपण http://www.maayboli.com किंवा http://maayboli.com असे मायबोलीवर जात असू. आजपासून हे बदलून https://www.maayboli.com किंवा https://maayboli.com असे जावे लागेल.

मायबोलीचे नवीन सर्वरवर आणि नवीन सेवादात्याकडे स्थलांतर पूर्ण झाले आहे.

मायबोलीवरच्या सुविधांमधे (किंवा असलेल्या अडचणींमधे ) काहीच बदल झालेला नाही. सभासदांना काहीच बदल जाणवू नये अशी अपेक्षा आहे. काही कारणामुळे पाने नीट दिसत नसतील तर तुमच्या ब्राउझरची पाने ताजीतवानी करून घ्या.
जर काही नवीन अडचणी आल्या तर कृपया इथे लिहा म्हणजे त्यावर मार्ग काढता येईल.

आजपासून मायबोलीवरचे लेखक/लेखिका यांच्यासाठी एक छोटी सुविधा देतो आहोत. या सुविधेमुळे त्यांचे वैयक्तिक नाव होण्यासाठी (Personal Branding) थोडी मदत होईल अशी अपेक्षा आहे.
प्रत्येक लेखनाच्या खाली लेखकाचे व्यक्तिचित्र (जर प्रोफाईलमधे चिकटवले असेल तर) आणि बाजूला ३-४ ओळीचा बायोडाटा दिसेल अशी सोय आहे. बायोडाटातला मजकूर तुम्ही स्वतः तुमच्या व्यक्तिरेखेत (प्रोफाईल) जाऊन "माझ्याबद्दल" या रकान्यात भरून, बदलू शकता.

हि सुविधा कशी वापरता येईल याचे हे चांगले उदाहरण आहे.

मायबोलीच्या गाभ्याचे (core software ) उर्ध्वश्रेणीकरण (Upgrade) यशस्वीरित्या पार पडले आहे. तुम्हा सगळ्यांच्या सहकार्याबद्दल आभारी आहोत.

या विकांताला मायबोलीच्या सॉफ्टवेअरचे उर्ध्वश्रेणीकरण (अपग्रेड) करणार आहोत. हे तुलनेने मोठे काम आहे. इतके मोठे उर्ध्वश्रेणीकरण या अगोदर आपण २००७ मधे केले होते.

त्या कामासाठी शुक्रवार १३ जानेवारी २०१७ संध्याकाळ ५ वाजेपासून (युस बॉस्टन वेळ) रविवार १५ जानेवारी रात्री १० वाजेपर्यंत मायबोली बंद राहील.

मायबोलीवरच्या अनेक ग्रूप मधे "नवीन कार्यक्रम" या प्रकाराखाली आगामी कार्यक्रमांची माहिती देता येते. हा लेखन प्रकार अनेकदा मायबोलीकरांचे GTG करण्यासाठीही वापरला जातो.

याच प्रकारात गेले काही वर्षे आपण सभासदांना "कार्यक्रमाला आपण उपस्थित राहणार आहोत याची नोंद (signup) " करण्याची सुविधा देत होतो. तांत्रिक कारणामुळे सध्या ही सुविधा बंद केली आहे. ही सुविधा देणार्‍या सॉफ्टवेअर मधे काही मोठ्या अडचणी आहेत. त्यामुळे ते दुरुस्त न करता अशीच सुविधा देणार्‍या काही इतर पर्यायांवर शोध सुरु आहे.

२०१२ मधे बातम्या.कॉम मायबोली वेबसमुहात सामील झाली. नंतर २०१४ मधे आपण बातम्या एकत्र दाखवणार्‍या, हिंदी आणि कानडी भाषेतल्या वेबसाईट सुरु केल्या. त्यानंतर २०१५ मधे बंगाली आणि गुजराती भाषेतल्या वेबसाईट सुरु केल्या. यावर्षी नुकतीच आपण इंग्रजी भाषेतली बातम्यांचे मथळे एकत्र दाखवणारी वेबसाईट सुरु केली आहे. बातमी संपूर्ण वाचायची असेल तर मूळ स्रोताची लिंकही तिथेच दिली आहे.

मायबोलीनं या गणेशचतुर्थीला वीस वर्षं पूर्ण केली (तारखेप्रमाणे १६ सप्टेंबरला) आणि एकविसाव्या वर्षात पदार्पण केलं आहे. या वाढदिवसाच्या धामधुमीत वार्षिक अहवाल प्रकाशित करायला थोडा उशीर झाला, त्याबद्दल मायबोलीकर मोठ्या मनानं माफ करतील, याची खात्री आहे.

गेल्या एका वर्षात (गेल्या गणेशचतुर्थीपासून या गणेशचतुर्थीपर्यंत) आपण काय केलं, याचा हा एक मागोवा.