Admin-team यांचे रंगीबेरंगी पान

मायबोलीवर काही थोडे बदल केले आहेत.

१) एखादे फक्त ग्रूपपुरते असलेले पान जर ग्रूपबाहेरच्या सदस्याने वाचायचा प्रयत्न केला तर त्या सदस्याला
फक्त "या पानावरच जायची परवानगी नाही" असा संदेश येत असे. पण ते कुठल्या ग्रूपमधे आहे हे न कळल्यामुळे पुढे काहीच करता येणे अवघड होते.

आता त्यात थोडा बदल केला आहे. पूर्वीच्या संदेशाबरोबरच आता, ते पान कुठल्या ग्रूपमधे आहे आणि त्या ग्रूपच्या मुख्य पानाची लिंक दिसते. ती लिंक वापरून, ग्रूपच्या मुख्य पानावर जाऊन त्या त्या ग्रूपमधे सामील होण्यासाठी लागणार्‍या पायर्‍यांमधून जाता येईल.

मायबोलीवर पुढील सुविधा का नाही किंवा कधी देणार याबद्दल नेहमी विचारणा होत असते.

१) अधिक हास्यचित्रे:
२) रंगीत शाई:
३) सहीची ( Signiture) ची सोय:

या सुविधा दिलेल्या नाहीत कारण मायबोलीवरच्या संवादांमधे/हितगुज मधे त्या बाधा आणणार्‍या आहेत. या सुविधांमुळे प्रतिसाद देणार्‍या व्यक्तीचे वेगळेपण दिसते पण प्रत्यक्षात ज्या विषयावर संवाद सुरु असतो त्यात काहीही भर पडत नाही.

१) अधिक हास्यचित्रे:

मायबोलीवरची नवीन सुधारणा असो, गणेशोत्सव, दिवाळी अंकासारखे उपक्रम असो या सगळ्या कामातला एक भाग म्हणजे वेगवेगळ्या Browsers वर कसं दिसतंय हे तपासून पाहणं. त्यात एक Browser नेहमीच वैताग देतं ते म्हणजे IE 6 (Internet explorer version 6). जुनं तंत्रज्ञान असल्याने इतर कुठल्याही Browser पेक्षा IE 6 कडे जरा जास्तच लक्ष द्यावं लागतं. तुमच्यापैकी जे वेब तंत्रज्ञानाशी निगडीत व्यवसाय करत असतील त्यांना याची चांगली कल्पना असेल.

काही वर्षांपूर्वीची मायबोलीवरची सत्य घटना

एका मायबोलीकराची इच्छा होती मायबोलीवरती उर्दू गझला असाव्यात, म्हणून त्याने इथे एक छान उर्दू मधली (पण देवनागरीत) गझल लिहिली. त्याला काही जाणकारांचा प्रतिसादही मिळाला. त्याला पुढे उर्दू कवितांचा संग्रह (रसग्रहण नाही) मायबोलीवर करायचा होता. अ‍ॅडमीन टीम ने त्याला सुचवलं दुसरीकडे लिही मायबोलीवर नको. तेंव्हा त्याचं म्हणणं होतं पण इथंच का नको? तिकडे लिहिलं तर कुणी वाचणार नाही. इथे भरपूर वाचणारे आहेत. आणि कधी कधी इतक्या भारंभार मराठी कविता असतात तर चांगल्या उर्दू मधल्या गझला का नको?

या शनिवारी (२९ मे) सगळ्यांच्या विचारपूशीची साफसफाई करण्यात येईल. तुमच्या विचारपूशीत असलेले १ जानेवारी २०१० अगोदरचे सगळे संदेश काढून टाकले जातील.

यात काही अडचण येणार असेल तर कृपया इथे लिहा.

नुकताच एका मराठी वेबसाईटवर अनेक सभासदांना वाईट अनुभव आल्याचे कळाले. एका व्यक्तीने विश्वास संपादून अनेक जणांकडून वेगवेगळ्या कारणांसाठी पैसे घेतले आणि ते परत करण्याबद्दल गोंधळ झाला. हे कितपत खरे खोटे होते ते माहीती नाही. पण हे कसे घडले, का घडले हे नक्कीच लक्षात घेण्यासारखे आहे आणि हे कुठल्याही वेबसाईटवर घडू शकते. पण इथे मायबोलीवर होऊ नये म्हणून आपण त्यातून काही शिकण्यासारखे नक्कीच आहे. आमची तुम्हाला विनंती आहे की व्यक्ती कोण आहे याबद्दल चर्चा न करता असे काही इथे झाले तर आपल्याला काय करता येईल याबद्दल बोलूया.

काही कारणामुळे काही दिवस (कधी कधी काही महिने) मायबोलीला भेट देणं जमत नाही. तेंव्हा तुमच्या सोयीसाठी अधून मधून या पत्रकातून ईमेल द्वारा मायबोलीला तुमच्या जवळ आणण्याचा हा प्रयत्न आहे. सध्या मायबोलीकरांच्या दृष्टीने नवीन काय विशेष आहे हे देखील तुम्हाला या सुविधेमधून कळेल. आणि जर बर्‍याच दिवसात तुम्ही मायबोलीला भेट दिली नसेल, तर एकदा चक्कर मारून तर पहा.

काही चाचण्या घेण्यासाठी, सभासदांच्या खात्यात असलेली "पाऊलखुणा" ही सोय , ८-१० दिवसांसाठी बंद ठेवण्यात येईल. हि सोय बंद असेपर्यंत "प्रतिसाद्+लेखन" (सभासदांनी कुठे कुठे प्रतिसाद दिले+लेखन केले) ही टॅब वापरता येणार नाही. "फक्त लेखन" ही टॅब स्वतंत्रपणे सुरु राहील आणि "माझे सदस्यत्व" वर जाऊन पाहता येईल.
-------------------------------------------------------------------

पाऊलखुणा पुन्हा सुरु केल्या आहेत.

यात एक छोटासा बदल आहे.
पूर्वी:
पाऊलखुणा-> १) लेखन+ प्रतिक्रिया (एकत्र) २) फक्त लेखन

आता:
पाऊलखुणा-> १) फक्त प्रतिक्रिया २) फक्त लेखन

मायबोली तांत्रीक कारणामुळे बंद होती हा संदेश/मजकूर तुम्ही गेले २ दिवस पाहिला असाल. नेमकं काय झालं होतं? आणि एवढा वेळ का लागला?

मायबोलीचे सर्व्हर ज्या डेटा सेंटरमध्ये आहेत तिथे भारतीय वेळेप्रमाणे सोमवारी संध्याकाळी ६:३० वाजता वीजपुरवठा खंडीत झाला. तिथे जनरेटर आणि UPS असूनही वेळेत वीजपुरवठा पुन्हा सुरू न झाल्याने बरेच सर्व्हर बंद पडले.

मायबोलीवर खालील विभाग आहेत.

१. गुलमोहर - मायबोलीकरांनी लिहिलेले साहित्य [कथा, कविता, ललित लेख, विनोदी लेख, विविध कला (प्रकाशचित्रे, चित्रकला, हस्तकला)] इथे पहायला मिळेल.

२. रंगीबेरंगी - मायबोलीकरांचे स्वतंत्र ब्लॉग.

३. हितगुज - विषयवार - या विभागात विविध विषयांवर ग्रूप्स आहेत. मायबोलीकर यातल्या आवडीच्या ग्रूपचे सभासद होऊ शकतात. या ग्रूपमधले लेखनाचे धागे सार्वजनिक किंवा ग्रूप सदस्यांपुरते मर्यादीत ठेवण्याची सोय आहे.